فاستجبنا له❤قصص استجابه الدعاء

اي ده 😲😲♥️

استجااااب استجاااااب و الله العظيم استجاب

كنت عاوزه اقولكم اصبروا و ألحوا علي الله بـ الدعاء و لا تقنطوا و ثقوا بالله انه هيعطيكم والله ثم والله فـ غمضة عين اللي كان مستحيل حصل و الچبر جه من رب العالمين ، ربنا ما شرطش الأجابة بطاعة معينه ربنا قال " ادعوني استجب لكم " ما قالش يا مؤمنين و لا يا متقين و لا يا عابدين قال لـ عباده كلهم و كلنا عبد لله ، اما عن الطاعات المستحبه و اللي كنت بفضل الله بتبعها و اوقات كنت بقصر فيها برضوا

اولا : الصلاة علي اوقاتها

ثانيا : اليقين بالله و القلب يكون خالي من الشك ان ربنا هيستجيب
( اوقات كنت بقول لربنا و اتكلم معاه انا عارفه انه ممكن يكون خير ليا او شر بس انت ربنا يعني تقدر لو هو شر تخليه خير هو لو عشان ممكن يكون شر ليا فـ المفروض اني ما ادعيش انت خلقت الدعاء ليه يارب انت تقدر تغير الكون كله عشاني ، انا واثقه انك مش هتخذلني )

ثالثا: اطلاق اللسان بالدعاء فـ كل وقت كنت انام و اقوم بدعي وقت المطر بين الاذان و الاقامه اخر ساعه يوم الجمعه وقت خطبة الجمعه الثلث الاخير من الليل اوقات كتير ماكتتش بقيم الليل بس كنت بظبط المنبه ع الساعه ٢ اصحي اقول الدعاء اللي الرسول قال ان اللي يصحي من نوعه بالليل ويدعي بيه دعوته مستجابه " (( حَدَّثَنِي عُبَادَةُ بْنُ الصَّامِتِ عَنِ النَّبِيِّ صَلَّى اللَّهم عَلَيْهِ وَسَلَّمَ قَالَ مَنْ تَعَارَّ مِنَ اللَّيْلِ فَقَالَ لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ الْحَمْدُ لِلَّهِ وَسُبْحَانَ اللَّهِ وَلَا إِلَهَ إِلَّا اللَّهُ وَاللَّهُ أَكْبَرُ وَلَا حَوْلَ وَلَا قُوَّةَ إِلَّا بِاللَّهِ ثُمَّ قَالَ اللَّهُمَّ اغْفِرْ لِي أَوْ دَعَا اسْتُجِيبَ لَهُ فَإِنْ تَوَضَّأَ وَصَلَّى قُبِلَتْ صَلَاتُهُ )
و ادعي ربنا ييسرلي امري و يجبرني بيه و انام ، مش شرط نجيب دعاء و نحفظه ربنا عالم اللي فـ قلبك و مش عاوز غيره الدعاء االي بيتقال باللغه العاميه بيكون خارج م القلب و اقرب من الله من دعاء محفوظ بتردديه و خلاص ، كان في رفض من ناحية والده كنت بقوله " يارب دا انت حننت قلب فرعون الكافر الجبار علي سيدنا موسي و خليته اتخذه ولدا ة رباه فـ بيته بدل ما يقتله مش هتقدر تحنن قلب عبدك فلان المؤمن بيك و تخليه يوافق علي جوازنا و تفرح قلبه بينا "

رابعا : قيام الليل و ده شيء عظيم جدا ربنا بيتنزل فـ الثلث الاخير من الليل و بيسمع دعانا

خامسا : سورة البقره يوميا " أخذها بركة و تركها حسرة "

سادسا : الصلاة علي سيدنا النبي بالصيغة الابراهيميه و الدعاء بين كل صلاة و صلاة فهي تكفل لك استجابة دعاءك لان الله يقبل الصلاة علي حبيبة و لا ترد و هي العبادة الوحيده التي لا ترد حتي لو كان بالك مشغول و انت بتعملها فحاشاه انه يقبل الصلاتين و لا يقبل ما بينهما و هو دعوتك

سابعا : الصدقه و دا اعظم شيء جبر الخواطر و مساعدة محتاج و الدعاء عند خروج الصدقه مستجاب

ثامنا: الدعاء لـ الغير لو عارفه واحده صاحبتك محتاجه دعوة معينه ادعيلها الملايكه بتردلك الدعوة و طبعا ان شاء الله دعوتهم لا ترد ، فـ يا سلام اما تدعي لواحده محتاجه نفس دعوتك ،

ابشروا والله أرحم بـ عبده من ابيه و أمه ، كان في حد بيدعي ربنا و بيبكي و يتذلل و لكن ربنا ما استجابش دعاؤه فـ سيدنا موسي ( علي ما اذكر ) سأل ربنا و قاله و الله لو سألني يارب لاستجبت له من كتر تضرعه و الحاحه ، رد ربنا سبحانه و تعالي و قاله ان لسانه بيقول شيء و عقله و باله ف اشياء اخري يعني مش مركز و هو بيدعي فـ شرط الدعاء انك تكون واعي و مركز فيه و انت بتقوله ، جبركم الله بما تلحون أسألكم الدعاء ❤

تعديل مهم:

كنت بشوف احلام مبشرة خاصة وقت ما ابقي تعبانه كإن ربنا بيراضيني و قبل استجابة دعوتي بكام يوم كنت كل يوم اسمع " فاستجبنا له " و " و استجبنا له " الايات كامله سواء كان ف البيت ف الراديو او وانا رايحه الشغل او بابا و هو بيصلي
#منقول