هذولي احنا الي يذبنا بضيج مانذبه
وهذولي احنا اليعذب كلوبنا نحبه💔
//////////////////////////////////////////////
السلام عليكم حبايب
رجعتلكم بارت جديد ان شاء الله يعجبكم😊💙
وهنا جان اجفص
كتله هسه حبيبي صار مابي حظ
كال ها خو انتي اعترفتي بنفسج
كتله اي احبه واموت عليه وهو الروح والرية😅
كاااال وللجج😠😠وتحجيها بكل جرأة وصلافة منو هذااا الي مابي خير؟؟
كتله انته مالك غرض بي شعليك بي،وزواج ماازوجك لو تموت تحلم ارتبط بيك
وثاني شي ما اسمحلك تغلط عليه هذا اشرررف منك
كام عمر ضربني براجدي حيل اذاني💔
كام اخوية عبدالعباس دفعة وضربه بوكس كاموا يتعاركون
اني كمت طلعت من الاستقبال وطبيت لغرفتي
ضليت ابچي لحد ماغفيت
كعدت ثاني يوم لكيت البيت هدوووء وكيئب وكلها ساكته
كلتلهم صباح الخير
محد رد عليه بس اخوي عباس(عبدالعباس) كال صباح النور يانور البيت
ابوية كال اكول روز انتي ليش متردين ابن عمج
كتله بابا حاسبته حاله حال خواني
والزواج مسؤؤلية واني مو كد هاي المسؤؤلية
كال يصير خير ياروز يصير خير
كتله ان شاء الله خير
البيت بقى هدوء لليل اجو بيت عمي بيت ابوعمر
اني مانزلت بقيت مالي خلك عرك ويا هذا العركة الي هو (عمر)😅
بعد شوية سمعت صوت ع درج وصوت عركة صفنت شوية وعرفت هذا اخوية بيار وعباس وعمر عيتعاركون
طلعت دشوف شصاير شفت اخوية بيار وعباس مايخلون عمر يطلع عليه واكفين مقابيله ومايخلو يطلع
نزلت كتلهم خير شكو شصاير
اخوية بيار عاط بيه كال طلعي لغرفتج لا ابتلي بيج هسه
اني صعدت للغرفة
رجعت بس اسمع عيااط
شوية وصوت جدي صار عالي كام يصيح عليهم ورجعوا كلهم للاستقبال
وراى شوية ندك باب غرفتي
كلت منو كالت اني فاطمة (بنت عمي الخ عمي تحسين)
كتلها تعاي طبت هيه بس شكلها معصبةة وضايجة تحجي من وراى خشمها
كتلها خير شكو فاطمة كالبة خلقتج
كالت ع اساس ماتعرفين
(ملاحظة:فاطمة من زمان تحب عمر وجانت تسولفلي عليه ومن تنخطب شنو حتسوي وتضل تخطط ، وفاطمة اقرب وحدة الي من بنات عمامي..)
كتلها احجي شبيج شكو شصاير
كالت عفيه عليج خذيتي عمر مني عفيه عليج بررافو لازم هسه اصفكلج
كتلها شبيج وجه الدبس شتمسلتين شنو خذيته منج تدرين كلش ززين
اني مااحبه ومااريده لان انتي تردي اني شسوي بي اخذة كالت
اي كلش صدكت
كتلها ولله صدكتي ماصدكتي مايهمني Not my problem
كالت يصير خير ياروز
كتلها هاي شبيكم اليوم بس تهددون شني السالفه اليوم يوم التهديد العالمي
