ضحية- جنون-أبي(منقذي)

بارت (17)

#ضحيه جنون ابي

البارت 17

طيف.كعدت لكيت روحي نايمه ع المخاد ومخاد مالته بصفي معقوله خلص الليل نايم قريب عليه  
كمت دورت عليه ماكو  رحت ع الباب مقفول
دورت تلفوني ماكو

خرب انه صدك جذب ساعه  راح صير
ب 8 وين راح هسه امي تحس عليه

اريد اضيع وكت  عزلت شويه
وسمعت الباب انفتح

تخوصرت وكفت
بالله هاي عمله تسويها وياي ها
حابسني هنا

الفهد.صباح العسل
طيف.يا برودك من الصبح احر ماعندي ابرد ماعندك ياأخي أعتقني اريد اروح والتوبه ماطلع من البيت بعد

الفهد.اي اطلعج بس خلي نتريك سوه جبت ريوك حرام عليج

طيف. عود صدك انت تحجي لو تشاقه طالعه وياك سفره اني ونتريك سوه

الفهد.يله جاي حار تعالي ماكله باجه من الصبح  بس تحجين
لوك لوك لوك لوك  ما تعبتي نمتي تحجين وكعدتي ع نفس الاسطوانه

طيف.يحجي ويحضر بريوك
كاهي وكيمر وخبز ريحتها تفك الخشم وجاي
طيف.اريد اروح هسه امي يضل بالها مفروض من 6اني يمها

الفهد.لا تخافين رتبت الوضع وي زنوبه

طيف.هو مامطيح حضي غير زنوبه بدكاتهه الناقصه مثلها

الفهد.خصم الحجي تردين تطلعين تجين تاكلين هذا الاكل وياي  وها بشرط هيج أبتسامه حلوه مثلج
طيف.اني جوعانه وريد اخلص منك اتريك والله كريم

الفهد.شيصير لو هيج كل يوم  نكعد ونتريك سوا

طيف. لا تروح زايد بأحلامك  وفدوه خليني اكل علمود انكشر

الفهد. من تحجي تحصرني الضحكه عليها ماعدها شي اسمه مجامله طكها وجه لوجه وهاي من الاشياء الاعشقها بيها لان مو صاحبه وجهين
طيف.ليش صافن صبلي جاي
جايب هذا شكك حلكي
الفهد.شو اشوف

طيف.ششوف يحضي  خليني ساكته لا  ابلش وشيسكتني بعد

الفهد.ههههههههههه هذا كله وساكته
طيف. اليوم مادري شبي الرجال 

كملت وشلت الصينيه عزلتها
كوم خذني للمستشفى ابدل ملابسي
الفهد.انسي روحه للمستشفى بعد
طيف.والملابس

خابرت  زنوبه تجيبهن وياها
طيف.لعد كوم وديني امي لوحدها

هاج جهازج
سويتلج بي برامج اتصال  وخليتلج نت
علمود تخابريني صوره وصوت

طيف.دقيقه هاي البلبدايه كلشي مافتهمت منها
بس ليش صوره وصوت يعني انت واثق من نفسك  اخابرك بعد  وثانيا منو كالك تلعب بجهازي

طيف.احجي وهو كام من مكانه عدل ملابسه  وراد يطلع واني صحت

ترا ماخابرك وامسح رقمي واني وياك بعد مو اصدقاء
الفهد.رجعتلها   شنو عيدي ماسمعت