قصة : { #مقلب_حب } 🤪💛
الحلقة الخامسة { ٥ } 🤸🏻♀️
محمد : اشطا هقولك
( يخلصه جري ويوصله الكلية ، يقفه مع صحابهم ، تشوفه توبا تمشي ، يروح وراها )
توبا : مش بكلمك ماشي 🙄
ادهم وهو بيمسك ايدها يوقفها : متقدريش ع فكرة 👋
توبا : تحرجنى انا عشان الدولفين دي !
ادهم : نهدى بقا كدة ، اولاً انا محرجتكيش انتي الي زودتيها ، ولو مكنتش اتكلمت كانوا هيهزقوكي ، ف تيجي مني انا احسن !
توبا بغرور : انت عارف إن محدش يقدر يهزقني !
ادهم : طب وع ايه تهزقيهم ويهزقوكي ، اصلاً الموضوع مش مستاهل ، ومتزعليش ي ستي حقك عليا
توبا ب ابتسامة : مقدرش ازعل منك انت قلبي 😊
ادهم : انا عارف حبيبتي عاقلة وبتسمع الكلام
توبا : قول هبلة عشان بتحبك
ادهم : انتي هبلة ، دة انتي تاكلي عشرة !
توبا : اناااا 🥺
ادهم : انتي !
( صحاب ادهم واقفين )
عبد الرحمن : وهو ملهي كدة روح شوفها فين
محمد : ماشي
( يدور محمد ع ياسمين ، يشوفها واقفة مع صحابها ، يقرب عليها )
محمد بتوتر : احم ، ياسمين 😐
( تبصله )
ياسمين : ايوة ؟
محمد : انتي ياسمين صح ؟
ياسمين : ايوة نعم ؟!
محمد : كنت عاوزك ف موضوع كدة لوحدك ، لو ينفع
ياسمين ب استغراب : اة اوك ، ثواني ي بنات !
( تروح ياسمين مع محمد يقفه ع جنب )
محمد : انا محمد صاحب ادهم
ياسمين : اة !
محمد : ادهم كلمني عنك امبارح كتير اوي ، وبصراحة هو معجب بيكي جداً وقالي إني اكلمك واقولك
ياسمين بخضة : معجب بيا ، بس احنا ملحقناش نعرف بعض يعني عشان يعجب بيا !
محمد ب ارتباك : ااااا مهوو الحاجات دي ملهاش دعوة بالوقت انتي عارفة بقا 😅
ياسمين بقلق : انا مش مصدقة بصراحة !
محمد : يعني تحبي اندهوا هو يقولك بنفسه ، هو بس مش عاوز يحرجك 🤷🏻♂️
ياسمين بخضة : لا لأ خلاص !
محمد : طيب بصي ي ستي ، هو كان عاوز يقابلك برة انهاردة ف مكان عام وكدة ، ايه رأيك ؟
ياسمين بقلق : اة ، طيب هشوف !
محمد : لا بالله عليكي دة مأمني إني اخليكي توافقي ف متكسفنيش !
ياسمين : طيب فين ؟
محمد : ف مطعم ******* الساعة تمانية بالليل
ياسمين : طيب اوك
محمد : تمام هبلغه
ياسمين : ماشي
( يمشي محمد وترجع ياسمين لصحابها )
ياسمين : انا همشي بقا
دنيا : رايحة فين ؟!
ياسمين : عارفة أدهم ؟
دنيا : اة ماله ؟
( تحكي ياسمين الي قاله محمد ل دنيا )
دنيا ب استغراب : بص خلي بالك انتوا ملحقتوش !!
ياسمين : ي بنتي الحاجات دي من غير وقت !
دنيا : برضو متقعييش كدة !
ياسمين : طب هروح بقا عشان الحق أحضر نفسي
دنيا : الساعة لسة تلاتة !!
ياسمين : يادوب الحق ، يلا سلام
دنيا بقلق : طيب سلام !
( تمشي ياسمين ، يوصل يوسف ويمان البيت )
الام : حمدلله ع السلامة ي عيوني
( يجري يوسف ع امه يحضنها )
الام ل يمان : مالك انت التاني ؟!
يمان بضيق : والنبي احجة سبيني ف حالي انا مش طايق نفسي !
( يدخل يامان اوضته ، تدخل امه وراه )
الام : ايه الي خلاك تتخانق مع اختك ؟
يمان : من قلة ادبها
الام : عملتلك ايه ؟
يمان : اروح المستشفى الاقيها قاعدة مع شاب
الام بخضة : شاب ، شاب ايه !
يمان : واحد بتقول زميلها ف الكلية
الام : وقعت قلبي ، طب وفيها ايه طلاما زميلها ، تلاقيه عرف إن اخوها تعبان وراح يعمل واجب 🤷
يمان : لا معنديش انا الكلام دة !
الام : والنبي انتوا هتجيبه اجلي قريب اولعوا !
( بعد شوية ، توصل ياسمين البيت وتدخل تاخد دش وتظبط نفسها ، يروح ادهم برضو نفس الوضع ، الأتنين بيستعده للمقابلة ، تدق الساعة سبعة ونص ، ينزله م البيت ، توصل ياسمين الأول وتدخل المطعم وتقعد مستنية ، يدخل ادهم المطعم يشوفها ، يقرب عليها فاكرها صدفة )
ادهم : نانوستي ازيك ؟
ياسمين بكسوف : الحمدلله ، انت عامل ايه 😊
ادهم : انا تمام الحمدلله
( يرن فون ادهم ، يمسكه )
ادهم : دقيقة 🤳🏻
ياسمين : براحتك !
( يروح ادهم ع جنب )
ادهم : ايه ي حمزة ؟
حمزة : وصلت المطعم ؟
ادهم : اة لسة واصل ، وانت ايش عرفك إني ف مطعم ، هو حمو قالك ؟!
حمزة : ايه رأيك ف المفاجأه ؟
ادهم ب استغراب : مفاجأه ايه ؟!
حمزة : شوفت ياسمين ؟
ادهم : اة لسة مسلم عليها !
حمزة : طب اشطا مهي دي المفاجأة 😊
ادهم بعدم فهم : مش فاهمك ، مفاجأة ازاي ؟!
حمزة : اعتبر سيد قشطة الي قصادك دي حق المقلب الي انت عملته فيا من كام يوم ، ووريني بقا ي معلم هتتصرف معاها ازاي وهي عارفة دلوقتي إنك معجب بيها وخليت حمو يكلمهالك ، البس ي برنس 😃
( يقفل ف وشه السكة ، ادهم واقف متجمد ، مصدوم مش عارف يعمل ايه )
ادهم بصوت واطي : الله يحرقك ي حمزة انت وحمو الكلب ، طب اخلع دلوقتي ولا اعمل ايه !
( يبص ناحية ياسمين ، تبصله وتبتسم ، يضير وشه ف ساعتها )
ادهم : يخربيت كدة !
( يرجع ادهم يقعد مع ياسمين )
ادهم بتوتر : احم ، منورة 😊
ياسمين : بنورك ، هو في حاجة ؟!
ادهم : لا لأ ، مفيش اي حاجة 😅
( يمسك ادهم المنيو )
ياسمين : شكلك متوتر ، انا فاهمة وعرفت من محمد
( يتخض ادهم )
ادهم : انا اسف ع الي عمله حمو لو كان تصرفه ضايقك 😕
ياسمين : لا عادي ، بس انا كنت حابة إنك انت الي تقولي
ادهم : م انا مكنتش اعرف غير دلوقتي
ياسمين بعدم فهم : مش فاهمة ازاي ؟!
ادهم ب ارتباك : ااا ، انتي قصدك ع ايه ؟!
ياسمين : ع إنك معجب بيا وكدة !
ادهم : اااه اة اة اكيد اة 😊
ياسمين : اة !
ادهم : طيب ، تاكلي ايه ؟
ياسمين : تصدق إني ماكلتش من امبارح ، كل اما اجي اكل لازم يحصل حاجة 😅
ادهم : ليه بس كدة ، ل اكون عملتلك مشكلة مع اخوكي بسبب مرواحي المستشفى !
ياسمين : دة مجنون ، طردني من هناك بس
ادهم : ينهار ابيض ، شكل اهلك متشددين !
ياسمين : هو عشان انا البنت الوحيدة ويحيى الكبير دايماً مسافر
ادهم : امممم ، اومال هيعمل ايه لو عرف إنك قاعدة معايا دلوقتي !
ياسمين : يمان بلاش 😅
ادهم : كمان اسمه يمان ، طب بس والنبي احسن بدأ جسمي يقشعر !
ياسمين : ههههه بيخافوا عليا بس 😄
ادهم : بس شكلك ميتخافش عليكي يعني !
ياسمين : لا متاخدش بالمظاهر ، مش عشان تخينة ابقا جامدة وقوية ، انا ع فكرة اكلتي عادية ، وساعات كتير بقعد فترات طويلة من غير اكل لو مشغولة ، بس انا تخنت عشان حالة نفسية جاتلي لما بابا الله يرحمه اتوفي 💔
ادهم : الله يرحمه ، بس انا مش قصدي ع تخنك ، انا بس افتكرت لما هزقتي توبا إنك بتعرفي تاخدي حقك وكدة
ياسمين بفهم : اااه ، لا دة عشان هي بنت زيي ، وكمان عصبتني اوي وقتها !
ادهم : تعرفي اإني مبكرهش ف حياتى قد الطخان
ياسمين ب احراج : طيب اومال معجب بيا ازاي معلش ؟!
ادهم بحيرة : مش عارف ، بس حاسك غير اي بنت عرفتها ، بعيداً عن الطخن والرفع والجو دة كله !
ياسمين : برغم إننا بقالنا يومين عارفين بعض بس انا من اول مرة شفتك فيها وانا لاقيتك جدع وراجل معايا 🙂
ادم : دة عشان انتي زوق بس 🙂
( تبتسم )
ادهم : هتاكلي ايه بقا احسن انا ميت م الجوع
( يقرب الجارسون )
الجارسون : تطلبه ايه يفندم ؟
ياسمين : هاتلي زيك ي ادهم
ادهم : اشطا ، بص ي معلم ، ظبطنا يعني هات من كل حاجة عندك وكتر م البطاطس
