آنِتٌﮯ آمًآنِيَ
البارت3 الجزء التاني
للكاتبه منال علي
سارو تبكي: معليشي دكتور بسام وينه بسام كويس صح😭😭😭
الدكتور طبس راسه: عظم الله اجرك المريض جابوه متوفي
طاحت سارو وأغمي عليها من أثر الصدمه
فطنت بعد نص ساعه لقيت أمها وبوها احداها في الدار وامها تبكي
وطبعا انتم عارفين عزوات ليبين مانبيش نقطعلكم قلبك بلي يصير في العزوات
بعد مرور أيام
سارو حالتها مدمره بكل وحابسه روحه في الدار وخلاص سمع بيها رواد بعث صغاره عندها لان تحبهم و يحبوها لان كانت غاليه عليه ويعتبر فيها كيف اخته
طبعا سروو بسبب الصغار وضحكتهم ولعبهم قدرو يطلعوها من عزلتها واكتئابها وشوي شوي بدت تتحسن وكملت عدتها وقعدت هيا تزور فيهم
عند روان
طبعا روان روحت هيا وصغارها وراجلها لي ليبيا
وامها وبوها وخوها فرحو قريب طاروا بيها ودارتلها امها كل الاكلات الى تحبهم
والصغار فرحانين يلعبو مع بعض
بعد اسبوع اتصلو ب محمد من الشغل قالوله تعال ضروري في مشاكل في الشغل فقال لي روان نروحو راوان قالتله والله مزال خاطري نقعد مزلت مستاحشتهم و طبعا بعد طراع وصراع وافق يخليها في اول فرصه يحصل ايجازه يجيها
سافر محمد وروان قعدت هيا وصغارها عند هلها
عند اسماء
في اليل مقعمزه تهدرز مع صحباتها عالفيس تجيها رساله من ايهم استغربت
ايهم:السلام عليكم
اسماء:وعليكم السلام
ايهم:كيف الحال
اسماء:الحمدلله
ايهم:معليشي عالازعاج بس قلت نسألك حصلتي ايوب
اسماء:اي تواصلت معاه شكرا
ايهم:ولو مادرت شى اني
ايهم يبي يفتح معاها موضوع وخلاص لان من مطزمان قبل ما يسافر ايوب وكان يمشي ل ايوب شبحه كم مره وعجباته وما عرفيش كيف يطق فيها و توا الفرصه جت لعندا
ايهم:شن قالك بيروح
اسماء:لا قال مايقدريش جربه انت اقنعه مرات يقتنع منك ويقولك به
ايهم:تو نشوفه وندويله
اسماء:اوكي تمام بارك الله فيك
ايهم:و فيك بارك الله
اسماء:تصبح ع خير
ايهم كان خاطره يهدرز بس ماعرفيش كيف:وانتي من اهل الخير
خلينا نمشو انشوفو شن صار في رواد
توا رواد سنقل وامه حاولت تقنعه يتزوج بس هوا رفض قتله اني وبوك مش دايميلك والصغار من بيهم
قاللها بعد عمر طويل ان شاء الله وبرضو رفض فكره الزواج
وقال مافيش مرأه في هالكون تستاهل اتجي مكان امان
طبعا المتابعين متشوقين تعرفو شن صار في ايوب وهل حيرد ل عيلته او لا خلينا توا انشوفو شن صار فيه في الفتره الى غابها علينا
