هااااي
شباب مش لاقيه تفاعل او حتي كومنت فممكن تكتبولي بس الروايه حلوه ولي لا 🙂
:::::::::::::::::::::::::::::::::::::::::::::::::::::::::::::::::::::::::::::::::::::::::
في بيت همسه:
يزيد رجع من الشغل
يزيد: يا اهل الدار
منه: في ايه يابني
يزيد: وفي حاجه بشوف اهل البيت
وفي اللحظه ديه دخلت همسه
همسه: هاي يا شباب
منه: واحد بيقول يا اهل الدار والتانيه تقول يا شباب صبرني يارب منا....
يزيد وهمسه بمقاطعة: منا لو كنت مخلفه جوز ارانب كانوا نفعوني وضحكوا
منه: انتوا شكلكوا وحشكوا الشبشب
الاتنين بتصنع الخوف: لا والله ياست الكل احنا اسفين بس مش هنبقي جوز ارانب وجريوا الاتنين علي الاوض وهما بيضحكوا
منه: وربنا مخلفه مجانين
في اوضه همسه فتحت الموبايل لقيت رساله من مليكه بتفتحها و اتصدمت
ياتري ايه الي رساله ديه؟!
عند مليكه روحت البيت:
مليكه: شكل يوسف لسه مجاش ااما اطلع اعود علي فوني شويه او اشغل اغاني الواحد يفك عن نفسه شويه
وطلعت مليكه وبعد شويه جيه يوسف وسامع صوت اغاني عاليه
يوسف وهو طالع علي السلم: اكيد بتحضر عفاريت
راح وقف علي بابا الاوضه وعمال يضحك
و مليكه مشغلاه اغاني و بترقص
مليكه: مصاحبش فراير حتي لو راكبين فراري
...... اخواتي اخواتي وقلب علي اغنيه تانيه
موجوع جلبي والتهاب في حلقي
يوسف بضحك: ايه يابنتي ده من اخواتي لي موجوع قلبك والتهاب في حلقك ايه يابنتي داااه
مليكه: انت هنا من امتي
يوسف: من اول مصاحبش فرافير
مليكه: ياخراشي يا فضحتك يا مليكه
يوسف بضحك: هو انا قفشتك في شقه مفروشة
مليكه: لا ياراجل وربنا انا حاسه اني عايشه مع جوزي
يوسف: لا ياختي اخوكي ويلي قومي حضري الاكل عشان جوعان
مليكه: من عيوني لاخويا القمر
وقامت راحت المطبخ وكانت بتفكر تقول ليوسف علي زياد بس قالت لا لحسن يعمله حاجه وحضرت الاكل وكله
اما عند جاسر:
جاسر في نفسه: كانت ملاك بجد النهارده وضحكتها كانت قمر اووي ده انا اول مره واحده ست تعمل فيا كده بس هيا غيرهم خالص وبتنهيده يارب خليها ليا يارب انا عارف اني غلطت بس هيا هتغيرني وفضل يدعي كتير
جيه صاحب علي: البرنس بيفكر في ايه
جاسر: هيكون في ايه
علي: انت بتحبها اووي كده ده انا كنت بقول الملك عمره ميقع خالص
جاسر: اديني وقعت
علي: وهتعمل ايه وهتبين ازاي واصلا ازاي الملك يقع
جاسر: عارف لما تحب حد وتبقي حاسس انو مسؤل منك انو مش عايز حد يقربله او حتي يشوفه نفسي اشوفها علي طول قدامي هتبقي ملكي في يوم من الايام حتي لو بالغصب اما من ناحيه هبينلها ازاي فديه حاجه بتاعتي
علي: ياعم الرومانسي وايه هيا الي بتاعتك متدينا شويه خبره
جاسر: ياسيدي بالكلام معامله واحده واحده هنبقي صحاب وبعد كده هعترفلها ويلي قوم غور
علي: طيب يا عم الرومانسي باي
ومشي علي و جاسر فضل يفكر هيعترفلها ازاي
وجيه اليوم الي تاني
قامت مليكه من النوم كالعاده علي صوت اخوها يوسف وهزاره معاها
مليكه: ايه يابني بتصحي جاموسه
يوسف: وربنا لو جاموسه كانت قامت
مليكه: ياخفيف يلي غور وانا نازله حضرلنا فطار
يوسف: وربنا محسساني انك اشترتيني الخدمه الفلبنيه انت بتاعت حضرتك
مليكه: وربنا الخدامه الفلبنيه احلي منك
يوسف: طب مش هعمل حاجه وخرج
مليكه بصوت عالي: ده انت حبيبي يا ولا
قامت مليكه وقضيت فريضتها ونزلت
مليكه: صباح الفل
يوسف: من شويه كنت بكلم ابن عمي صباح الخير ياختي كلي انا ماشي عشان عندي شغل
مليكه: طيب يسطا مع السلامه
يوسف: وربنا بيئه
مليكه: حبيبي تعال كل يوم
يوسف: سلاممم
اما عند همسه صحيت من النوم وقضيت فرضتها وكانت فرحانه جدااا من الرساله وهيا اعتراف يوسف بحبه ليها( ملحوظه: مليكه وهيا بتكلم اخوها كانت مسجله المكالمه عشان تبعتها لهمسه) وبعديها نزلت
همسه: صباح الخير يا اهل البيت
يزيد: صباح النور
همسه: ايدا انت بتقولها زي الناس عادي كده ولي اكيد عايز حاجه
يزيد: ياستي صباح الزفت
همسه: ايوا كده صباح الخير يا حج صباح الخير يا ست الكل
منه وعمرو: صباح النور
يزيد: انا همشي عشان عندي الشغل سلام
الكل: سلام
همسه :وانا كمان ياماما عشان عندي امتحان سلام
الاب والام: سلام
عند مليكه
لسه بتفتح الباب لقيت جاسر واقف قدام البيت استغربت
مليكه: استاذ جاسر حضرتك بتعمل ايه هنا
جاسر: ايداا انتي ساكنه هنا
مليكه: اه
جاسر: اصل كنت بزور بيت واحد صاحبي
مليكه بشك: واحد صاحبك طيب
جاسر: تيجي معايا انا كده كده رايح الجامعه
مليكه: لا شكرا يا دكتور انا لسه هروح لهمسه
جاسر: تعالي وعدي عليها
مليكه: مش هنتقل علي حضرتك؟!
جاسر: لا ابدا
وركبت مليكه وطول الطريق في صمت لغايه لما جاسر قاطع الصمت ده
جاسر: وانتي بقي حابه الجامعه والقسم الي انتي فيه
مليكه: اه جدااا
جاسر: انتي عندك اخوات؟!
مليكه: اه عندي اخ اسمه يوسف
جاسر: ربنا يخليكوا لبعض وانتي......
مليكه بمقاطعة: البيت هنا
جاسر: حاضر
نزلت مليكه وخبطت عليها
همسه: بت ايه الي عملتيه ده انا فرحانه من الصبح اخيرا قالها
مليكه: اي خدمات ويلي عشان الدكتور جاسر مستنينا
همسه: دكتور جاسر وليه هيوصلنا
مليكه :هبقي احكيلك
ومشيوا وهمسه سلمت علي جاسر وراحوا الجامعه وكان جاسر نفسه يطول شويه مع مليكه
ياتري جاسر كان عايز مليكه في ايه؟!
دمتم بخير 🌚!
