هكذا انا ....بين عزه نفس وكبرياء يخلق الحب

البارت الثالث

الكاتبه ZainebAli

القصة بيها هواي احداث 🔞 

مرني أنتَ وما أريد أُتمرني حتى العافيه❤

حياة...فجأة دخلت ناجية علية
ناجية .. جهزي نفسج اليوم يجي
حياة..منو راح يجي
ناجية ...هسة راح تجي سجى وتسوي الي كلتلها عليه وانتي متحجين ولا كلمة لان تعرفين شنو راح اسوي بيج افتهمتي لو لا

بلال..وين مرتي احجو ماكو احد يجاوب واباوع بس يبجون مفتهمت شنو الموضوع مجنت اكدر استوعب وامها شابكتها وتبجي معقولة مرتي ماتت حبيبتي لا لا مستحيل ضليت ابجي واصيح وماكدرت اشوفها او اتوقع هي ميتة منداريت نهائي رحت طلعت برة ادك واللطم ع راسي

وراها اجتي اختها صاحتني
نبأ...بلال فرح تريدك بسرعة ارجوك
بلال..شنو فرح مابيها شي ركضت الها وشفتها مابيها شي بس منتهية كلش
بستها من راسها وهي لأزمة ايدي وتكولي لتعوفني حباب الوجه شاحب ضليت يمها طول الليل بس الدكاترة كالو بعد منكدر اسوي الها شي خلوها هاي الايام ترتاح

طلعتها للبيت حالتها النفسية زادت اكثر حاولت اخفف عنها بس ماكو فائدة
يوم اني نايم يمها حظنتها ونمت كعدت الصبح بستها براسها وشفت جسمها بارد ماكو اي احد يمي ركضت بيها للمستشفى كالولي للاسف متوفية قبل كم ساعة

سودت الدنيا بوجهي ضليت الطم وابجي مثل طفل عايفتة أمة مكدرت اسوي اي شي نهائي ضليت يومية متخربط وصديقي الوحيد وكف وياية اهلي عادي اجو كم يوم وراحو

حياة.. دخلت سجى علية لكتني ابجي
سجى..شبيج حبيبتي
حياة..اني راح اصير مثل هاي البنات مو صح
سجى..انتي مصيرج تعرفي وناجية متفرط بوحدة ابد واذا صار وعافتها تجيبها لو تروح لأخر العالم

حياة..هسة اني شسوي حبابة انتي ساعديني
سجى..انتي تدرين الي يريدج واحد كلش ثكيل من الدولة ومن شاف صورتج تخبل ومقبل نهائي احد يلمسج غيرة ودافع هواي وناجية تريدين تعوفج هههههه

حياة..بس اني اموت نفسي والله
سجى..ترة هذا الشي مو بأيدج نهائي وثاني شي انتي حالج حال غيرج وهذا يمكن يدللج احسن من هاي عيشتج
حياة..مااريد هيج دلال عشت حياتي كلها بالضيم هسة اجي ادور دلال وفيكات

ناجية..اليوم ميجي الرجال عوفيها خليها ترتاح
حياة...فرحت كلش من سمعت الخبر
سجى. ..ارتاحيتي ههههه مبروك
حياة...كمت اتوضيت وصليت ودعيت ربي يخلصني من هاي البؤرة مر اسبوع وماكو الرجال كالو رجع سافر

بلال..خلصت الفاتحة وتعبت كلش من كلشي
حسين ...(صديق بلال) بلال تعال وياية نروح نغير جو شوية
بلال..ماكدر انت شجاي تشوفني
حسين..بس هي لو عايشة جان مرضت عليك وانت تعرف شنو جاي اقصد صح لو خطأ وبهذا بجيك وتأذي نفسك مجاي تريحها حرام عليك
بلال..عوفني بس هاي الفترة
حسين..لتصدك هههه جيب جوازك خلي نحجز
بلال..انطيتة الجواز بعد إلحاح منة
سافرنا وهناك صديقي بس شرب ونسوان واني ضليت بالفندق