منصور : بقول بس بلييييييز يتم سر بيني وبينج
فطوم : وعد
منصور: آآآآآآآآآآآآخ يا فطوم لو تدرين شو استوى فيني ..........؟؟؟؟!!!!!
فطوم : ............
منصور : شووو اقول لج يا فطوم من شفتها وقلبي تولع فيها وكل ماأشوفها قلبي يدق بسرعة أحس براحه وياها .. ماأدري شووو اقول لساني يعجز يوصفلج كم حبيتها وكم عزيتها والله اني عزيتها من كل قلبي
فطوم خلاص اختسف ويها شوي وبتصيح في خاطرها تقول لااا دخيلك يا منصور لا ..
منصور : فطوم
فطوم : .....................
منصور : فطوووووووووووم
فطوم : هاا شوووو
منصور : وين سرحتي يالس ارمسج
فطوم : لا وياك
منصور : انزين شووو الحل؟؟؟؟
فطوم : بشووو ؟؟؟؟!!!!!!
منصور : لا صدق انت ماكنت وياي
فطوم : لا والله وياك هيه عرفت عشان حبيبتك
منصور ويقلدها : هيه عرفت عشان حبيبتك
فطوم : كككككككككككككككك
منصور يالله احر ماعندي ابرد ماعندها هالبنت ماتحس يا ويل حاااالي انا شوووو اسويبها اذبحها ..
فطوم : منصور وينك وين سرت
منصور : وياج
فطوم : وياي ولا عند بعض الناس
منصور وهو معصب منها : لا وياج
فطوم : اكيييييييد
منصور : انا قلت بتحلين لي المشكله مابتلسين تتطنزين
فطوم : افااااا والله مب قصدي .. المهم شووو هيه تعرف انك تحبها ؟؟؟؟
منصور : ماادري
فطوم : انزين شووو تحسبها يوم ترمسك يعني تميل لك ترتاح لك
منصور : في بعض الاوقات احس انها تحبني وفي بعض الاوقات احسن انها لاااا
فطوم : انزين رمسها وشوووف رايها
منصور : لااا مستحيل يكفيني اللي فيني مااقدر ارمسها اكثر عن جيه اكيييييد هيه ماتحبني وتعتبرني اخوها الكبير
فطوم : لا تفهمها غلط حليلها يمكن البنت تستحي
منصور خلاص وصل حده : لا والله تفهم بس يمكن تستهبل شوي
فطوم : انشاء الله تحس فيك وتحبك كثر ماتحبها والله يوفجك في حياتك
منصور : انشالله يا رب الله يسمع منج
فطوم : خلاص برايك بسير اصلي الصبح ماصليت
منصور : خلاص باي
وتسكر فطوم من منصور وتنسدح على الشبريه ويلست اتصيييييييح ..ليييييييييييييييييييييييييييش ؟؟ لييييييييييييش يامنصور ليش تعذبني وياك حرررررررررام ماكنت اتوقع انك تحب وحده من وراي .. لا مستحيل مااصدق اللين مااشوف بعيوني .. الحمد لله اني ماقلت له اني احبه فقته صدق مايستاهل اني اصيح عليه وتمش دموعها وسارت تتغسل وتصلي ..
الساعة 7.30
اتي الريم كااااشخه اخر شي .. وتدخل حجرة فطوم .. صباح الخير
فطوم : يا ويلي يا ويلي من قدنا ؟؟ ما يخصني ما اباااا اطلعين احلى عني في العيد
الريم : ويا ويهج وتسير تبوسها عيدج امبارك يا احلى واغلى قمر في العالم
فطوم ويها احمر ؟؟؟ فديتج انا كم الريم عدنا
الريم : وحدة ماشي غيرها
فطوم : ندري عشان جيه غلاتهم محد يسواها
الريم : ايه لاترفعين خشمي تراني بتخكك بعدين وما بتوصلوني
فطوم : لا لا دخييييييلج محد خلاص بمدحج
الريم : يلا خلينا نطلع
فطوم :" لحظه ماخلصت مكياجي
الريم : والله حلوه بسج
فطوم : احم احم ادري
الريم : يلا فكينا الحين بيون العرب
فطوم : كلتيني ون منت بخلي لمعه شوي عشان اطلع كشخه
الريم : اووووف فكينا
فطوم : لييييش محتشره ترييني
الريم : برايج شكلج انت مابتخلصين اليوم بنزل يوم بتخلصين نزلي وراي اترياج تحت اوكيه
فطوم واطالع عمرها في المنظره : اوكيه عنوني
وتطلع الريم .. في نفس الوقت يصيح تلفون فطوم وتشله فطوم
فطوم : الوووووو
اسوم : هلا ملايين بذمتيه ولا يسدن
فطوم : هلا والله براعيه الصوت
اسوم : بسرعه قبل لحد يسبقني امباااارك انعيدج
فطوم : ينعاد علينا وعليج يا ربي .. كككككككككك
اسوم : ليييييش اضحكين
فطوم : انت ثالث وحدة تبارك لي بالعيد
اسوم : لا مايخصني انا كل سنه اكون أول وحدة لااا مستحيل منو سبقني .. وتخبرها كل السالفة .............
فطوم : امممممممم
اسوم : منوووو ؟؟؟
فطوم : منصور والريم
اسوم : منو منصور ؟؟؟
فطوم : دخيييييلج سكتي شوووو اقولج
اسوم : شووو السالفة
فطوم : منصور يطلع اخوه الريم بنت خالي اوكيه منصور يدرس برع في فرنسا المهم والله اني حبيته من اول ماشفته
اسوم : لاااااا مستحيل
فطوم : شووو اقولج معذبني وياه والمصيبه الكبيرة انه اليوم الصبح الساعه 5.30 دقلي تلفون ورمسته
اسوم : لا مستحيل من ورانا يا السباله المهم شووو قالج
فطوم : قال وبكل برود انه يحب وحدة
اسوم : شووووووو
فطوم : اييييييييه والله انه قال انه يحب وحدة ويريد حل فقته مب راقد عشانه يالس يفكر فيها مالت عليه
اسوم : لا يكون قلتي له انج تحبينه
فطوم : لا خبله انا اقوله
اسوم : هيه اتحسبت عشان صدق يلعب بج
فطوم : ادري والله انهم الشباب مب هينين
اسوم : الله يعينج غناتي المهم اعلميني بكل جديد يحصل معك
فطوم : ولا يهمج من عيوني
اسوم : انسي سالفته ولبسيه صدق مايستحي يطالع غيرج
فطوم : كييييفه هو حر في حياته مابجبره يحبني
اسوم : اوكيه برايج فمان الله وردي السلام على الريم
فطوم : يوصل الله وياج
