Pagbiya

For the past few months, nagkaon kos Greenwich. Ning order kog isa ka large size nga hawaiian pizza og softdrinks, tungod sa kakapoy wala nako nag lingi² sa isig kakilid. Paghuman nakog order gikuha nakong resibo og number sa akong ge order og dayong nisaka sa second floor. Ning lingkod ko og gituyhad tuyhad nako ang akong likod sa lingkuranan og gibinat binat pataas ang akong kamot. Samtang naghulat kos akong order, nakadungog kog agikhik sa mag uyab nga nag lingkod sa akong likod, nakita nako sila sa reflection sa samin nga naa sa akong atubangan, og nakita pud nako ang akong kaugalingon nga nag mug-ot nagtan aw nila.

Nasaksihan nako ang ilang ka sweet sa usag usa. Gisandig sa babae ang ulo niya ngadto sa lakaki og miingon "hilota sa gud akong ulo Ga samtang naghulat ta sa pagkaon" wala ni tingog ang lalaki og iyaha ra kaning gihilot sa ulo nya gigakos. Klaro kaayo sa iyang nawong ang kakapoy. "Ga pasensya ron ha kay luya kaayo ko, gikapoy man gud kog maayo sa skwelahan" ingon sa lalaki ngadto sa babae."Okay ra ga uy Happy 1st anniversary love you" tubag sa babae ngadto sa lalaki. "Happy 1st anniversary sad ga love you" anang lalaki sa babae. Ning abot na ilang order og nangaon nadayon silang duha.

Nakita nako gikan sa reflection sa samin nga naay pasaka mag uyab, nag holding hands dayong nanglingkod sa pinaka ulahi nga lingkuranan. Sweet pud kaayo sila as in jud, ning luhod ang lalaki nya naay gikuha sa iyang bulsa, usa ka wedding ring. "Ga will you be my Girl?" gitubag kani sa babae og walay pag duha duha "ou ga" gigakos sa lalaki ang babae, namalakpak ang mga tao sa among palibot. Wala jud ko ning lingi sa likod gikan pa sa sugod. Natingala ko nakita nako sa samin ang luha sa akong mga mata. Og anha pa nako nahinumduman nga katong mga nakita nako sa reflection sa samin, ang amoa tong kaagi sa akong uyab sauna og asawa na karon. Wala ko ning lingi sa luyo kay dinako gusto balikan ang mga niagi, kay hangtod ron dipagyapon nako madawat nga wala na ang taong gapawala sa akong kakapoy, og ang taong naghatag nakog kalipay sa tibook nakong kinabuhi.

#Shortstory
#Edliesxz