~تذكير~ ..
غزل: لييش هيج يربي شنو ذنبي حتة ينتقم مني اني اوووف غفيت من البجي والتعب وو..
.
.
___________________________________
الشيخ: غضببب انتة ملكيت غير هالبنت من بين بنات عمك كلهن ..
غضب: بحدة... عاجبتني
الشيخ: عاجبتك لعددد ومنو يضمن متصير مثل خالتها هااا
غضب: مراح تصير
الشيخ: لاتصيررر لتكون واثق
غضب: بعياط ... كتلللللك كااافي
الشيخ: نشوووف يغضب نشووف
غضب: كام وطلع وهوا معصب وتوجه للمركز لانه ضابط طبعاا ..
.
.
_______________________________
غزل: كمت بتعب وفتحت عيوني باوعت للساعه 5ونص كمت غسلت وجهي ولميت شعري ونزلت جوا جانو بابا وماما كاعدين بوستهم وحضنت بابا
ابو غزل: مدري شلون راح اتحمل فراكج وخلوتج بل بيت
غزل: انييي هم بابا
ام غزل: هههه يلا عااد كل بين فترة وفترة تزورنا هوا كلنا بفرع واحد ..
غزل: ههه صحح كل يوم تلكوني ناطة يمكم
ابو غزل: ههه هلا بيج بنيتي ... بسس اكو شغلى بالي ليش غضب هالكد مستعجل عجيبة وفوكاها طالب ماكو لانيشان ولاحنه بس عقد وتلبيس محابس وزواج بيناتنا هم ..
غزل: رفعت راسييي شنووو ومنو هوا حتة يقرر هيج ترا ميصير اني هم بنت بابا واريد زواج وحنه مثل اي بنت ..
ام غزل: بنيتي ابووج مابيدة شي واذا ردتي تحجين ف حاجي غضب
غزل: بلعت ريكي بخووف .. هوا لو اكدر اواجهه مخاوفي وكابوسي جان من زمان كدريت احجي وياه بس عندي خوفةة منه من جنا صغار جان دايما يضربني وويوكعني من نلعب ومن خالتي عافته صاررر قااااسي وماعندة گلب ابد ومايرحم احد .. ربييي ساعدني اكدر اتعايش وياه ولو ادري انو يكرهني ومايطيقني بس ليش فجاة قرر يتزوجني ليش احس امي تعرف بشي ..
ام غزل: هابنيتي وين شردتي...
غزل: هااا لا ماما هيج..
ابو غزل: يلا بابا حضري حالج بعد شوي يجون غضب وعمامج وبيت جدج
غزل: بفهاوة .. ليش؟
ابو غزل: هههه غير اليوم عقدكم نتي وغضب
غزل: فتحت عيوني بصدمة .. شنووو مو ع اساس باجر
ابو غزل: جدج حجة كلمته وكال الانسب اليوم وغضب هم هاذا قرارة..
غزل: حاضر بابا .. صعدت لغرفتي جنت اخذ الشغلة بشقة طلعت جديات يعني راح اعيش وي غضب زييين منو يكول مراح يضربني ويعذبني .. ومنو يكول هوا متزوجني هيج مو علمود ينتقم ويطلع حرگة كلبة بيه ... اووف غسلت وبدلت لبست فستان طويل لون ماروني وخليت كحلة بعيوني وهنا سوود وكبار برزن اكثر خليت شال بملل وكعدت وافكر يعني صدك صارت جديات السالفة ..
.
.
ابو غزل: هلا بيكم تفضلووو تفضل بويا غضب
ام غزل: وهيا تباوع لغضب وتعرف ليش قرر يتزوج بنتها وتعرف غايتة شنو ..
غضب: بهمس .. كتلج تندمين ياخالتي بس ماسمعتي وهسة بنتج تدفع الثمن وخلي حلفانج ومساعدتج لهذيج تفيدج ..
ام غزل: الله يهديك وليدي بس ارجع واكول كلشي بوقته يجي يوم وتعرف ..
غضب: صاك ع سنونة وكاتم عصبيته توقعها تحجي علمود بنتها بسسس لا خاب ضنة ومحجت وحقد اكثر ع غزل الي مالها ذنب بكل شي ..
ابو غزل: بس غضب مو كانو استعجلتو شوية
غضب: ببرود .. لا ماستعجلنا وهاذا الشيخ كبالك
الشيخ: مانناقش بل موضوع بعد كلشي تقرر يلا تفضل ملانا ..
الملا .. نادو البنت
ابو غزل: صارر .. يلا ام رائد نادي غزل خل تنزل
ام غزل: انشالله
غزل: جنت كاعدة وشاردة بفكاري وتفكيري الاان سمعت بامي تناديني اخذت نفس ونزلت جانت الصالة مليانة نسوان عمامي وبناتهن الي وحدتهن بودها تهجم علية باوعت لبيبي تبتسم بادلتها ووكفت يم باب الاستقبال وبدا الشيخ يحجي ويقرا ايات الا ان وصل لعندي وكال ... هل انتي موافقة قولي نعم ..
سكتت شوي واباوع لامي اريدها ترفض او تعترض اريد اي شخص ينقذني من غضب بس ماكوو ماكوو احد صفنت الا ان حسيت باامي تكرص بية وتخزر .. كلت نعم وانت وكيلي ..
والهلاهل بدت وبيبي ماقصرت باركولي بس من ورة خشمهم وبيبي بوستني واجا بابا باركلي وعمامي وبست ايد جدي ودخل غضب وراهم والي جانت تطاير الشرار من عيونه .. دنكت وعفتهم وصعدت لغرفتي ..
.
.
حجية: ههه ضاهر بنيتنا خجلت
ام غزل: ههه اي يمكن
ماجدة: خجلت.لو مو راضية اصلا
الشيخ: ضبي لسانج يحرمة
ابو غزل: تفضلو اكعدوو تفضلوو
غضب: كمت من يمهم وصعدت فوك لغرفتها ودخلت ..
غزل: جنت كاعدة ع الجرباية وابجي مسحت دموعي وحسيت الباب نفتح ونسد كل ضني هاي امي نداريت وشفته غضب .. تبسمرت بمكاني وابلع بريكي تقدم لعندي والغضب واضح عليه ..
جرني من خصري نضربت بصدرة ..
غضب: بحدة ... ليش اخذتي وقت يلا رديتي الموافقة
غزل: بخووف .. هه هاا ءءء للل لا لان ممم ممجنت منتبها .. عضيت لساني ع الجفصة الحجيتها ..
غضب: ببرود .. ليش وين جان انتباهج
غزل: هها لاااا مو هيج قصدي انو ... حسيت بايدة نبتت بخصري غمضت عيوني بوجع ..
غضب: بعصبية ... راح اعيدها لانج جاهل بعدج ومتفهمين بس خلي ببالج هالزواج راح يكون جنازتج ..
غزل: فتحت عيوني بخووف ... شش شنوو
للل ليش هيج تسوي بية اني شكوو
غضب: دفعتها ع الحايط ولزمت فكها .. لاتتتتراددين
غزل: غضضضب الله يخليك عووفني دتوجعني
غضب: قويت قبضتي حيل ودفعتها .. وطلعت نزلت جوا ..
..
.
غزل: لزمت فكي بوجع ونزلت دموعي كعدت ع ركبي وابجييي شمسوية وهيج اتجازة كللللة منج ياخالة كللللة منج انتي رتاحيتي واني الجاي ادفع الثمن ... كمت ع حيلي وتمددت ع جرباية وغفيت ووو ...
_____________________________________
الشيخ: يلا نمشي
ابو غزل: ويين يابا ابقو ع العشى
الشيخ: بنتر ... ممنونين يلا في امان الله
ابو غزل: الله وياكم
ام غزل: الله يهدي الشيخ ع تفكيرة بالله كل عقلهم يردون العرس بعد باجر بهل يومين شحضر شسوي شبيهم ..
ابو غزل: اللله كريم وين غزل
ام غزل: بغرفتها
ابو غزل: تانشوف شيصير لوكتها حضريلنا عشى
ام غزل: نشالله ..()
.
.
.
______________________________________
ماجدة: مو كانو مستعجل غضب
غضب: ببرود .. ماطالب رايي احد
الشيخ: بس ميصير لازم نسوي حنه ونيشان وخطوبة وعرس غير انته حفيد الشيخ العالم شتحجي علينا
غضب: ببرود ... ميهمني بهل يومين يكون العرس وهوسة ووجع راس ماريد بيناتنا حتكون وبسس .. نهة كلامة وهوا ياخذ سويجة وتلفونه وتوجه لغرفتة وعافهم جوا يتناقشون ذب السويج والتلفون ع كبلة وكعد ع الكرويته ورجع راسة ليورة مغمض عيونة ويتذكر ماضييه ...
طفل يتوسل باامة ماتعوفة وهوا يشوفها واكفة وي رجال ولابسة عباتها باوعتلة نضرات حزن ودفعته وطلعت ومالتفتت الة اما هالطفل جان بعمر ١٣ سنة وحاول يلحكها وماكو جدوة رجع للبيت بخيبة امل ويشوف ابوه الي سمع بزوحته نهزمت وي رجال واكع بل كاع وجدته تلطم ونسوان عمامة مابطلن سوالف ويشمتن ركض لابوه وحاول يساعدة بس رفض ودفعة ومرت ايام وشهر كبر غضب وصار اسم على مسمة قاسي ومايرحم وميهمة احد وكره شي اسمة مراة بسبب امة وابوه الي علمة يحقد ع نسوان ويكون قاسي ...
.
.
______________________________"__
غزل: كعدت وافتح عيوني بثقل باوعت ساعه عشرة إلا كمت غسلت وجهي ونزلت جوا ضاهر نايمين اهلي توجهت للمطبخ فتحت الثلاجة طلعتلي گبة وكليتها وشلفتلي وياها طماكة وكعدت اكل وافكر بل سواه غضب وكلامة الي خلة جسمي يقشعر من الخووف .. كملت ورجعت لغرفتي تمددت بمكاني ونمت .. ومرن هاليومين بدون ماحس بيوم وليلة اني بيت جدو وهوسة وهلاهل مجان اكو احد بس نسوان عمامي وبناتهن وامي وبيبي تهلهل وتقري ايات علية الي حته صالون مارحتلة سويت نفسي بل بيت جنت لابسة فستان ابيض طويل وسادة وشوي مكياج وخليت شعري مفلول ع طول لحد وركي .. واسمع البنات يحجن ويتشمتن ..
وججج عزاا لا حنه ولا عرس زين خطية
ههه ييي لجج باعي فستانها حته فستان ماشترولها لو اني بمكانها ارفض شهل زواج هاذا
.. وجج كلة اوامر غضب هوا هيج طلب
... الله يعلم شينتضرها بعد الزواج سمعت من اخواني يحجون عنه ويكولون عصبي وقاسي مايتحاجة
.. اييي صح بابا هم يسولف عنة يكول اليكسر كلمته عواقبة عسيرة
... خطية غزل راحت للموت برجليها
غزل: اسمع حجيهن وابلع بريكي من الخووف للساعه ٧المغرب بدو يخفون عمامي كلمن اخذ زوجته وبناته وراحو لبيوتهم بقت بس ماما وماجدة مرت عمي وبناتها الاربعه ..
ام غزل: يلا بنيتي كومي فوك راح نزفكم
غزل: حجت هيج احس رجلية وحدة طخ بل ثانية من الخوف .. ماماااا ضلي يمي لاتعوفيني امانة
ام غزل: ههه وجج بنيتي شضل يمج عيب ماماتي عيب هسة نتي صرتي مراة متزوجة...
غزل: ماماااا والله خايفة منة
ام غزل: بكلبها .. الله يعينج يبنيتي ع راح تعيشينة وي غضب وسامحيني .. لالا تخافين ماكو شي يلا كعدي هنا وهسة يجي غضب ولاتخافين تمام
غزل: هزيت راسي ب ايي وكعدت طلعت امي واني افرك باادية بخووف وتوتر وخجل ... شوية وحسيت الباب الباب نفتح ماضل قطرة دم بية قفل الباب وفات للحمام شوي وطلع سابح وتمدد ع جرباية وغمض عيونه .. هاذا شبيه والله بعد احسن الله يحبني مرر هالليلة ع خير 🙂 طلعتلي روب مال نوم لون اسود وطويل فتت سبحت وطلعت باوعت للجرباية والله مانام يماا لو اموت نزلتلي فراش من الكتتور وفرشتلي بل كاع وتمددت درت وجهي اتفقد غضب كون نايم وفعلا جان نايم اطمنت وغفيت اني هم من التعب .... وووو
..
__________________________________
يتبع
