#في_رمشة_عين 🍃💜
الحــلقــة 10🔏
جوليان:-اوو يا عمي جوك قنين 😊
شكري:-هههههه اكيد بشوفة وجهك السمح😁
جوليان:-هههههه
شكري"تنهد":-اااااه حاس روحي بلهون اليوم
جوليان"عقدت حواجبها":-تقولش هكي عااد شن اتفقنا احنا
شكري:-هههههه مابنكذب هذا الحق
جوليان:-صحتك كويسة ومافيك شيي وحتصح وبكرا حنتمشو في الجنينة "ضحكت" وحتحكيلي علي سعاااد
شكري:-هههههه "طلع من تحت وسادته سلسلة" هاك
جوليان"خدتها":-هذي شنو
شكري:-سلسلة عزيزة ع قلبي واااجد حافظي يا جوليان
جوليان"ابتسمت ولبستها":-من عيوني💓 "جبدت الكرسي وقعمزت تهدرز معاه"
#في_السيارة_نا_و_هتان
انا"بلعت ريقي بخوف من اللي حنقوله وشفتله":-هتان
هتان:-نعم
انا:-بنسألك وخايفة من ردة فعلك
هتان:-قولي بدون خوف
انا:-ءءءء جيداء مرة قاتلي علي قصدي يعني حكتلي علييي ءء ا امك
هتان"خدا فرينو و وقف السيارة بسرعة"
انا"انصدمت وغمضت وقعدت نراجي في كفف يجيني"
هتان:-وانتي شن رايك
انا"فتحت عيوني و شفتله":-...
هتان"شافلي":-قولي
انا:-ءءءءء ما اديرش هكي
هتان:-كذب ع خاطر هما مايبوش امي شوهو سمعتها
انا:-لهدرجة
هتان:-واكثرر "ولع سيارته وتقدم"
انا"سكتت وشفت قدامي عرفته مايبي يزيد يتكلم في الموضوع"
"قبل شهر حكتلي جيداء بتلقيحة انه ام هتان كانت تخون في راجلها وانها السبب في موتها هي وياه بالحادث قعدت مصدومة وماعرفت الكلام حق ولا كذب كنت مترددة نسأل هتان وخايفة منه ..... ماحبيت نسأل ملاك ولا حنين نبي الاجابة منه هو مش من حد تااني"
نهى:-جولي
جوليان:-همم
نهى:-خايفة
جوليان"ضحكت":-من شنو
نهى:-من الزواج وهك
جوليان:-هههههههه خناق العرايس 😂 قعدلك اسبوعين بس
نهى:-ههههه شكله
جوليان"تنهدت":-ربي يسعدك انتي ونهاد
نهى"ابتسمت وفجأة اختفت ابتسامتها":-تمنيت ماما اتكون معايا💔
جوليان:-....
نهى:-تمنيت اتكون قريبة مني واتجهز معاي دبشي وانها اتزغرت في فرحي وتفرح معانا
تمنيت تمسك يدي انا ونهاد وتقوللنا ربي يسعدكم ويهنيكم في خيلتكم واضمني ضمة قوويية
"حطت يدها ع وجهها وقعدت تبكي" استاحشتها واااجد ياااجولياان 😢💔
جوليان"قربت منها وضمتها'":-حبيبتي
نهى:-😭😭
جوليان:-ربي يرحمها ويسكنها فسيح جناته
نهى"مسحت دموعها":-امين ....مع انها والله خالتي مش مقصرة معانا وعمرها ماحسستني انها مرت بوي
جوليان:-في ميزان حسناتها حبيبتي بطيبة قلبها خشت العيلة واحتوتكم
نهى:-اها
جوليان"تمسح ع ظهرها":-ربي يفرحكم ويعوضكم عن كل شي فات
نهى:-امين
معاذ"داهش":-دكتووورة جولياان 😰
جوليان"التفتت":-نعمم
معاذ:-ال الحالة اللي في الغرفة 40 تعباانة وااجد
جوليان"وقفت بسرعة":-شنوووو 😳"مشت من جنبهم تجري للغرفة"
.
.
نزل من السيارة وكان مسيكر عليه الهدوء التام ماحبيت نسأله ولا نكثر الدوة معاه مشيت وراه وخلاص
