هكذا انا ....بين عزه نفس وكبرياء يخلق الحب

البارت الثاني

للكاتبة #Zaineb_Ali

القصة بيها هواي احداث 🔞

حياة..امي حبابة زين انتي اختي مو بلة
سجى...ههههه انتي خطية متدرين مو
حياة...شنو
سجى..اول شي هاي مو امج وهاي قوادة
حياة..شنو يعني
سجى..بعدين راح تعرفين كلامي شنو اقصد بي

بلال..امشي نطلع
فرح .. مابية حيل فدوة عوفني
بلال...شلتها وكمت اختار الها ملابس شفتها ضحكت
فرح..انت متبطل سوالفك
بلال..من ابطل حبج اعوف سوالفي يلة كومي بدلي خلي نطلع
فرح.. اهو
بلال..طلعنة رحنة للفقمة اكلنة موطة ورجعنة تغير مزاجهها
بلال..استمر وضعها وبعد كل جرعة كيمياوي اشوفها تذبل اكثر وأكثر كرهت كلشي بحياتي هي صارت متكدر تسوي اي شي مو بأيدها الموضوع

حالة المستشفى لوحدها تمرض الإنسان بالزايد وخصوصا اهل السرطان المفروض اكو عناية خاصة الهم واهتمام اكثر بكثير عن الامراض البقية

فرح...حبيبي اني اريد اكلك شي
بلال...كولي
فرح..انتي تعبت هواي عوفني كافي خليني ارتاح ارجوك
بلال...اش كافي
فرح..ارجوك عوفني اني اريد ارتاح الموت آلية راحة اني متأكدة اني مراح اعيش نهائي
بلال...ضليت اصيح وعفتها وطلعت بالشارع
طبيت للبيت اصالحها

بلال.. فرح حبيبتي شفتها ما اجتي رحت الها اني
شفتها واكعة بالكاع ركض اخذتها للسيارة وضليت اصيح وعفت البيت مفتح اريد بس اوصل للمستشفى خفت لتروح من ايدي

فرح..شوية وصحيت وشفت نفسي بالسيارة وبلال يذب ع وجهي مي

بلال..اول مشفتها فتحت عيونها بست أيدها وشكرت رب العالمين

فرح..لتخاف مابية شي حبيبي
بلال..لازم اخذج للدكتور اتطمن
فرح.. ارجوك عوفني اريد انام بدون ما اخذ اي علاج زايد تعبت والله

بلال..رجعتها للبيت نامت كدام عيوني
فروحتي
فرح..نعم حبيبي
بلال..اذا بنفسج شي كوليلي اسوي الج
فرح..صدك
بلال..عيوني الج
فرح...اريد اروح للعمرة اريد ازور بيت الله
بلال..من عيوني اضبط دوامي ونحجز

حياة..ضليت اشوف اشياء غريبة بالبيت الي اني سكنت بي صحيح همة مهتمين بية وطلعة وانطوني تلفون وكلشي احلم بي بس ممرتاحة ضليت اشوف زلم يفوتون للبيت دائما
الام الكبيرة بالبيت اسمها ناجية تجي تشوفني يومية وتتفقد الغرف وكلشي

اني جنت بس بغرفتي لان اخاف احد يتقرب مني
طلعت مرة لوحدي اتسوق
جان اشوف وحدة مرة كبيرة جوارينة سلمت عليها جان تدفعني بطريقة وحسيت نفسي مسوية جريمة الها كلش كبيرة

سألتها ليش كالت تغشمين نفسج انصدمت كلتلها ليش كالت مابقة بس وحدة وصخة وساقط.. تسلم علية
لو بيجن خير مو هنا تسون هاي السوالف بواكات  الزلم وضلت تغلط سألتها اني ممسوية شي لأحد والله ضحكت كالت انتن عدجن بيت دعارة شنو تسون قابل

حياة..انصدمت ومشيت معقولة اني عايشة ببيت دعارة يعني كلام سجى صحيح ناجية قوادة وأحمد جان يكذب وكلي امي يعني اني مجرد سلعة يبيعون ويشترون بية

ضليت بالشارع استحيت من كلام الحجية واقرفيت من نفسي كلت لازم اطلع من ذاك البيت عسى ما انام بالشارع كافي عيشة الذل واني فقيرة ممسوية اي شي وماكو مخلوق يمنعني

فتت للبيت
سجى..شبيج ليش تأخرتي مو تدرين عدنة سهرة باليل
حياة..انتن قذرات ومتستحن ابد
وما احس الة وانجر شعري والايد ايد رجال ضليت اصيح عوفني وشفتة رجال جبير ضليت اصيح انت منو حقير

فؤاد ..كلمة زايدة ما اسمع منج نهائي ابد
حياة...عوفني اني اريد اطلع من هذا البيت القذر
فؤاد ..انتي خاف عبالج انتي فد وحدة بت حسب ونسب كلج بت وحدة عاهرة...

حياة....عوفني جاي اكلك
فؤاد ...ناجية تعاي لهاي ربيها

ناجية ...شبيج لج
حياة..هذا البيت ما اريد ابقى بي ولا دقيقة عوفوني
ناجية اسمعي لج حجية ولغوة ثانية ما اريد ترة اكسرة لراسج هاي جزاتي نظفتج وسويتج آدمية

حياة.. المقابل شنو
ناجية ...اسكتي لج مو وحدة زعطوطة تحاجيني طبي بغرفتج وحسابج عندي بس خلي يجي الكلب ذاك

حياة..عاندت وصيحت وما احس الة الراشدي اجاني وضلت تضرب بية

سجى نقذتني من أيدها

سجى..حياة حبيبتي اني ترة مثلج والله
حياة..انتي مو مثلي ابد انتي وحدة قذرة
سجى..شكرا الج بس الفكرة الي ماخذتها عني كلش خطأ 
حياة..لعد شنو
سجى..اني ترة حالي حالج عشت نفس عيشتج ويمكن اكثر منج بهواي اني الي ابوها طردها لان لكة امها تخونة  اني صرت ضحية شي اني جنت نهائي ما الية دخل بي

سجى..اني الي اتزوجت امها وزوج امها يتحرش بيها جنسيا اني الي امها كرهتها بسبب زوجها كافي لو خلص
حياة..شفت سجى تحجي وتبجي واني ضليت ابجي ع قصتها وع نفسي كافي سجى
سجى..لا مو كافي انتي مو تكولين قذرة اني مو بأيدي اني اتمنى اعيش عيشة اي بنية واهلها فقط يحبونها اني اتمنى الكة رجال يحبني بس بهذا حالي مستحيل
اني الي امها اتبرت منها وباعتها لخاطر رجال ميحبها

حياة..ضلت تحجي وتبجي اخر شي عافتني وراحت تمنيت اعرف قصة كل بنية جنت عبالي بس اني المضلومة بس للاسف

بلال...جهزت كلشي وحجزت للسفر وبدينة نجهز الحرامات وكلشي اشوف وجهه فرح يضحك تمنيت مسوي هذا الشي من زمان

اجة موعد سفرنة زرنة النبي وبيت الله وهواي اماكن مقدسة الراحة النفسية هناك جانت فرحانة كلش بس يوم عن يوم بدت تذبل اكثر ومتقبل تأخذ اي علاج
رجعنة لكينة الناس مسوية عزيمة  

بلال..ضلينة كم يوم مكدرت ابقيها بلا علاج ابد
قنعتها ورحنة الدكتور كال ماكدر ابشرك بخير فقط ننطيها العلاج والكيماوي والباقي ع الله

انطوها العلاج بدت تصير زركة من ينطوها العلاج تعبت كلش اني تعبت كلش نفسيا والتفكير موتني اخر يوم الها وياية جانت توصيني ودائما ضلت لأزمة ايدي واهلها تريدهم يمنة اجةاليوم الي جنت نهائي ما اتمناه فرحة عمري تروح مني مكدرت اسوي اي شي

رحت للدوام والفجر جاي اصلي ودعيت الها الله يقويها ع المرض واجاني اتصال وكالو تعال فرح حالتها موزينة واسمع امها تصيح هي وخواتها

طلعت من الدوام ركض للسيارة اريد بس اوصل للمستشفى

حياة...فجأة دخلت ناجية علية
ناجية .. جهزي نفسج اليوم يجي