The truth 🍃✨
09:00pm
نور: عبقرينو!
عبقرينو: نعم
نور: مش ناوي تقولنا اسمك الحقيقي ايه؟🌝
عبقرينو: بس...
سامر: مبسش احنا من حقنا نعرف!🙂
سراج: هتقولهم ولا اقولهم انا؟!
سامر: الله ده احنا طلعنا مغفلين كمان!
نور بي لايك:*متشكرين يا رجولة*
عبقرينو: بس منغير ضحك!
نور: قول بس
عبقرينو: عفاف 🙂
نور: مامتك صح؟ مالها بقي؟
عبقرينو: مش مامتي انا اسمي عفاف 🙂
*صمت*
*الضحك يملأ ارجاء المكان*
عبقرينو: انا قلتلكوا متضحكوش 🙂
نور: مش قادرة معلش والله بس...😂😂
سامر: هما سموك عفاف ليه طب؟!😂😂
عبقرينو: اصل ابويا كان بيحب امي اوي لدرجة انه مقومهاش من على السرير حرفيا فمراحوش يعملوا سونار ولا يتابعوا ولا اي نيلة! المهم ولدتني امي مش يعرفوا بقي اني ولد ويسموني اسم ولاد لا اتلهوا هما الاتنين مع بعض وافتكروني بنت اكمن شعري كان نازل طويل وحرير كده وسموني عفاف اكتشفوا بعد ما سموني بعدها وكسلوا يغيروا الاسم لما كنت بسال ابويا انت ليه سمتني كده يابا مش يقول الحقيقة لا قعد يتحجج ويقولي العفاف من العفة يبني!🙂
نور (بتضحك): طب مغيرتش اسمك ليه لحد دلوقتي طب؟!😂😂
عبقرينو: ما انا استوعبت اني ممكن اغير اسمي بعد ما بدأت اسرق فمكانش ينفع اروح اسلم نفسي بنفسي 🙂
سامر: كله كوم وعفاف كوم تاني خالص 😂😂
نور: انا حاسة ان الجرح فتح تاني من كتر الضحك 😂
سامر: خلاص بقي هنسميك فوفا من هنا ورايح 🌝😂
عبقرينو: انا اللي جبته لنفسي 🙂
سراج: متزعلش ابقي روح غير اسمك بعد ما نخلص عادي 🌝😂
نور: صح! اكرم حصله ايه؟!
سراج: اكرم اختفي الله اعلم بقي عايش ولا ميت
عبقرينو: يارب يكون مات ونخلص بقي!
سامر: لا طبعا مش بالسهولة دي! اكرم لازم ياخد عقابه في الدنيا والآخرة! احنا لازم نلاقيه عشان ياخد جزاءه!
عبقرينو: ميبقاش دمك حامي كده!🙂
Please vote 🥺👉👈
أنت تقرأ
Mission possible
Mystery / Thrillerso... (القصة مكتوبة باللغة العامية المصرية عشان نسبة الغلطات فيها بالنسبة ليا اقل ومصطلحاتها مضحكة اكتر بما ان القصة كوميدي اصلا👈👉) فريق مش طايق بعضه في مهمة سرية هل ينجحوا ويفرحوا ولا يفشلوا وينكدوا على بعض؟.... كل هذا واكثر على ناشيونال جيوغرافي...
