♕عشقت اخي ♕

البارت التاسع

♕عشقت اخي♕

مازن /الصراحه أنا مش هقدر إني أسيبك إنتي مفكره إني هتخلى عنك ببساطة كده دهب أنا بحبك وبحبك بجد

دهب /لسه بتحبني بعد ما عرفت عني كل حاجة

مازن /عرفت إنك مظلومه عرفت إنك انكسرتي من أقرب الناس ليكي إللي إنتي حته منو أصلاً بس من النهارده ورايح تنسي الكلام ده خالص أنا أبوكي وجوزك وحبيبك ولو مش هتقل عليكي يعني أبقا إبنك بالمره

دهب ضحكت وبصتله وسكتت وبقت تقول في بالها معقول يجي إللي ميعرفنيش ويحبني ويصوني وإللي أنا منو يكسرني بس الحمدلله ربنا بيعوضنا

مازن /أهو إنتي عارفه إني هموت من السعاده دلوقتي

دهب /ليه

مازن /عشان شوفت ضحكتك إللي بموت فيها دي أصلاً مجرد الابتسامه بتاعتك بتحلي أيامي

دهب /أنت إللي محلي أيامي أنت نستني جروح الماضي

مازن /يخربيت جمال أمك ياشيخه إيه يابت أمك مخلفه شوكولاته إيه ده

دهب /ممكن أقولك حاجه

مازن /أكيد طبعا

دهب /ممكن متكسرنيش لأني مش هقدر بقا أعيش بجد أنت أملي الوحيد

مازن /مفيش إنسان بيكسر نفسه وإنتي نفسي أكيد يعني مش هعمل حاجة تزعلني من نفسي ولا إيه

دهب /طب طلب أخير طيب ممكن تمسك ايدي

مازن /أنا يا بنتي شكرا على ثقتك الغاليه 😂

وفعلاً مسك ايدها وهي سندت راسها على كتفه وبصوا لسما

ياسين /إيه رأيك في البرجر بقا

ياسمين /كان تحفه بس لين أتغيرت كده وطلبت تمشي وحتى وإحنا بنوصلها ما نطقتش بحرف واحد

ياسين /هتلاقيها تعبانه شويه 

ياسمين /الله وأعلم 

ياسين /وأخيراً وصلنا أنا هموت من التعب

ياسمين بعصبيه /بعيد الشر عليك

ياسين /مالك قصدي إني تعبان جامد

ياسمين /متقولش أموت دي تاني مفهوم

ياسين /طب أستني طيب ندخل سوا يا بت بطلي جنانك ده

ومسك من دراعها
ياسين /مش قولت أستني يا بنوتي ولا إيه

ياسمين /متهزرش تاني تمام

ياسين /خلاص أسف يا ستي برضه لسه مبوزه يخربيت بوزك ياشيخه تعالي بقا هشيلك ارميكي في البول

ياسمين /لا والنبي يا خال خلاص خلاص حرمت

وطلعت تجري
ياسين /عادي همسكك برضه