روايـة:-
#من_نفـس_للكـأس_4
#From The same glass4
بقـلم:فـطــوم67
لساعة 8:30 ليلاً
.
إشتياقي لك كـ سطور خرساء لا أنت تقرأها ولا أنا أستطيع نطقها 💔
#مقتبـس
.
.
أني كنت حاطة راسي على قبر بوي ودموعي على خدي وقاعدة نتفكر في كل شي ...حياتي قبل موتت بوي،..وحياتي بعد موتت بوي ،..وفي الناس لكنت نحسابهم يحبوني وميرضوش فيها دقة الشوكة وفييي كل شي🙁💔.
تنهدت بعمق ونزلو دموعها:اااااااه يابوي اااااه وين مشيت وخليتني بس!! ،..حياتي من غيرك مافيهاش طعم!! ...اااه يابوي مكنتش نتوقع في يوم نخسرك!! كنت ديمـا منحية الأحتمال هذا !!ونحسابك بتقعد معاي طول العمر!! ،..حتى الناس لتعبت عليها ومخليت مادرتلهم غدروك ولوحونا في الشارع !!، نبيك يابوي!! خوذني معاك !!بنتك محتاجتلك هلبا !!محتاجة لكلامك!! لحضنك !!لكل شي !!،... استاحشتك هلباااااااااااااا ،كل مانشوف حد مع بوه تجيني غصة في قلبي !!!! ،ااااااه....وقعدت تبكي😭💔
("من يملك أب فليحافظ عليه فو الله الشوق بعد الممات قاتل💔")
________
(🔥67فـــــــطــــــوم🔥)
هنادي تتصل بنايا مشغولة عليها :اااه ياربي وينها خيرها متردش!!..واتصلت بكارمن
.
هنادي:ااا الو كارمن
كارمن تبكي: ايوا هنادي
هنادي:خيرك شن في!! خيره صوتك هكي !!وين اختك من بكري واني نتصل بيها!!😖
كارمن:منعرفش ملقاهاش جسار وتوا طالعين ندورو عليها💔
هنادي:انشاءالله تلقوها...باللهي عليك لما تلقوها طمنيني💔
كارمن:به..وسكرت
...
هنادي ناضت توضت وصلت وبعد مكملت قعدت تدعي🙏🏻
.
("ياربي احميها واحفظها من كل شر وبعد عليها الحزن والهم والغم ياربي وفقها ويسر امورها وحققلها ماتبي ، وفرج عليها ،ياربي هيا صاحبتي الغالية إلي ماعنديش غيرها أحفظهالي وأحميهالي ياربي")❤️🙏🏻
.
.
______
.
.
(🔥67فـــــــطــــــوم🔥)
.
..................
("في السيــارة🚗")
..................
.
جسار يسوق وبحداه جاسم وراهم كارمن
.
جسار يفكر "زعما ياربي إلي درته غلط ..اي صح مفروض مقلتلهاش هكي ،..زعما وين مشت ،...مش حنسامح روحي كان صارتلها حاجة"💔
شويـةودرس السيارة
جسار :هيا!!
كـارمن قامت عيونها ونزلت تجري للمقبـرة💔
جاسم لحقها هوا وجسار :وقفي بالشوية راك اطيحي 💔
وصلت كارمن عند قبر بوها لكـن تجمدت من المنظر لشافاته 🤯
__
.
(🔥67فـــــــطــــــوم🔥)
.
...........................
("فــي مكـــان ثانــي🖤")
.........................
.
المجهولة:ههههههههههههههههه فرحتني...وهكي حينحرق قلب وردة😈 ....حنخليها تتقطع عليهم بالعرق،....وانتَ حنعطيك مكافأة على خاطر لدرته
المجهول فرح:شن هيا
المجهولة:تلقاها في قجر المكتبة وراك
المجهول وصل للمكتبة فتح القجر لقي زرف فيه فلوس خداه وولا قعمز قدام المجهولة
المجهول:منورة على المكافأة
المجهولة ابتسمت: كل مابتنفد لنبيه بدون غلط حتحصل هكي واكثر...وتوا تقدر تمشي تشوف شغلك
__
كارمن عيطت ونزلو دموعها لما شافت نايا بحدا القبر وغارقة في دمهاا مشت تجري تنوض في نايا
كارمن تبكي:لا متخلينيش نوضيي لااا
جو جسار وجاسم وأنصدمو في المنظر لشافوه
جاسم مشي ينوض في كارمن وجسار قام نايا ورفعهااا لسيارة
كارمن مدت يدها وتبكي :لاااااا اختي نبي اختييي😭💔
جاسم :نوضي فيسع نرفعوها للمستشفى
ناضت ومشو رفعو نايا للمستشفى ليخدم فيها جسار ..وجسار طول الوقت يدعي انشاءالله مايصير شي ليها لأن وقتها مش حيسامح روحه💔
___
..................
("في المستشفى")
..................
عصام واقف على خالد في الاستعلامات
خالد :شن الدوشة هادي لبرا
وطلعو شافو جسار يصيح على الممرضين وحوايجه كلهم دم وبحداه بنت تنزف ومعاه خوه وبنت ثانية
عصام مشي يجري لجسار:خيرك من هاذي
جسار:مش وقتها الدوا هاذي تو نحكيلك بعدين ...اني بنخش اندير العملية
عصام :تبي نساعدك لأن باين عليك تعباان هلبااا؟!
جسار:لالا صحيت ،...ومشي عقم ولبس لبست العمليات وخش
