#في_رمشة_عين 🍃💜
الحــلــقة 15 🔏
✨الجــزء التـــآنــي✨
صعـب لما تنجرحي من حد كان ليك شيي كبيير ومهم في حياتك والاصعب انه يرد لي نفس المكانة اللي كان فيها
هكي كانت ريان صح هي تحب هتان لكن مش قادرة تسامحه علي اللي داره فيها 💔
مش قادرة تسامحه علي طعنها في شرفها وعلي كل دمعة نزلت منها وعلي كل الم حست بيه وعلي كل كدمة زرقة فيها هالشي هذا يبي وقت طوييييل وحتي لو سامحاته بعد فترة ....حيقعد الشي هذا حاجز بينهم ومش حيتنحى ابدااا 🔥
ريان تغيرت وقعدت قوية لوحت شخصيتها الضعيفة وراها وقعدت قوية 💜
هتان كان نادم وبياكل الجيفة كيف ماكانو يقولو العرب الاولى
لكن شن يفيد الندم توا .....
قعد يحس بروحه ضعيف وانه قوته كلها خسرها قدام لعبة زفته
والشي هذا خلاه واخيرا يسلم احكامه لي ربي ويصلي ويفتح مصحفه اللي الغبرة عباته
ممكن الشي هذا ربي داره ليه باش يرجع لي ربه ويرد لي صلاته اللي ليه سنين مسيبها ويبعد عن الشرب ويبدا حياة جديدة 💛
.
كل غلطة نغلطوها تعلمنا وتورينا الصحح باش ماتتكرر الغلطة توعينا ع حاجات كنا ناسينهم ولاهيين بشي تاني 🌿
#في_المستشفى
خديت اللصقة ووقفت ع المراية لصقت كيس التغذية ع ظهري وطلعت
معين"شافلي":-شن الجو
انا:-تمام
معين"ركز ع يدي":-ترا التفتي
انا"التفتت'':-كنه
معين:-شننن هذاااا😳
انا:-هههههه فكرة جديدة صح
معين:-حقربي مجنونة 😂😂
انا:-باهي نا مش تعبانة وضروري نركبها وانته عارف الايام هذي نتيجة الاشتباكات المستشفى زاحم فاا نقدرش نستنى ساعة
معين:-اندقهاااا هناااا كان لقيتك مقعمزة ساعة 😂
انا:-ههههههههه
معين:-نتلاقو في الغذا ياهبلة
انا:-اوكي
د.محمد:-ريان
انا:-نعم
د.محمد:-وين الاوراق اللي امس خديتيهم
انا:-حطيتهم في الدرج التاني ع اليمين
د.محمد:-اوكي "وخر شافلي وضحك"حلوة الحركة منورة
انا:-ههههههه النور نورك دكتورنا💜
✨قعدت ماشية والناس كلها تشوفلي ومستغربة في حركتي
فيه اللي قال محلاها باش تساعد الناس وفيه اللي خداها ع اني نلفت نضر ✨
المستشفى كان زااااحم هلبااااا نا متصاوبة ع قتلى ومناظر تقطع القلب 💔
وفي النعاية ليبي يقتل في ليبي 🔥
نهى:-انتي يا ام شكارة 😂
انا:-ايواا 😂
نهى:-يبيك علي
انا:-جيي
نهى:-اها
انا:-تمام شوي بس انشوفه ونجي
طلعت لقيته واقف حاط كمامته ومتكي ع الحيط
انا:-بست 😉
علي:-هههه شن الجو
انا:-تمام
علي:-دوم ❤
انا:-سلمك
علي:-ههههه هذا شنو
انا:-عيت ونا نقول ههههه نقدرش نقعد راقدة 😂
علي:-هههههههه 😂
انا:-دووم الضحكة عليوة
علي"تنهد":-اااه 💔
انا:-خيرك 😳
علي:-جيت للدكتور
انا:-مزال جرعتك
علي:-عارف جيت نطمن
انا:-محلاااك وخييي هك اهتم بصحتك ياحلو🍃💜
علي"ابتسم":-شكراا
انا:-علي شنو
علي:-علي وقفتك معاي وعلي تشجيعك ليا ماسيبتينيش وكنتي اليد اللي رفعتي وساندتني درتيلي شي حتي اقرب الناس ليا ماكانت هكي 💫💕
انا:-علاوي هذا واجبي انته زي وخيي ره
علي"ضحك":-ههههه جرحتينييي كنت بنعترفلك بحبي😂
انا:-هههههه تبي خطيبتك تذبحني😅💔
علي:-قوية😂😂 "مسك يدي":-خلي في بالك انه امتى تحتاجيني حتلقيني ومايردك كان لسانك ره ادللي
انا"شديت عليه":-ربي يسلمك ونشوفك عريس بالبدلة يابو عيون خضر 💚
علي:-ههههههه ماقعد الا هما الباقي كلاه الهم الاغبر
انا:-تقولش هكي ياروحي وراسك كله حيرجع
علي:-هههه زعمة
انا:-اكييييد
علي:-ان شاء الله ...محلوة يابنت 😉❤
انا:-هههههه ياكذاب ماليك واجد شايفني 😂
علي:-واللهي هي 😅
انا:-نعرفش 😕
علي"يقلد فيا":-نعننفشش
انا:-علييي 😐
علي:-هههههه خلاص ....يقابل اليوم مضغوطة
انا"تنهدت":-شن بنقولك جرحى وقتلى من الاشتباكات نبي شن بيستفيدو بسس 💔
علي:-كل حد عنده وجهة نظر وبيدافع عنها
انا:-حرام والله شباب في اول عمرهم 🔥
علي:-ربك يهدي
انا:-امين
علي"طلع من جيبه اسوارة بالخرز":-تفضلي
انا:-محلاهااااا ❤😍
علي:-هذي اختي من كثر مانحكي عليك دارتها ليك 😁
انا:-تهبببل يسلمو ايديها سلمم عليهاا بالله وقوللها شكرااا
علي:-يوصل ...الالوان يهبلو ع يدك تبيديها بالهنا 🌸
انا"شفتله وابتسمت"
