♕عشقت اخي ♕

البارت الثالت

♕عشقت اخي ♕

ياسمين /انت ازاي تمد ايدك على بنت هااا قولي انت مش انسان اصلا
وراحت ضربته بالقلم تاني

الشاب /بقا انتي يا بت بتمدي ايدك عليا اتشاهدي على روحك يا حلوه

ياسمين بضحكه مستفزه كده/اتشاهد انت على روحك يا قذر

الشاب /لا ده انتي لازم تتربي

ولسه هيضرها بالقلم على وشها قامت ضربته بالرجل في بطنه ودخلوا في خناقه كبيره بس هي اللي فازت ووقعته على الارض من كتر الضرب

ياسمين بضحك/قوم يا عجل قوم هتوسخ الهدوم وامك هتضربك بالخرطوم

كل الناس اللي كانوا واقفين كانوا هيموتوا من الضحك كأنها لسه طفله في الحضانه وفرحانه انها اللي فازت

ياسمين /انتي كويسه يا انسه قوليلي بس هو عملك ايه

هدير بعياط /هو ضحك عليا وانا حبيته من كل قلبي وصدقته ووثقت فيه وبعد ده كله يخدعني في مره كنت معاه ولاقيته قفل الموبايل وعيط بقوله مالك قالي امي تعبانه جدا في البيت وانا مش عندي ولا اخوات ولا اهل يساعدوني في حاجه حتى انا مش عارف قولتله اكلملها الدكتور قال مينفعش تاكل حاجه من برا وانا مش بعرف اعمل اكل وكده

صعب عليا قولتله انا بنتها وأوعى تقول ملكش اهل دي انا اهلك وقولتله خودني على البيت وانا هروق واعمل اكل واشوف ممتك محتاجه اي وكده وفعلا روحت لاقيت ممته تعبانه وده خلاني اثق فيه اكتر وعملت كل حاجه وكده وبعدين لاقيته داخل وانا بأكل ممته يقولي خودي انا عملت عصير بإيدي ليكي ولماما وبجد بشكرا لأنك تعبتي معايا وشربت العصير من هنا وقالي يلا عشان اوصلك ونازلين على السلم روحت دايخه ومش شايفه حاجه واغمي عليا صحيت لاقيت نفسي في بيت مهجور وهدمي متقطعه ومشيت في الشارع وانا مكسوفه لحد ما روحت واهلي سألوني مالك قولتلهم شباب كانوا بيجروا ورايا وقدرت اهرب منهم وبعد شهر اكتشفت اني حامل اتصلت عشان اقوله لاقيته غير رقمه روحت البيت لاقيته كان ماجره والست دي مكنتش امه ولا حاجه لحد مهربت من بيتنا بعض ما بطني بدأت تكبر وشوفته النهارده وجيت اكلمه قالي اللي زيك ميتكلموش

ياسمين بدموع /هجبلك حق ولا تزعلي

هدير /بجد

ياسمين /اكيد 
ياسمين /ياجماعه اربطوا الحيوان ده واوعوا تخلوه يمشي

الناس طبعا اتعاطفوا مع البنت ومسكوا الشاب وربطوه

ياسمين /الو ياسين تعالا بسرعه

ياسين بقلق /انتي فين

ياسمين /في قهوه كده بعد العربيه بتاعتك بشويه انا هناك

ياسين طلع جري من المطعم وراح عند القهوه

ياسين /مالك يا بنوتي وايه اللي عمل في الراجل ده كده