What the...?!
عبقرينو مستخبي في الدور اللي فوق وسامر ونور تحت في ارض المعركة ( لو كان الضرب بيتشرح كنت شرحت 🙂) المهم في وسط الدوشة سامر عرف ياخد تليفون اكرم ونور شافته واكرم ماخدش باله خالص لكن اكرم عرف يتغلب على سامر وكان هاريه ضرب جت نور من وراه ضربته طلقة في رجله اليمين واخدت سامر وخرجوا من المكان واستخبوا...
نور: عبقرينو! انت يا زفت! انت فين؟!
عبقرينو: اصل انا لقيت الدنيا عوق فطلعت استخبي فوق 🙂
نور: انزللي تحت يا ابن الهبلة انزل!
وانت يا بيه!(الكلام موجه لسامر)
سامر: نعم 🙂
نور : نعم ايه ونيلة ايه ؟! وريني كده اللي انت خدته ده!
سامر: خديه في جيبي انا مش قادر اتحرك 🙂
نور: لا وعامللي فيها فاندام اوي! ده لو انا اللي كنت بتضرب مكنتش هتعرف تلحقني! انت ازاي بتشتغل لوحدك انت؟!
سامر: لا انا تخصص خفة يد بعدين لو اضطريت اضرب بغلب اللي قدامي لكن المخفي ده ايده تقيلة اوي 🙂
نور: اتنيل!🙂
عبقرينو: هار اسود! هو ايه اللي شلفطه كده؟!
نور: مش وقته يلا!
ركبوا العربية وطلعوا على البيت...
عبقرينو: بس ايه الجمدان ده؟! انا بدأت اشك انك كنت حرامي يعني حطيت ال GBS في جيبه واخدت الفون منه من غير ما يحس! ايه ده!؟😯
سامر : ربنا يخليك
نور: اثبت (ماسكة شاش وقطن في ايدها)
سامر: منا ثابت اهو هروح فين!🙂
نور: كنت اتشطر على اللي ضربك يا فاشل!
سامر: لا! انا مسمحلكيش تقوليلي يا فاشل! اللي قدامك ده بيلعب ملاكمة حلو اوي!
نور: لو اللي عملته هناك ده ملاكمة فاحب اقولك ان الملاكمة دي متنفعش مع الناس دي تنفع مع العجينة لو حبيت تعمل كيكة وكده! انما اللي انا شفته هناك ده خيبة تقيلة بعيد عنك!🙂
سامر: هتندمي على كلامك ده بعدين على فكرة!
نور: بعدين بقي!
عبقرينو: خلصانة يا جماعة انا عرفت هيسلم شحنة المخدرات الجاية فين!😉
سامر: احلف!
عبقرينو: والله 😁
سامر جري لعبقرينو: هات بوسه!
نور: ممكن تقعد بقي ومتبقاش عامل زي العيال الصغيرة كده!
سامر: انتي خايفة عليا؟🌝
نور: ليه يعني اخاف عليك (بتردد)
سامر: لا والنبي شكلك خايفة عليا 🌝
نور: قلنا لا!(ضربته)
عبقرينو: قصة حب عنيفة اوي 😍
Please vote 🥺👉👈
أنت تقرأ
Mission possible
Mistério / Suspenseso... (القصة مكتوبة باللغة العامية المصرية عشان نسبة الغلطات فيها بالنسبة ليا اقل ومصطلحاتها مضحكة اكتر بما ان القصة كوميدي اصلا👈👉) فريق مش طايق بعضه في مهمة سرية هل ينجحوا ويفرحوا ولا يفشلوا وينكدوا على بعض؟.... كل هذا واكثر على ناشيونال جيوغرافي...
