♕عشقت اخي ♕

البارت الثالث عشر

♕عشقت اخي♕

أغمى عليها وفتحت عينها لاقت نفسها في مستشفى نفسيه

ياسمين /إيه ده أنا فين ياااسين أنا عايزه ياااسين

الدكتور رامي /أهدي يا آنسه إنتي في مستشفى نفسيه هتاخدي فتره معانا هنا اعتبريها استجمام وبعد عن الحياة المقرفه شويه

ياسمين /أنت بتقول إيه ماما عمرها متعمل كده في بنتها يلا بقا نادي ماما تطلعني من هنا خالص ياماما هتفاهم أنا وإنتي في الموضوع في البيت مش لازم قدام الناس يعني

الدكتور رامي /مفيش حد هنا ومامتك مش بره

ياسمين /بس أنا مش مجنونه وإيه يعني يا دكتور لما أحب وأكون عايزه اتجوز فيها إيه يعني

د.رامي /مافيهاش حاجه طبعاً بس مش أخوكي يعني

ياسمين /بس هو مش أخويا هو حبيبي

د.رامي /خلاص كفايه كلام لحد كده وروحي استريحي شويه ونتكلم في وقت تاني

ياسمين بتمني /دكتور أوعدني إنك هتخرجني من هنا أنا والله ما مجنونه وبكره الحقيقه هتبان

د. رامي /إن شاء الله ربنا هيبين الحقيقه

ودخلت الممرضه واخدتها على الأوضة بتاعتها

ياسمين /مين دي أنا عايزة أقعد لوحدي مش عايزة حد معايا

الممرضه /متقلقيش دي مش بتتكلم خالص ومش بتتحرك من مكانها بقالها سنين

ياسمين /هي أسمها إيه

الممرضه /أسمها ندى

ياسمين /تمام شكراً

دخلت ياسمين الأوضة وتأملتها وبصت على ندى قد إيه هي بنوته جميله وحلوه كمان وحطت راسها على السرير وانفجرت من العياط من غير صوت عياط بيتعب أكتر ما بيريح
**********************************************

ياسين /إيه ده يا ماما ليه كده لييييييييه حد يعمل كده

ورد /أه لما ألاقي بنتي اتجننت يبقا لازم اعلاجها

ياسين بص لورد ومشي عشان يروح عند ياسمين

ورد /ياسين تحرم عليا لو طلعت من بابا البيت النهارده   ولا هتبقا إبني ولا أعرفك فاهم

ياسين بدموع تكاد تشبه الدم /ليه كده يا ماما ليه

وطلع جري على الأوضة بتاعته وطلعت وراه لين وبقا يضرب إيده في الحيطه ويقول يلا يلا إنكسري لزمتك إيه وإنتي معرفتيش تحميها يلا إنكسري ويخبط راسه في الحيطه

لين /بس يا حبيبي بس خلاص عشان خاطري

ياسين /أطلعي بره لو سمحتي يلا أطلعي مش عايز أشوف حد

لين /أنا مش حد ولو عايز تضربني أنا جاهزة بس مش هطلع من الأوضة واسيبك كده

وراحت حضتنه