قصة : { #مقلب_حب } 🤪💛
الحلقة الأولى { ١ } 🏋🏻♀
*( شهر 7 )*
( ف بيت بسيط ، جوة اوضة ، قاعدة ست كبيرة ع السرير )
الام : انتي ي بنتي تعبتيني ، اصحي بقا
ياسمين بنعاس : حاضر اهو قايمة
*( ملحوظة .. ياسمين بنت جميلة ، بشرتها بيضة ، شعرها اسود طويل ، عيونها عسلي ، جسمها مليان معدي ال ١٠٠ كيلو ، مرحة جداً ومش فارق معاها جسمها ، عندها ٢٠ سنة ، ف تانية كلية اداب ، بباها متوفي من اربع سنين وهو سبب تخنها سببلها حالة نفسية ، عندها ٣ اخوات ولاد )*
الام بعصبية : بقالك سنة بتقولي هقوم ، مهو من كتر الاكل هتفضلي ف السرير لما تفطسي 🤷🏻♀️
ياسمين وهي بتقعد : خلاص ي ست الكل قمت اهو ، متلمييش الجيران علينا بقا !
الام : يلا طيب
ياسمين : بقولك لو سمحتي ي ست الكل
الام : نعم ي همي التقيل !
ياسمين : حضري نص فرخة الواحد عايز يفطر 🍗
الام : الصبر من عندك يارب هتفطر فراخ !
ياسمين : يلا ي حجة انجزي وحيات الفيل الي عندك
الام وهي بتقوم : يارب عملت ايه ف دنيتي عشان اتبلي بيها !
ياسمين : فعلتي الرزيلة وخلفتيني 🤭
الام : الله يرحمه ابوكي خلص منك ، عقبالي
ياسمين : بعد الشر عليك ي قمر
( ف مكان تاني ، شاب ف تراك نادي حاطط الهيد فون ف ودنه وبيجري ، يجري شاب من بعيد وراه )
محمد بنهجان : ادهم ، انت ي بني قطعت نفسي اصبر 🥵
ادهم وهو بيبصله : ايه ي معلم ؟
*( ملحوظة .. ادهم شاب وسيم ، بشرته بيضة ، شعره اسود ، عيونه عسلي ، رفيع وجسمه رياضي ، عنده ٢١ سنة ، ف تانية كلية لكن ساقط سنة اولى ، ادهم وحيد امه وابوه واهله اغنية )*
محمد : هنتأخر ع الكلية ي بني !
ادهم وهو بيجري : فاضلي لفة بس 🏃🏻♂️
محمد : لفة ايه انا نفسي اتقطع من لفة ، وانت هنا بتجري من ستة الصبح !!
ادهم وهو بيشد محمد : تعالى بس متبقاش مكسح كدة !
( يخليه يجري معاه )
محمد بتعب : ي عم مش قادر حرام عليك !
ادهم : خلي في هدف قدامك وانت هتطير دلوقتي 🏃🏻♂️
محمد : هدف ايه بس !
ادهم : ركز قدامك وانت تعرف
( يبص محمد قدامه يلاقي في شله بنات بتجري )
محمد بفهم : قولتلي بقااااا 😍
ادهم : من ستة الصبح وراهم
محمد : يخربيتك ، وهتستفاد ايه ؟!
ادهم وهو بيغمز ل محمد : هتعرف 😉
( يجري ادهم قدام البنات وبعدها يجري بضهره باصصلهم ، يضحكلهم وهما يضحكوله ، يقف مرة واحدة يخبطه فيه )
البنات ب احراج : معلش اسفين 😅
ادهم : ولا يهمك 🙂
( يقف ادهم ويتكلم معاهم ويهزر هو ومحمد ، ف بيت ياسمين )
الام : انتي لسة منزلتيش !
ياسمين : لا انا تحت من زمان يلا سلام
الام : رايحة فين ي همي التقيل ؟
ياسمين : رايحة النادي
الام : والكلية يختي ؟
ياسمين : معندييش محاضرات بقا 🙄
الام بغيظ : امشى بره ي فاشلة !
ياسمين وهي بتجري : م انا قولت إني تحت 🏃🏻♀️
( تنزل ياسمين تاخد تاكسي ، ف الطريق ، تمسك فونها )
ياسمين : ايه ي دودو
دنيا : ايه ي ياسو فينك ؟
ياسمين : رايحة ع النادي
دنيا : طب فل نتقابل هناك
ياسمين : اعدي عليكي ؟
دنيا : لا انا قربت اوصل اصلاً ف الطريق
ياسمين : ماشي سلام
دنيا : سلام
( ف النادي ، ادهم ومحمد ف اوضة اللبس )
محمد : هات المفاتيح هستناك ف العربية ، وانجز عشان متأخرين !
ادهم وهو بيحدفله المفاتيح : دقتين واحصلك 🔑
محمد وهو بياخدهم : اشطاا 👋
( يطلع محمد يقعد ف العربية ويفتح السقف ويشغل اغاني ويستنى ، يدخل ادهم ياخد دش وبعدين يلبس وبعدين يسرح شعره وبعدين يلبس الكوتشي بتاعه وبعدين يحط برفانه وبعدين يقعد يتكلم ف الفون شوية واخيراً يطلع ل محمد )
محمد : هو دة الي دقتين ، م كنت طلبتلك غدا جوة بالمرة !
( ينط ادهم ف العربية )
ادهم : طير ي معلم 😎
( توصل ياسمين النادي ، تمسك الفون تتصل ب دنيا )
ياسمين : الو ، فينك ي نيلة ؟
دنيا : جاية عليكي اهو
ياسمين : انجزي طيب انا وصلت
دنيا : حاضر والله
ياسمين : سلام
( تقفل ياسمين وتقف مستنية دنيا ، تشوف ادهم ومحمد طالعين بالعربية ، تفضل بصالهم )
دنيا : بت ، انتي ي بت ي بكبوظة !
ياسمين : اييييه الله يخربيتك !
دنيا : بقالي ساعة واقفة قدامك !
ياسمين وهي باصة ناحية ادهم ب اعجاب : لا حلو 😍
دنيا ب استغراب : هو ايه ؟!
ياسمين ب انتباه : ولا حاجة ، يلا ندخل
دنيا : يلا
( يعدي الوقت ، يوصل ادهم ومحمد الكلية ويقفه مع شلتهم من شباب وبنات كالعادة )
ادهم : صباحم فل
توبا : ادهم عوزاك
