قصة : { #مقلب_حب } 🤪💛
الحلقة السابعة { ٧ } 🧘🏻♀️
ادهم بتوتر : لا مش صدفة !
( تلاحظ ياسمين توتره )
ياسمين بصوت واطي ل ادهم : فيك حاجة ؟!
ادهم : لا مافيش
توبا ل ادهم : اومال ؟
ياسمين : عادي ي توبا ، كان عايز يقابلني وقال ل محمد وروحت قابلته
ادهم : اة بالظبط
محمد : اة ايوة حصل
توبا : قولتيييلي ، طب ي جماعة اللعبة التانية هي صندوق جواه ورق ، وكل كابلز يختاره ورقة جواها حاجة ينفذوها
الكل : تمام
توبا : هنبدأ ب ادهم وياسمين 🙂
( تديهم الصندوق يختاره منه ورقة ، يفتح ادهم الورقة ، يتضايق ويبص ل توبا ، تبتسمله )
ياسمين وهي بتبصله : فيها ايه ؟
( تاخدها منه تقراها )
المكتوب : شيل حبيبتك
( تتحرج ياسمين وعيونها تدمع ، تكرمش الورقة وتحدفها ف وش توبا وتقوم تمشي )
ادهم وهو بيقوم : ياسمين استني !!
( متردش )
ادهم ل توبا : انتي قليلة الزوق !
توبا بتريقة : م تشيلها ، دي حتة ريشة 😏
( يبصلها بغيظ ويروح ورا ياسمين ، ياسمين واقفة ع البحر وعمالة تعيط )
ادهم : ياسمين ، بتعيطي ليه بس ؟!
ياسمين بعياط : عشان انا عبئ عليك !
ادهم : عبئ ايه بس الكلام الجامد دة !
ياسمين : دى الحقيقة ي ادهم 💔
ادهم : لا طبعاً دى مش حقيقة ، انتي عارفة إن توبا قصدها تضايقنا بس
ياسمين : لا دة حظي الفقر ، مش ذنبها إننا نختار الورقة دي !
ادهم : طب تراهني إن كل الورق كدة ؟
ياسمين : ليه هتستفاد ايه ، وكمان هي خلاص عارفة إننا سوا وإن انت بالنسبالها زميلها وبس !
ادهم : طب اتفرجي 💁🏻♂️
( تبص ياسمين عليهم تلاقي واحد شايل واحدة )
ادهم : عشان تعرفي إنوهي قاصدة تضايقك ، ف متضايقيش من تصرفاتها ، ماشي ؟
ياسمين : حاضر ، انا جعانة ههههههه 😂
ادهم : وربنا بحبك ♥️
( عند توبا )
عبد الرحمن : هههههه ادهم هيشلك قريب !
توبا : بكرة نشوف ، المهم الي يضحك ف الأخر !
محمد : م خلاص قلبت معاه بجد وراحت عليكي ي توتي 😏
توبا : اهدوا بس ، دة انا توبا مش اي واحدة 🙂
محمد : ماشي ي جامدة ، انا مروح ، سلام
( عند ادهم )
ياسمين : تعالى نروح نسلم ونمشي
ادعم : متأكدة ؟
ياسمين : ايوة متقلقش
ادهم : اوك !
( يقربه عليهم )
ياسمين : ابقي نوعي ي اسمك ايه مش كلنا نفس الحاجة ، تحبه تيجوا تاكله معانا ، ولا بلاش ، انتم اكيد كدة شبعتم ، سلام 😌
( ادهم واقف بيضحك ع منظر توبا الي هينفجر م الغيظ )
ادهم : سلام 🤭
( يمشي ادهم وياسمين )
ياسمين : هناكل ايه بقا ؟
ادهم : ايه رأيك بمناسبة جو البحر دة نضربلنا اكلة سمك ؟
ياسمين : اشطاااا 😃
( تمشي ياسمين مع ادهم يروحوا مطعم ، فون ياسمين يرن ، تمسكه )
ياسمين : الو
يحيي : انتي فين ؟
ياسمين : مع صحابي ف مطعم ، في حاجة ولا ايه ؟!
يحيي : تيجي ع البيت حالاً
ياسمين بقلق : طب في ايه طيب ؟!
( يبصلها ادهم بقلق )
يحيي : في كارثة ، امك جيبالي عروسة وجايين هي وامها دلوقتي يزورونا بحجة إن امك تعبانة !
ياسمين : هههههه مبروك 😄
يحيي : مبروك ايه انا ناقص ي ياسمين ، تعالي كلمي امك بدل م اتخانقلي معاها !
ياسمين : لا انا جاية اهو ، سلام
( تقفل ياسمين )
ادهم بقلق : في ايه ؟!
ياسمين : ماما جايية ل يحيى عروسة وهو مش حابب دلوقتي ، لازم اروح معلش ، هو ملناش نصيب ناكل مع بعض كل مرة يحصل حاجة !
ادهم : ولا يهمك هنعوضها إن شاء الله ، يلا اوصلك
ياسمين : لا حرام اقعد كل انت
ادهم : لا هوصلك طبعاً الأكل مش هيطير ، يلا
( يعدي الوقت ، توصل ياسمين البيت )
ياسمين : فين ماما ي يحيى قبل م ييجوا الناس
يحيي : ف المطبخ
ياسمين : اوك
( يرن جرس الباب )
ياسمين : احييه الجرس بيرن !
يحيي : شفتي بقااا 🙆🏻♂️
ياسمين : طب خش انت وسيبها عليا
يحيي : ماشي
( تروح ياسمين تفتح الباب )
ياسمين : اتفضلوا
الام : اهلاً اهلاً ، اتفضلي ي ام داليا 😃
( تدخل واحدة ست وبنت )
ام داليا : تسلمي ي ام يحيي
الام : دي بنتي ياسمين
ام داليا : اهلاً ي حبيبتي
ياسمين : اهلاً ي طنط 😊
الام : اتفضلوا اقعده
( يقعده )
ام داليا : اومال فين يحيي اقوله حمدلله ع السلامة
الام : اة اة ، اندهي اخوكي
ياسمين : مين !
الام : يحيي ي بت
ياسمين وهي بتقوم : اة حاضر ، هشوفه
الام : منورة ي داليا 😊
داليا : ميرسي ي طنط
( تدخل ياسمين ل يحيي )
يحيي : مشيوا ؟
ياسمين : لا لسة ، البت جامدة جدي 😃
يحيي : لا والله !
ياسمين : شكلها محترمة وعسلية وهادية زيك
يحيي بعدم اقتناع : انتي لحقتي تعرفي كل دة امتي ، انتي بتشتغليني زي امك ي ياسمين !!
ياسمين : لا باينة والله ، وكمان مش هتخسر حاجة شوفها ، وامها طالبة تشوفك عشان تسلم عليك
يحيي بتردد : م تقوليلهم نايم وريحيني 😕
ياسمين : فكر طب
يحيي : ماشي
ياسمين : فكرت ؟
يحيي : مش هخلص شكلي ، اطلعي وهحصلك !
ياسمين : انت غاوي تطلع بس بتدلع ، ورايا وجيب الشربات ووشك ف الأرض
يحيي : وحيات امك !
ياسمين : هههههه والبس حاجة طويلة
يحيي : امشي ابت اطلعي برة !
( تطلع ياسمين )
ياسمين : نورتينا ي طنط انتي ودودو 😊
داليا : تسلمي 😅
ياسمين : يحيى جاي حالاً
( يقرب يحيي )
يحيي : سلامو عليكو
الكل : وعليكم السلام
ام داليا : حمدالله ع السلامة ي بني
يحيي : الله يسلمك ي طنط
( يقعد يحيي محروج )
ياسمين : وانتي بتدرسى ي داليا ؟
( يبص يحيى ل داليا )
داليا : لا خلصت كانت اخر سنة ليا الي فاتت
ياسمين : اة ، صحيح افتكرت ، حضرتك ي طنط بتدي حقن صح ؟
ام داليا : اة ي حبيبتي
ياسمين : طب معلش هنتعبك معانا ميعاد حقنة ماما ، ممكن تديهالها جوة ؟
ام داليا : اة طبعاً من عنيا
الام ف سرها : ملقتيش إلا حقن الله يحرقك ، اتفضلي ي ام داليا اتفضلي 😅
( يقومه ويسيبه يحيي وداليا )
يحيي : منورانا 😊
داليا : ميرسي ، دة نورك
يحيى : اخبارك ايه ؟
داليا : تمام ، وانت ؟
يحيى : الحمدلله ، انتي كنتي بتدرسي ايه ؟
داليا : فنون جميلة ، رسم بقا وكدة
يحيى : باين عليكي
داليا ب استغراب : ازاي ؟!
يحيي : شكلك بسيطة ورقيقة 🙂
داليا بكسوف : ميرسي دة من زوقك 😊
يحيى : العفو
داليا : شكلك بتسافر كتير
يحيى : اة شغلي كله برة ، عمرك سافرتي قبل كدة ؟
