في بيت قوم فطوم .......
تنزل فطوم والريم الصالة .. وتسلم على خالها وحرمة خالها ... الريم .. تقرص فطوم .. فطوم يلا نطلع
فطوم : فضحتينا ..
الريم : يلا
فطوم : اوكيه
اقول امايه نحن بنطلع شوي برع في الحديقة
ام سيف : برايكن سيرن
يسيرن فطوم والريم الحديقة ويلسن على الكراسي .. ويشوفن سيارة دخلت البيت .. فطوم : خيبه حد ياااااي خلينا ندخل الخيمة بسرعة
الريم : يلا بسرعة
وهن سايرات صوب الخيمة شافن منصور طالع من الخيمة ويسلم على فطوم ..
منصور : هلااااا والله بنت العمه
فطوم : اهلين منصور
منصور : اشحالج
فطوم : بخيييييييير وسهاله اشحالك انت
منصور : والله يسرج الحال
برايج بترخص بسير سعيد وصل .. ويسير منصور صوب سيارة سعيد .. وتنزل وديمة من السيارة وتسير صوب فطوم والريم ... فطوم : هلااااا والله بودوم
وديمه : اهلين وتسلم عليهن
فطوم : اقووووول من هااااا اللي موصلنج
وديمة : سعيد
فطوم : خسااااااره كنت اريد اشوفه بس السيارة كانت مخفي ماشفت شكله
وديمة : بتشوفينه ولا يهمج
الريم : يلا بسرعه اريد اشوف بيت الحمام
فطوم : باسم الله يلا انسير
وسارن يشوفن الحمام .. ولقن سلامه وهند و شمة ومنصور الصغيروني ... عند الحمام ...
فطوم : شموه شو اسوين
شمة : ماشي بس منصور كان يصيح يريد يشوف الحمام ويبناه يطالع
فطوم : سيري وديه داخل .. بخيس ملابسه
شلت شمه منصور وسارت هيه وسلامه وهند البيت ...
ويلسن الريم وفطوم وودوم ... يسولفن عن المدرسة وعن أغرض العيد .. وشو بيشترن حق العيد ...الخ ،،،،، ويأذن المغرب ويسيرن البيت عشان يصلن .. ويصلن وينزلن على اساس بسيرون العزبة عشان العزيمة ...
ام سيف ... فطوووووووم
فطوم : هاااااا امايه شووووو تبين
ام سيف : وين سيف اخوج
فطوم : في الخيمة ويا حمدان وراشد وعبدالله ( راشد وعبدالله أخوان وديمة ،، راشد 2 إعدادي ، وعبدالله 1 ث )
ام سيف : قولي لهم يسبقونا العزبه ويا الدريول
فطوم : اوكيه نحن بنروح وياهم
ام سيف : كيفكن سيري بس ودي وياج البنات الصغار ومنصور اخوج بس لاتخلين منصور يروح بعيد عنج
فطوم : اوكيه
تسير فطوم عند ودوم والريم يلا بنسير العزبة ..الريم : يلا .. فطوم انسير انطالع البنات الصغار اول وينهن .. وسارن وزقرن البنات وساروا الخيمة .. فطوم : السلام عليكم
الشباب في الخيمة : وعليكم السلام ....
فطوم : يلا بنسير العزبة ويا الدريول
سيف : منو قال
فطوم : أمايا
سيف : يلا اوكيه ..
وتنزل فطوم وتسير الحديقة وتشوف منصور يالس وتتتقرب السلام عليكم
منصور : هلا والله
فطوم : نعم بسرعه شوو تريد عندك خمس دقايق
منصور : باسم الله لا اذلينا عاد
فطوم : ......
منصور : سمعي ........
أناااااا أسف والله ما كان قصدي بس يوم شفتج وافقه ويا الريال عصبت وماقدرت أمسك عمري .. وأدري يوم مطيتج من ايدج عورتج بس شووووو اسوي من الحره اللي فيني .. بس انت تدرين بغلاتج عندي واللي يجرحج جنه جرحني بس الصراااااحه مايهون عليه اشوفج زعلانه وحاطه في خاطرج مني
فطوم : ...........
منصور : شوووووو زعلانه مني ولا
فطوم تلف ويها ... لاااااا
منصور يسير ويوقف جدامها ...
منصور : اوكيه خلي عينج بعيني وقولي لا
فطوم : مب زعلانه خلاااااص طاح الحطب
منصور : ولا حاطه في خاطرج عليه
فطوم : ولا حاطه في خاطريه
منصور : ريحتيني كنت مستهم
فطوم ويها استوى احمر .. ماتعرف شو ترد ولا شو تقول
اتي الريم : هاااااااي
منصور ويقول في خاطره هذي شو اللي يابها
فطوم : اهلين هااااا دقيتي ولا
الريم : هيه الحين بنسير
فطوم : لييييييش
الريم : عشان نخلص وقت
فطوم : اهااااا
منصور : ويييييييييين تبن
الريم : احم احم بوظبي
منصور : لييييييش شو تسون
الريم : نتحنا
منصور : لا والله ماشي صوالين في العين خلصن
الريم : والله هذي خطة فطوم انا مايخصني
فطوم : لييييش والله شوووو فيها
منصور : ماشي سيره
الريم + فطوم : لييييييييييييييييييييييش
منصور : بس جيه
فطوم : والله انا قلت حق أمايه راضيه بسير يعني بسير
الريم : والله حتى انا أمايه راضية
منصور : لا والله انا اخوج والكبير وعليه كلمه عليج
فطوم : لا شوووو هالنحاسنه
منصور : بفكر في الموضوع يمكن اوافق
الريم : لا حراااااااام عليك .. وتيلس اتصيييييييييييح بصوت عالي
منصور : خيييييبه محد يروم يمزح
الريم : وياااا ويهك
فطوم : ككككككككككككككككككك والله شكلج يضحك وانت اتصيحين يقول وحدة ياهل
منصور : كككككككككك مرة بسرعه تصدق
الريم : والله انك سبال انت وياها .. وتسير عنهم
منصور : صدق خبله
فطوم : .......
منصور : بلاج ساكتة
فطوم : لا ماشي بس برايك اترخص منك بسير اتلبس عشان الحين بيون قوم ودوم
منصور : خلاص برايج
فطوم وتسير عنه ...
