𝑌𝑜𝑢 𝑎𝑟𝑒 𝑡ℎ𝑒 𝑅𝑒𝑎𝑠𝑜𝑛《𝐷𝑒𝑚𝑖𝑔𝑜𝑑》(𝐋𝐎𝐕𝐄 𝐂𝐨𝐧𝐭𝐞𝐬𝐭)

𝑌𝑜𝑢 𝑎𝑟𝑒 𝑡ℎ𝑒 𝑅𝑒𝑎𝑠𝑜𝑛-4

[Unicode]

"မင်းကဒီမှာဘာလုပ်​နေတာလဲ.."

"​ခေါင်း​ဆောင်..ကျွန်​တော်ဒီမှာ​ တစ်ညလုံးစောင့်​နေ​ပေးမှာမို့လို့စိတ်ချလိုက်ချသာအိပ်လိုက်ပါ..ပြီး​တော့
မနက်ကိစ္စ.. ​တောင်းပန်ပါတယ်.."

တံခါးဝမှာရပ်​နေဆဲ Binဘက်ကိုလှည့်ကာ ​ခေါင်းငုံ့လျက်သားနဲ့ Kaiက​ပြော​တယ်..

"ရပါတယ်.."

Binက​ပြောပြီးတာနဲ့ တံခါးကိုချက်ချင်းဆွဲပိတ်လိုက်တယ်..​အချိန်ခဏ​လေးဆို​ပေမယ့် Kaiဆီက​နေ စစ်သည်​တွေ​အတွက် ​ဆေးဖက်ဝင်သစ်ဥသစ်ဖု​တွေနဲ့သီးသန့်ဖော်စပ်​ထားတဲ့ အ​မွှေးနံ့သာခဲရဲ့ ပြင်းရှရှအနံ့ကိုရ​လိုက်​​​တယ်..ကိုယ်တိုင်လဲရံဖန်ရံခါအသုံးပြု​တတ်ပေ
မယ့် အခုလို​သင်းသင်းပျံ့ပျံ့နဲ့​တော့မွှေးမ​နေသလိုပဲ လို့ Binတံခါးကို​ကျောနဲ့မှီကာ​တွေး​နေမိတယ်..

"ဒီည​ရော အိပ်​ပျော်ပါ့မလား.."
​နေ့တိုင်းလိုပဲ လုပ်​နေကျအတိုင်းခပ်တိုးတိုး​ရေရွတ်လိုက်တယ်..
_____
𖧷လူတစ်​ယောက်ရဲ့နှလုံးသားထဲကအ​တွေး​တွေကို
သူကိုယ်တိုင်ထုတ်မ​ပြောရပဲနဲ့​တောင် သိ​နေပြီဆိုရင်
​သေချာပါတယ်..မင်းသူ့ကိုချစ်​နေမိပြီ..
_____

ညဖက်​တွေဆို သူ့​ပေါင်​ပေါ်မှာမှမဟုတ်ရင် လုံးဝအိပ်မ​ပျော်တတ်တဲ့ Binက သူမရှိတဲ့တစ်​လျှောက်လုံးဘယ်လိုများအိပ်စက်ခဲ့ပါသလဲ..အိပ်မ​ပျော်ရင်စိတ်မကြည်တတ်တဲ့ Bin တစ်​ယောက်တည်းအဆင်​​ရောပြေခဲ့ရဲ့လား..

Kaiငြိမ်သက်​နေတဲ့အခန်း​ရှေ့မှာ သတိအပြည့်နဲ့ရပ်​နေရင်း ​တွေး​နေမိတယ်..​အ​တွေးနယ်​မြေထဲမှာ ဟိုဘက်ဒီဘက်​ပြေးလွှား​နေတဲ့ Binကိုမ​မောဘူးလို့လား​တောင် ​မေးလိုက်ချင်မိ​တယ်..

"မင်း ခဏဝင်ခဲ့ဦး.."

ကိုယ်တိုင်ဖန်တီးထားတဲ့အ​တွေးဝဲဂယက်ထဲမှာ နစ်မြုပ်​နေတုန်းအ​နောက်ဘက်က​နေ Binရဲ့​ခေါ်သံကိုကြားလိုက်ရတယ်..​ရင်ဘတ်ထဲ ခံစားချက်က​တော့ ပျော်သွားသလို၊ ဝမ်းနည်းသွားသလို ​ရောထွေး​​​နေဆဲ..

"​ခေါင်း​ဆောင်..ဘာအလိုရှိလို့လဲ"

"အဲ့​ဒီနေ့ညတုန်းက ငါ​အိပ်​ပျော်​​နေတုန်းမို့လို့ မင်း​ပေါင်​ပေါ်မင်းဘာသာ ခွင့်ပြုချက်မရှိပဲ​ရွှေ့လိုက်တာမလား.."