#مساء الخير حبايب
((قصة غيث والعشك ))
#للكاتبه شهد البيانيه
#البارت الاول .....
زمن دنمشي أني وفرح وفجئه اجت سياره وطبكت يمنه ونزل منها شاب حلو ومرتب بس بده يحجي ويتحرش وكني بنت شوارع احترم نفسك انت منو وشتريد منه
الشاب اني معجب بيج واريد اتقدملج واكيد مراح ترفضين لأن بحلامج مراح تلكين واحد مثلي واني اعرف كل سوالفج
زمن انت واحد مامربي وإذ مامشيت اخلي الناس كلها تتفرج عليك
الشاب بسيطه انشوف إذ ماخليت الناس تحجي بيج وبسمعتج الوسخه الا اخليج تجين تتوسلين بيهزمن صعد سيارته والشاب الآخر منزل بس إذ اشوفه اعرفه
تقريب مر أكثر من شهر على هاي السالفه
,{ قصة غيث والعشك }
زمن _يمه اني رايحه للمدرسه خلصت شغلي
الام _الله وياج ديري بالج على نفسج وعلى احتج فرح
زمن خلي اعرفكم عليه اسمي زمن عمري
19سنه طالبه سادس اني واختي فرح عندي خوات 4واني الخامسه ابويه موظف على كد حاله امي ربت بيت وعندي اخ واحد امدلل مال البيت اسمه سعد اي شي يريده لزم ياخذه وامي عدها سعد اغله منه لان دائما اكو اهل يحبون الولد اكثر من البنت بس هو حباب واني افتخر بيه لأن يخاف علينه عندي خوات 3متزوجات بغير محافظات الجبيره سجى وبعدها رسل وبعدها سلمى مرتاحات بيت ارجالهن
يجن علينه مرتين بسنه بس لان بعيداتوصلنه للمدرسه اني وفرح واجت صديقتي جنه ودخلنه للمدرسه طبعا اني احجي كلشي لجنه وهي هم تحجيلي اي شي يصير وياها
جنه_اليوم احمد سالني عليج
زمن _،شكال عليه احجي
جنه_ههههه ولج يمكن معجب بيج ويريد يخطبجزمن_اني ،خلي اخلص السادس بعدها نتزوج
جنه_ان شاء الله انتي ميت واحد يتمناج على هيج جمال
زمن _لا تبالغين هوايه
جنه_اليوم احمد راح يجي ياخذني تعالي انتي وفرح ويانه
زمن اي عادي نروح وياكم مرت الساعات
واجا احمد ورحنه اني وفرح وياهم بس الطريق كله احمد يباوع عليه بلمرايه ويبتسم واني من الخجل مااعرف وين انزل راسي طبعا نتراسل اني وأحمد وهو من زمان ينتصر علمود يخطبني بس عمري ما طلعت وياه بوحدنه
وصلنه للبيت وامي كالت شنو هاي السياره الي وصلتجنزمن اخو صديقتي
الام،" هاي انتي تخبلتي لو اخوج شايفج لو ابوج جان شكلتي هاي اخر مره تسوين هيج مره الاخ اكل لبوج سمعتي
زمن رحت لغرفتي ضجت من كلام امي يعني ماسويت شي غلط وصلونه واخته وياه
فرح _يلا نزلي خلي نتغده
أنت تقرأ
غيث والعشك
Romanceرجل يتزوج وتخونه زوجته وبعدها يكره كل امرأة وشاء القدر من أن يتزوج من فتاة بس هل ياتره راح يكدر يحبها ويعشكها تابعو وياي خلي نشوف غيث والعشك