#مساء الخير حبايب
((قصة غيث والعشك))
للكاتبه شهد البياتيه
#البارت الثالث
ودعت اهلي وبعدها اخذني شيخ زامل يعني اخذني للموت لناس مااعرفهم ضل ورايه مستقبلي مدرستي وحبي وكل شي تمشي السياره بيه بس احس جسم بدون روح ماحجيت شي لحد ماوصلنه
شيخ زامل "نزلي بنتي
زمن"نزلت ونزلت بيدي جنطت ملابسي ماريد اكللكم شنو جان شعوري انزل بيت
بينه دم واخويه قاتل ابنهم واجيتهم وشايله جنطت ملابسي بيدي شعور الخجل والفشل وكلشي ماينوصف بيه
طلعو زلم اثنين واحد منهم اشر لمره وبعدها أخذوا الشيخ لديوان واني اجت المره عليه كالت تعالي ورايه
فعلا مشيت وراها دخلت للبيت مابيه احد اخذتني المره دخلتني بغرفه قريبه على المطبخ دخلت بيها الغرفة عباره عن مخزن للمواد الغذائيه كلها كرتونات بيها جربايه نفر واحد كعدت عليها المره كالتي لا تطلعين منها لحد مااجي عليج
اني هزيت براسي بمعنى مراح اطلع
غيث"اجا شيخ زامل حيدر وليث استقبلوه ودخل لديوان بعد السلام حجه الشيخ
شيخ زامل "اني بيدي جبت البنت
غيث"ليش مجابها ابوها اني طلبت ابوها يجيبها بيده
شيخ زامل "اني جبتها ابوها مراح يكدر يتحمل ينطيك بنته ويمشي ويخليها
غيث"هما جابوها لنفسهم
شيخ زامل "يلا منو الي راح يعقد على البنت لزم واحد منكم يعقد عليها
غيث"حيدر جيب السيد
حيدر"صار شيخ
غيث"شويه واجا السيد بعدها طلب السيد ياخذ موافقت البنت
زمن"اني كاعده اجت بنت دخلت عليه كالت انتي الفصيله الله ياخذج انتي واخوج هاج هاي العباه لبسيها وتعالي ورايه
مشيت وراها ومن وراه الباب سالني السيد موافقه على الزواج
ضليت ساكته
بعدها سمعت صوت شيخ زامل بنتي وافقي اني موجود لا تخافين
زمن كلت موافقه بعدها رجعت دخلت بلغرفه وضليت ابجي لحد ماتعبت خليت راسي على المخده ونمت لان البارحه مانمت
غيث"بعد مااخذ السيد موافقت البنت
عقدنه وراح السيد
شيخ زامل "ماجنت متوقع انت راح تعقد عليها
.غيث "ليش ماجنت متوقع
شيخ زامل "انت كلت سنه وارجعها
غيث"وبعدني لحد هسه على قراري سنه وارجعها لبيت اهلها
شيخ زامل "مامرجيه منك وانت شيخ ترجع حرمتك لهلها وهي صارت راجعه الك
غيث"اني اخذ هذا القرار ومراح اتراجع منه
أنت تقرأ
غيث والعشك
Romanceرجل يتزوج وتخونه زوجته وبعدها يكره كل امرأة وشاء القدر من أن يتزوج من فتاة بس هل ياتره راح يكدر يحبها ويعشكها تابعو وياي خلي نشوف غيث والعشك
