آنِتٌﮯ آمًآنِيَ
الكاتبه منال علي
آلبآرت 4
بابا: ماذا حدث معاك يا دكتور
الدكتور : انه بخير لقد نجحت العمليه
بابا: الحمد لله
انا تعنقت في بابا ونبكي بفرح بابا اهئ اهئ عمليته نجحت الحمد لله اهى اهئ
وكلنا فرحنا ونبكو من الفرح انا و روني وماما
بابا: خيرك يا بابا تبكي مفروض تكوني فرحنه
انا: اصلا من قالك مانيش فرحانه اصلا انى طيره من الفرح
بابا يمسح في دموعي: ماله الدموع هديما شن
انا: هديما دموع فرح
بابا: اها كان هكي اوكي
فات وقت ونقلوا رودي لغرفة العنايه اليوم بيقعد فيها وغدوه انشاء الله ايحطو في غرفه عاديه
انا: بابا خود روني وماما و روحوا لان تعبتوا
بابا:لا لا حبيبتي تعالى انروح بيك انتى وامك و روني واني انوالى
انا: لا لا بابا اني مش حنطلع لين يطلع معايا رودي
بابا: يا حبيبتي خلاص انتى تعبانه حتى من وجهك اصفر ارتاحي وبعدين
انا: لا لا بابا اني مش حنتحرك من هنا لين يطلع رواد وانتم روحوا ارتاحوا لان مش حتقدروا اتشوفوه واني حنحاول نتكلم مع الدكتور بلكي يخليني انشوفه
بابا: اوكي واذا احتاجتي شئ كلميني
انا: اوكي وبوسته على خده وعديت بوست روني وماما وبعدها هما طلعوا من المستشفي
وانا مشيت لدكتور طلبت من ندخل في الاول رفض وبعد ما شديت فيه وافق بشرط نلبس البدله المعقمه امتاع غرفة العنايه
دخلت عليه وكان راااقد زي الملاك اني قربت منه وقعدت نتلمس في شعره وفي وجهه ولحيته ونتكلم
انا: حبيبي خلاص انت توا وليت كويس بعد العمليه بس خايفه خايفه انك اتسيبني خايفه انك ما تذكرني انى مرتك حبيبي ارجوك ما تنساني
شعرت ب رواد بدأ يصحه من البنج خفت من ردة فعله كان سمح كلامي الى كنت ندوي فيه فلهدا طلعت بسرعه
رواد
شعرت بحد يتلمس في شعري ولحيتي في الاول نسحابه هيوري بعد ما دقيقت في الصوت عرفته صوت مينوا بس الى شوشلي راسي اكتر ماهو مشوش الكلام الى سمعته قرنت حواجبي وفتت الموضوع قولت بيني وبين نفسي اكيدا نتخايل شويه وخش الدكتور عليه ودارلي كاشف وتحليل وقالى شوي اخري ننقلوك في جناح عادي
المهم اشويه وجت ممرضه ومعاها ميمو ساعدني في اني ننتقل للجناح وطلعت الممرضه وقعدت انا وميمو
قولت خليني نسألها
انا: ميموو وين هيوري
مينو: (في خاطري الله محلى اسمى على السانه لحظه وتذكرت وجعني خاطري): قعدت ساكته
بس هو شويه وشد راسه ويتنفس بالقويه كإن يتصارع مع حد وبعدين قعد يعيط ويكسر في الى قدامه كله لا هيوري مستحيل تسيبيني هيوري لااااا
في لحظه جي الدكتور والممرضات ضربوله ابره مهدي شويه و رقد على السرير
ميموو
اناطلعت لدكتور ودويت معاه قالى انا بسبب رجوع الذكريات لى ذاكرته صار معاه انهيار عصبي ولازمه دكتور نفسي
حي عليه حي نسيت بابا وماما ماكلمتهميش وخبرتهم انا رودي ناض
انا خديت النقال واتصلت بي بابا
انا: الو بابا
بابا: نعم حبيبتي رواد في شئ
انا: لا لا بابا رواد ما فيشي شئ بس بنقولك ان ناض امبكري شويه بس
بابا: اوكي احني توا جيين
