ليطمئن قلبى

الارتباط

يا كُل كُلي قَدّ كَلّ كُلي وآنَ الآنْ أنْ تأتي.

‏انا بخاف اقرب من حد و أعلقه بيا لاني عارف اني مش الشخص المناسب له ف الاخر ، فببعد عن الكل وبكون لوحدي عشان مأذيش حد بوجودي وغيابي المتكرر ، انا انسان بيمشي حسب ال mood  بتاعه اوقات بحس اني عاوز اكلم الناس كلها و اوقات بحس اني مش عاوز اعرف حد ولا اكلم حد حتي لو بحبه .

ارتبطوا بالناس الشيك بس....
قصدك لابسين شيك يعني....
لا تعالوا اقولكم بقي يعني ايه ناس شيك ..
الشياكة يعني الحاجة الحلوة
ناس شيك في كلامها .. ناس شيك في مغادرتها ليك.. ناس عارفة ان الزعل حاجه والواجب حاجه تانيه..مينفعش يبقي الاثنين واحد..ناس شيك في حبها .. في اهتمامها .. في تقديرها .
اختاروا الناس اللى تعرف امتي تتكلم وامتي تسمعك .. واختاروا الناس اللى تعاتبك بنظره وتسامحك بابتسامة .. وتطلع من كل زعل من غير خدش حتى بسيط .. اختاروا الناس اللي بتحبكم في جميع احوالكم.. وجميع ظروفكم .. وتحب صوتكم الرخيم وتضحك على صوتكم العالى مع انفعالكم وتعرف تطبطب على قلوبكم .. وتقولكم خلوا بالكم على نفسكم .. هما دول الناس الشيك..
اختاروا الناس الشيك ...

الارتباط كلمه معناها صله وصل بين اتنين تقارب أرواح الموضوع اكبر بكتير من شات وكلمتين ف وقت فرح ع كلمه بحبك .... الموضوع تخطى المرحله دى ..مش بس البدايات حلوه لا دى كمان مرعبه ال هو بيوصل بيك الحال ل مريض تفكير مستنى ومتوقع كل حاجه و اى حاجه بتفكر دائما ممكن تنتهى ازاى ... بس لو وقفنا لحظه وعشنا كل لحظه أنها الاخيره ونسيب حيز من الفراغ أن ممكن يحصل اى حاجه حتى لو مش متوقعه الموضوع هيكون أبسط بكتير

فكره انك تثق ف حد ثقه كامله عاميه بعد خذلانك من اقرب قريب مرعبه بس حاولى تفتحى قلبك مش بقولك جربى علاقه واخرجى منها لا ....ادخلى وانت عندك يقين أنه مش مصطفى ابو حجر ..أنه استثناء من القاعدة .. كنت يستغرب كتير الناس ال ممكن تستغني ومش بتحاول حتى تلتفت لحد ما فهمت اى ال بيوصلهم ل كدا
فكره ان طاقتك خلصت ومش مرتاحه سبب كافى انك تستغني ... محدش ل حق يقولك ارجعى انت عارفه كويس ليه سبتى ...حتى لو الطرف التانى ال سابك مترجعيش مهما كان شوقك .. قصه وانتهت

الوقت قد حان لمن هو أحق بك .. انت اميره تنظر من برجها العالى لا تلتفت أبدا ل عامه اختارى الملوك اختارى من يستحقك لا تنخدعى ب الكلمات ف النهايه هى مجرد كلمات حروف لا تضر ولا تنفع ... انبهرى ب الأفعال ب العقليات ب طريقه التفكير ... حبى ب عقلك وعن اقتناع قبل قلبك ب سنين
- الأرتباط حاليًا بقى لعنة ، بالمعنى الحرفى للكلمة "لعنة" إللى هو ترتبط بـ إنسان و توقف كل حياتك عليه و تضيع منك كم فُرص مهوله ، لمُجرد إنك بتحبُه ، الموضوع مش منطقى ، إنك هتعيش مره واحد بعدد سنوات إنت مش عارف هتنتهى إمتى ، مع شخص ما كل إللى بيقدمهولك إنه بيحبك ، بيغيّر عليك ، مش عايزك تكلم شخص غيره ، متشتغلش ، متخرجش ، قاطع صحابك ، أسمع كلامى أكتر من كلام أهلك ، ألبس إللى يعجبنى مش إللى يليق عليك ، تدريجيًا بيجردك من حُريتك و بيقتحم مساحتك الشخصية ، و بقى مُحتل قلبك و عقلك و حياتك كلها ، لمُجرد إنه بيحبك ، لكن هو معندهوش إستعداد نفسى و مادى و إجتماعى إنه يرتبط بيك بشكل رسمى ، بس عايزك تستنى معاه عدد سنين هو ميعرفش قد إيه علشان يقدر فيهم يكون نفسه ، و المطلوب منك إنك تصبر فى علاقه هتنتهى هتنتهى هى مسألة وقت مش أكتر ، و لما تنتهى هتسيب فى قلبك ندبات هتفضل معاك لسنين كتير ، و أثر نفسى هيفضل جواك هيطاردك فى حياتك لحد ما توصل لمرحلة إنعدام الرغبه إتجاه الحُب كُله !

- لو مش مستعد إنك تاخد خطوه إجابيه فى أرض الواقع يبقى متوقفش حياة إنسان تانى على حياتك لمُجرد إنك بتحبُه ، علشان ده مش حُب دى شهوة الإمتلاك إللى بتكون عند الأطفال لما بيشوفوا حاجة و يتعلقوا بيها و يفضلوا يعيطوا لحد ما تبقى ملكهم ، و فى النهاية لما بيزهقوا منها بيرموها و شغفهم بيتجدد للعبة غيرها !

- إنتِ مش متخيلة العالم واسع قد إيه و تقدرى تكونى فيه إيه ، فى الاف التجارب إللى لسه مخوضتهاش ، فى ملايين المواقف إللى عمرك ما هتعيشيها طول ما فى إنسان تانى مُتحكم بيكِ ، أدرسى و أشتغلى و حققى طموحك ، و متستسلميش لشعور محتاجاه دلوقتى و ممكن يتجدد و يتعوض فى وقت تاني و تفوتى عُمرك إللى عمره ما هيتعاد ، بس هيتعاش مره واحده بس !