#في_رمشة_عين 🍃💜
الحــلقـة 14🔏
مالك:-ريان حالك باهي
انا"ضحكت":-وكيف تشوف فيا
مالك:-نشوف فيك ضايعة
انا:-لالا اطمن نعرف الطريق كويس
مالك:-ريان انتي وهتان مش بخير انقلبتو 360 درجة في ليلة شن اللي صار ماحدش عارفة شي نهيتوه #في_رمشة_عين لافكرتو في روحكم ولا مصير حبكم انتو مازلتو اتحبو بعض ليش المكابرة بس
انا:-مالك تربحك معادش تفتحه الموضوع هذا انا بخير وبنيت حياتي من جديد ونسيت كل شي صار حتي هتان نسيته ياريت ما اذكرني بيه
مالك"تنهد":-لا حنفتحه لأنك ماتغيرتي مازلتي مكسورة تحسابي مش ملاحظ انك شايلة المستشفى علي راسك تجري يمين يسار كلنا ملاحظينه ره انشغالك الزايد انتي هكي تهلكي في روحك
انا:-جيت شكيتلكم نا
مالك:-من دون ماتشكي كل شي واضح
انا"ابتسمت":-اطمن يامالك نا كويسة الحمدلله "وقفت"نمشي نشوف علي
مالك"ضحك ووقفت مسك خدودي":- نبيك ديماا مبتسمة وديمااا تضحكي ويااسر خدمة ☺
انا:-ايييي
مالك:-ههههههه
انا"ضحكت":-نتلاقو ياحضرة الدكتور"اول مالتفتت الابتسامة اتمحت مشيت للحمام بسرعة خشيت ووقفت ع المراية قعدت نشوف لي روحي بكييت بككييت بشهقة نا كذاابة ماتغيرت ناا مازلتت ضعييفة من جواا مازلت نبيييه ماازلت نحبههه ونموت فيهه 💔
معبية كلام معبيه شوق معبيه حب معبيه احتواء ، نبي نعطيهملك لكن ،
وينك انت معاش قدرت نوصل فيك.!
نـرايفلک بس منقـدرش نمشـيلک! ، حتي لو فكـرت بيني وبين نفسي نمشيلک ، نحس فـِ بيناتنـا الف حاجز وطـريق طويلة ومعبيه شـوک وحتى لو مشيت مش حـ نوصلک ، فـأنشيل فكرة من راسي لآنه بجد منقدرش نمشيلک🔥💔
#منقول
غسلت وجهي وخديت نفس طووويل وطلعت
نهى:-وينك كنت ندور فيك
انا:-شن فيه
نهى:-علي يبيك
انا:-صحصح
نهى:-هههه اها
انا:-نمشي نشوفه عن يفصل عليا 😂
نهى:-اجري بسرعة 😂
قعدت نمشي في الممر وذكرياتي مرافقاتني ....
كنت نمشي كأني جثة هنا وروحي في مكان تاني مش حاسة باللي يمرو قدامي ولا نسمع في شي
ميار:-رياان
انا"نمشي مش سامعتها"
ميار:-رياااان 😳
انا:-....
ميار"مسكتني مع يدي":-رياان
انا:-ءءء نعم خيرك تخلعي 😠
ميار:-نخلعع تي ليا ساعة ناديلك معاك😠
انا:-ماانتبهت
ميار:-اصلا من نهار اطلقتي هذي ابصر وين دماغك
انا:-اطمني قاعد في مكانه
ميار:-لا مش في مكانه مع صااحبه
انا:-😒😒
ميار:-ااااخ اصلا نا خلاص عييت ونا نحكي معاك
انا:-به شن تبي توا 🙄
ميار:-بنقولك تعالي اليوم لي بيتنا نبيك تطلعي معاي
انا:-باهي ياحمارة مري عليا 😂😂
ميار:-حق ولا انقولك روحي معاي 😂
انا:-متي مروحة
ميار:-س 3
انا:-لالا بدري واجد 😳
ميار:-في عينك من ال 7 جاية ره انتي هيي مش امس مناوبة شن مقعدك 🤨
انا:-شن دخلك خوتي راضيين😒
ميار:-ياااحمااارة يولي علييك ره 😠
انا:-زييي الفلل مافيا شي شوفي كيف واقفة 😕
ميار:-في عيينك قالي ايهاب حتي الايام اللي عندك مناوبة في الصبح ماتروحي بدري تقعدي للمغرب🤨
انا:-ماحد طلب رايكم 😒
ميار"جت بتضربني نا وخرت ":-هي هي
ميار:-واللهي مانبدا اللي طارحتك يااحماارة صحتتك 😠
انا:-وخرري ياهبلة 😳😨
ميار:-ماتنشدي زي الزئبق 😠
ايهاب"شافني قرب بسرعة و مسك ميار":-هوووب شن اديري يااهبلة تخوخمتيي 😳
انا:-اشحها شن درتلها بعد قرب الفرح هبلت ره 😒
ميار"تعافر فيه":-خلي نردلها عقلها الهبلةة 😠
ايهاب:-حبيي خلاااص ره عيب في مستشفى 😳
ميار:-وخخر
انا:-دخلكشش فيااا حرة "ضحكت وطلعت لساني و هربت لي دار علي"
