آنِتٌﮯ آمًآنِيَ
البارت2الجزء التاني
للكاتبه منال علي
طبعا كلكم تبو تعرفو الاخبار ع ايوب بس الحلقات الجايه حتعرفو
خلينا توا نمشو ل عائله ايوب
ام ايوب بعد ما تبعد عليها ولدها ندمت وتمنت وافقت ع ولدها ان ياخد اي وحده حتي وحده كبر جدته اهم شئ راحته وان قدام عيونها توا هيا لا تعلم عليه حي ولا ميت تهسترت كل يوم تحلم بيه من كثر التفكير فيه
اما بالنسبه ل اسماء
كانت تحاول ب جميع الطرق توصل في ايوب دورت عليه في جميع برامج التواصل الاجتماعي يمكن داير ايميل او صفحه او اي شى يوصلها فيه
وفي الفتره الى هيا ادوى عليه خطر عليها اسم صاحب خوها وبحثت عليه في الفيس طبعا طلعلها بإسمه اسماء وااااجد ماعرفتيش اما واااحد قعدت ادور عليه بين الاسماء وتدعي ان تلقاه وااخييرا وليس اخرا لقاته
بعد خشت ع ايميله و شافت الصور عرفاته
بعتتله طلب صداقه والطلب قعد معلق
خلينا نمشو نشوفو ساره شن صار معاها
ساروا تزوجت طبعا هيا وبسام وكانت ديما تتواصل مع اصغار امان يعني ديما اتجيهم وتلعب فيهم وتشريلهم في هدايا و مش مقصره معاهم كأن خالتهم
بعد مرور شهرين من زواج ساروا
بسام:حبيبي اني طالع توا تبي شئ
ساروا:نبيك انت يا عمري
بسام:واني معاك يا قلبي
سارو:عارفه حبيبي وربي ما يحرمني منك
بسام باس ع راسها وخدها وحضنها وهيا باساته ع خده وطلع
طبعا بسام عند عشاء في الاستراحه مع صحابه وهوا في الطريق فرحان بزواجه ومن يوم ماتزوج هوا وساروا ما يحبيش يتبعد عليها فتره طويله كان ديما يتهرب من العشوات لان عند العشوات والزرادي تضيع وقت عليهم لان عند يقعمز احداء زوجته وحب حياته خير
فكر يتصل بيها بها ويتغزل فيها لان حس ان مستاحشها وهدا كان شعوره وقت يتبعد عليها واتصل بيها
ساروا:ايوه حبي
بسام:هلا غلاي استاحشتك
سارو:حليك استاحشتني
بسام:اني حتي جنبك مستاحشك
سارو:خلاص فوته العشي وتعال ماله ههههه 😂😂
بسام: شن نفوته هما شادو فيا وحلفوني انبات معاهم
سارو: تبان عينك مش تبات
بسام: به شن انديرلهم سرقو منه حتي مفتاح السياره
سارو حامقه: تعرف اتبات معاهم نتفاهميش معاك
بسام: هههههه انبصر عليك اصلا اني ما نقدريش نبعد عليك يوم نبعد عليك وقتها نكون مييت
سارو: بعيد السو عليك ياعمري اني ولا انت نا نقدريش عليك
بسام: بعيد السو عليك يانبض قلبي انتي
سارو: وصلت انت او مزال
بسام: شويه ونوصل
ساروا: حبيبي لما توصل طمني عليك
بسام: اوكي يا عمري
