انتقام بوجه اخر

الحلقه الاولي

كانت تقف في الشرفه تراقب السيارات الماره الواحده تلو الاخري وهي ترتشف ما تبقي من فنجان القهوه الساده كطعم ايامها تلك ليست حياتها ولا ذاك وجهها كل شئ خاطي تنهدت وهي تتذكر كيف كانت مليئه بالحياه ولكن الان تحولت تلك المليئه بالحياه الي اله انتقام تحولت الي ورده ذابله كل ما تريده الانتقام شردت وهي تتذكر ما حدث من ثلاث سنوات

بااااك

كان يجلس ذاك الجد الذي يظهر علي وجه الوقار بعيونه السوداء التي يزينها الشيب الذي نبت بشده في راسه كان يقرا كتاب حتي دخلت عليه حفيدته بصراخ

همس بصراخ: جدو يا احلي جدجود عامل ايه

الجد بابتسامه: الحمدلله انتي عامله ايه يا شقيه

همس بمرح: فل والسطا يا باشا

الجد بضحك: السطا؟ ماشي يا شبح بطلي غلبه بقي وقولي عايزه ايه

همس بحزن مصطنع: اخص عليك يا جدو يعني انا مش بجيلك الا لو عايزه حاجه تشكر يا جدو

الجد بابتسامه: لا طبعا يا روح جدك ثم احتضانها فقالت هي بضحكه مكتومه: ادام انا روحك ايدك بقي علي الفين جنيه بس

الجد بضجر مصطنع: انا قولت مصلحنجيه ثم اكمل ماشي بس اومال فين الكريدت كارت بتاعك

همس بضجر: حفيدك المتخلف وقفهالي قال ايه مصاريفي ذادت اكتر من اللازم

الجد بحنو: يا روحي انتي تصرفي براحتك علي العموم خدي الفلوس من المكتب وبراحتك عيشي حياتك فاحتضنته همس وهي تقول له: والله انا قولت انك مرجله ومش هتكسفني

الجد بضحك: طب روحي يا بكاشه عشان اقرا الكتاب

همس:يادي كتب الفلسفه بتاعك دي يا جدو

الجد: يا بنتي كلها فقطعته همس بسرعه: كلها اختلافات راي والاختلاف في الراي لا يفسد للود قضيه حفظاهم سلام يا عسل

ثم اخذت المال وقبلت وجنته وخرجت من المكتب بينما ابتسم هو لها واكمل قراءه الكتاب
-----------&&&&--------

بينما في مجموعه الراوي العالميه للادويه كان يجلس علي مكتبه حتي دخلت عليه السكرتيره وهي ترتدي جيب قصير اسود مفتوح من الخلف بطول خمس سنتيمترات وقميص ابيض ضيق يكاد يكون شفاف وتفرد شغرها الاسود المموج دخلت بغنج وهي تقول: وحشتني اوي يا ماجود فقام ماجد وهو يقترب منها ووضع يده عند خصرها وهو يقول بنبره خبث: انتي اكتر يا قلب ماجود بس ايه الحلاوه دي

ضحكت بغنج وهي تقول: دا اقل ما عندي كاد ان يجيب حتي فتح الباب بسرعه فابتعد عنها كمن لدغته افعي

همس بشك: انتوا بتعملوا ايه

ماجد بتوتر:مش بنعمل دا كانت بتوريني ملف يلا انتي علي شغلك يا نورا فكادت ان تذهب ولكن اسرعت همس بالقيض علي يدها وهي تقول: استني عندك انت وهي تفسروا اللي حصل دا وفين الملفات دي