الكتابه باللغه العربيه بتحتاج تفكير و مجهود و النهارده انا مش قادره افكر و ده ال مؤخراََ خلاني مختفيه و مبكتبش تحت مسمي الكسل
بس لسه شايفه موقف حاصل معايا امبارح مع شخص قريب ليا جداََ كان هو الطرف الشرير في الحكايه و استقوي علي حد تاني لمجرد انه محترم و مش بيرد علي الإساءة
جماعه الموضوع مقزز و مقرف جداََ انك تشوف شخص بيتأسف قدامك علي حاجه متستحقش و انه نزل من نفسه لشخص ميستهلش
ف اول حاجه كلمه اسف دي مش سهله عشان تطلع من بوقك طالما انتَ مش غلطان.. لقيت ال قدامك بجح بجح معاه هتلاقيه مشي و سابك
انك متعصب ده مش مبرر عشان تهين ال قدامك و تعلي صوتك عليه دي قله ادب و عدم تربيه طالما انتَ شاطر و حلو كده و بتعرف تزعق و تهين ال قدامك روح هين ال معصب سيادتك مش تيجي علي حد ضعيف و تستغل انه مش هيعرف يرد
اياََ كان عصبيتك دي تخصك و نرفزتك دي متطلعهاش على الناس عشان محدش ناقص قرف في حياته
و ارجوكوا يا جماعه فكروا قبل ما تتكلموا حطوا نفسكوا مكان الشخص خلي عندكوا رحمه و فكروا في حد غير نفسكوا قبل ما تتكلموا فكره انك تبقي صعبانه عليك نفسك دي اوحش حاجه في الدنيا
انا للحظه حطيت نفسي مكان الطرف الثاني و حقيقي حسيت بخنقه و قرف من مجرد تخيل بس
