اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و دخل عليه ابن عمه الدكتور طائف وهو يغني وسعيد للغاية وكان يرتدي بدلة رمادية اللون وقميص وردي لون فستان أسماء وحذاء أسود مما أدى إلى إستغراب أسد وصديقه أنور ونظروا إلى بعضهم البعض وعادوا بنظرهم إلى طائف مرة أخرى ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكانت تقف جانبها صديقة عمرها ورفيقة دربها أسماء وهي ترتدي فستان باللون الوردي الطويل يصل إلى الأرض وحذاء رياضي أسود وحجابها الأبيض ولحسن الحظ ملابسها كانت تشبه ملابس دكتور طائف .. وأيضا والدة سهيلة و والدة طائف و والدة أسماء يساعدون سهيلة في التجهيز حتى إنتهت من تجهيز نفسها وهي الآن في انتظار قدوم والدها ليأخذها إلى زوجها يسلمها إياه .... أسماء بابتسامة وهي تحتضن سهيلة من الخلف وهي جالسة على الكرسي :- إيه يا عروسة بتترعشي كده ومتوترة متخافيش يا قلبي دي زي شكة الدبوس و هتتعودي عليه وبعدين ده أسد كراش العربية مش كده يا لولي ولا إيه . سهيلة بتوتر وخوف شديد :- بس يا كلبة إتكتمي و أسكتي ليكي يوم وهتبقي ف نفس مكاني ده دلوقتي وساعتها مش هرحمك ولا هعتقك . والدة طائف بابتسامة خفيفة :- يا حبيبتي متقلقيش أسد بيحبك أوي وهيصونك ويشيلك جوا عينيه الاتنين إنتي قلبه وربنا رزقه بيكي علشان تعوضيه عن إللي شافه زمان أنا أه ربيته مع طائف وهو زي طائف عندي بالظبط بس إللي حصل مع أسد مش قليل يا بنتي وأي حد غيره كان إنهار . سهيلة بحزن :- عارفة يا طنط والله وأنا على قد ما أقدر بحاول أنسيه وأشيل عنه أي حمل على كتفه بيدايقه بس هعمل إيه عِنادي ودماغه أنشف من الحجر الصوان وحضرتك أكيد جربتي عِناده وبروده وربنا يقدرني وأقدر أسعده ويباركلي فيه يارب . والدة سهيلة وهي تحتضنها :- ربنا يكملك بعقلك يا حبيبتي خدي بالك من نفسك ومن جوزك وإهتمي بيه يا حبيبتي دلوقتي هو بقى كل حاجة بالنسبة ليكي أبوكي التاني وأخوكي وصاحبك وشريك حياتك وأهم حاجة فيها زينا ويمكن هو أكتر كمان خليكي واعية وتعرفي هو بيفكر ف إيه وعايز إيه من قبل ما يطلب فاهمة يا حبيبتي وربنا يسعدكم يارب ويخليكم لبعض ويفرح قلوبكم علطول يا حبايبي . سهيلة بدموع وإحتضنت والدتها :- حبيبتي يا ماما ربنا يديمك ليا يارب ويباركلي فيكي إنتي وبابا والقردة أشرقت كل دي نصايح غالية وهعمل بيها إن شاء الله يا ماما يالهوي يا جماعة متخلونيش أعيط أسد هيفتح تحقيق وهيقولي مين خلاكي تعيطي . الميك أب أرتيست بابتسامة :- يا عروسة مينفعش كده الميك أب هيبوظ بسبب دموعك يا عروستنا يلا أقعدي أمسحلك دموعك بالمنديل ونظبط الكحلة مرة تانية اوك قبل ما يوصل والدك . أسماء وهي تمسك سهيلة وتجلسها مرة أخرى :- أقعدي بقى وإهمدي خليها تظبط الكحل لعيونك الخضراء الحلوة يا جميل قبل ما عمو محمد يوصل وياخدك عند أسد تحت . سهيلة وقد جلست مرة أخرى :- هيييح إمتى يارب أخلص منك إنتي كمان يا سمكة وتحصليني علشان أزلك زل السنين ده يا هبابة البرك إنتي . والدة طائف وهي تنظر إلى أسماء بابتسامة :- قريب خلاص يومين كده وتسمعي خبر حلو إن شاء الله علشان تجهزيها بنفسك يا عروسة . أسماء بخجل وارتباك :- احم احم طب خليني أروح أشوف باقي البنات وجاية تاني بعد إذنكم أنا . #خرجت أسماء راكضة من الغرفة أما من بالغرفة غرقوا ضحكا عليها وعلى خجلها الشديد وعادت الميك أب أرتيست تظبط وضع الكحل لعيون سهيلة الخضراء بلون العشب مرة أخرى ....
