أحببت طفلة 🔥
الكاتبه سومه الزاويي 🔥🔥
.
.
يتبع الحلقه الاخيره
.
.
انا:الو
مقداد:الو ياعيوني
" سكتت وانحمر وجي وماعرفتش شن نقول"
مقداد:قمر
انا:نعم
مقداد:نحببك ياقمرر نحببك قد الكون كله .... نحبك والله نحبك عدد نجوم السماء ... نحبك نموت فيك من زمان 💗
" قعدت نسمع في صوته اللي يذوب كل من سمعه وحاطه يدي ع قلبي اللي ينبض في مليوون نبضه في الثانيه "
قمر :مش مصدقه جاء اليوم اللي حنقولها لك فيه ... نحبك يا مقداد نحببك ❤️
مقداد شاف الرساله وبدون اراده منه سلح التيشيرت وزقب في البحر وقعد يعوم"
.
.
كان أحلي واجمل يوم ليهم الاثنين ... قعدت نتفرج عاالمسلسل وسرحانه في مقداد وصوته وهو يقولي نحبك .... ابتسمت تلقائيا 💗
ماما:هههه يتهني اللي واخد عقلك
انا:هههه نجك ليا ياماما
"(كمل المسلسل وخشينت أنا وماما في دار وفرشنا جنب بعضنا ورقدت في حضنها ... الله مافيش أحلي واجمل من حضن الام ... قعدت نبكي بفرحة سبحان الله حياتي كيف كانت وكيف قعدت ... ضميت ماما بكل قووة ورقدت في حضنها)❤️
.
.
.
~~~~~~~
عند مقداد
روح للحوش هوا فرحان وطايرعقله .... خش لداره وتنهد ورن ع قمر مردتش .... عرف انها رقدت تنهد براحة ورقد"
~~~~~~~~~
صباحاا 🌤️....
جاء بابا وودعت ماما ورديت للحوش .. خشيت لداري وكان أحلي يوم في حياتي.... رن عليا مقداد "
مقداد:صباح الورد
انا:صباح النور
مقداد:الله خاطري نسمع صوتك كل صبح
انا:نوعدك كل صبح نرن عليك
مقداد:هههه لالا متخافيش بعد فترة توا نسمعه وانتي معاي💗
انا:كيف!
مقداد:هههه شي ....قمر نحبك
قمر:وانا نموت فيك وسكرت 😂
مقداد:هههه هبله ودزلي ( نحبك ياهبله)
"ضحكت من رسالته ودزيتله (نحبك يامجنوني)
ومررر الوقت ودرت الغداء رز بالتقليه وكانت جيهان متغدايه معانا حطيت لغداء تغدينا وغسلت الماعين وحكيت مع مقداد وشوي مع العصر سمعت جيهان تقول"
جيهان:اهلا عمتي نجاه اهلا شمس تفضلوو
نجاه:اهلين
جيهان:تفضلوو كيف حالكم
انصدمت لما سمعت صوت ام مقداد و شويه خشت عليا جيهان وقالت البسي حاجه حلوة"
شوفتت الدولاب وطلعت قفطان ذهبي ع لون شعري من قدام قصير ومن لوار طويل وصدريته ع شكل قلب وفيه حزام ابيض من النص... لبسته ولبست معاه كندرة نفس اللون ودرت ميك اب بسيط وخديت سفرة القهوة وسميت بالله
نجاه:بسم الله ماشاء الله 😳✨
شمس:تهبلي 💕
ضحكت عاالخفيف ومديتلهم القهوة وهنا قريب ينجلطن ... بصراحة طلعت ملكة جمال 🌸
قعدت معاهن قريب نص ساعه وخشيت لداري وفرررحانه ... تنهدت وحطيت يدي ع قلبي ورن عليا مقداد
مقداد:الووو خطيبتي
انا:ي عيونن خطيبتك
مقداد:نحبك اقسم بالله
