قصة : { #مقلب_حب } 🤪💛
الحلقة الثالثة عشر { ١٣ } 🏌🏻♀️
حمزة : ي عم قول صباح الخير الأول
توبا : هو ايه الي حصل ؟
محمد : ياسمين رجعت مصر
حمزة : لا والله ؟!
توبا بفهم : اة عشان كدة كلمني كدة امبارح ، هو شافها ولا ايه ؟
محمد : نص الكلية شافتها
توبا : شافوها فين ؟!
محمد : ف عيد ميلاد دنيا امبارح
حمزة : اة مهي معزمتناش !
توبا : طب وايه الجديد دلوقتي يعني ، ولا هو حنلها تاني ولا ايه ؟!
محمد : الجديد إنها بقت ولا صافيناز
توبا ب استغراب : صافيناز !!
محمد : خست
توبا ب اندهاش : خستتتت 😮
محمد : ايوة وبقت تضرب بنات الكلية كلهم بالجزمة !
توبا : انت بتهرج ، الجاموسة الحامل دي خست ازاي !!
محمد : معرفش انا الي سمعته م الشباب قلته وهموت واشوفها 🤔
حمزة : مش اكتر مني !
محمد : اة وكمان بيقوله اتخطبت لواحد من اغنى اغنياء الأمارات !
توبا بصدمة : لا انت اكيد بتهزر !
محمد : اقسم بالله م بهزر ، تحبي تشوفي بنفسك ؟
توبا : ايوة
محمد : طب انا رايح النادي دلوقتي ، سمعت من مريم إنها هناك هي وخطيبها ، تعالوا معايا وشوفوا
( يعدي الوقت ، ف النادي ، قاعد احمد ودنيا ، تقرب عليهم ياسمين )
أحمد : فينك كل دة !
ياسمين وهي بتقعد : طول الليل مش عارفة انام !
احمد : لا انتي هتستسلمي ولا ايه !
دنيا : صح ي ياسو ايه !
ياسمين بحيرة : انا مبقتش عارفة حاجة ، عايزة اعرف هو بجد بيحبني ولا كنت فعلاً مقلب من صحابه ، هرتاح ساعتها ، بس نظرته امبارح لغبطتنني 😟
احمد : ماشي م احنا الي بنعمله دة هيعرفنا ، وانا هقرب منه اكتر واعرف
ياسمين بتنهيدة : ماشي
دنيا : طب والخطة الجديدة ايه ؟
( يقولهم احمد ع الخطة الجديدة ويروح يغير هدومه ، تقرب عليهم توبا )
توبا : وانا اقول النادي منور ليه ، ازيك ي سو ؟
ياسمين بضيق : اهلاً !
( تقعد توبا معاهم )
توبا بتريقة : وخسيتي ازاي بقا ، شفط ولا شد ؟
ياسمين : لا الحاجات دي تعرفيها انتي ، دي رياضة لو تسمعى عنها 💁🏻♀️
توبا : طبعاً اسمع عنها ، هو انا الي كنت قربت انفجر ، انتي مش شايفة ولا ايه ، بس عذراكي ، اكيد الرياضة اثرت ع نظرك ودماغك ونسيتي كنتي ايه ي قلبي !
ياسمين : لا ي حلوة انا زي الفل ، مكنتش اتخطبت لو دماغي بايظة ، مش زي واحدة لسة بتجرى ورا ناس 😉
توبا : طب دة الجري نص الجدعنة ، اومال فين خطيبك صحيح ؟
ياسمين : زمانه جاي
توبا بصوت واطي : اة دة إذا كان موجود اصلاً 🤭
ياسمين وهي بتقوم : طب عن اذنك هنمشى احنا
توبا : طيب
( تمشي ياسمين ودنيا وتتصل ب احمد )
احمد : ايه ؟
ياسمين : هي موجودة ، شوف شغلك بقا
احمد : حاضر هلبس واروح
ياسمين بهزار : بتكلمني وأنت عاري أعوذ بالله !
احمد : عاري ، غوري أبت سلام
ياسمين : ههههههه سلام 😄
( يطلع أحمد يروح عند ترابيزة توبا )
احمد : لو سمحتي فين البنات الي كانوا هنا ؟
توبا ب ارتباك : ااا مشيوا من شوية !
احمد : ايوووه اتأخرت شكلي ، ياسمين هتزعل اوي !
توبا : انت خطيب ياسمين ؟
احمد وهو بيقعد : اة بس ممكن أغير رأيي عادي 🙂
توبا : لا يبقا لازم تغير فعلاً وانا هجيبلك عروسة
احمد : وعروسة ليه م انتي موجودة اهو ، نقعد نشرب حاجة بقا ، اتنين شربات لو سمحت ✌️
توبا : هههههه ودبلتين 🤭
احمد : عسل أقسم بالله ، انتي مرتبطة ؟
توبا : لا مش مرتبطة ، بس انت مرتبط للاسف 😌
احمد : مين انا ، دة مجرد تسلية وقت
توبا ب استغراب : لا والله ، بتهزر !!
أحمد : لا عيب برضو وانا عيل عشان اهزر !
توبا : مش قصدي بس انت خاطبها عشان تتسلى ، طب م كنت اتسليت من غير خطوبة يعني !
أحمد : لا هي اوڤر شوية لازم رسمي
توبا : اة انت هتقولي ع اڤورتها !
احمد : م تجيبي رقمك بقا
توبا : اوك ، مع إنه مبيطلعش ل اي حد
احمد : وانا حد برضو 😉
( تبتسم توبا ابتسامة انتصار وتديه الرقم ، ياسمين مع دنيا ف العربية )
دنيا : هتقدمي اخر سنة دي ؟
ياسمين : ايوة اومال هكمل فين !
دنيا : بس الدراسة بدأت من اسبوعين !
ياسمين : انا معايا ورق النقل من جامعة الأمارات هيقبلوه حتى لو بدأت الدراسة
دنيا : ادينا رايحين ونشوف
ياسمين بقلق : ياترى عملت ايه ي احمد !
دنيا : الواد دة تحفة معرفش وقعتي عليه منين !
ياسمين : لا دة هو الي وقع عليا بعيد عنك 😂
دنيا : ههههههه 😆
( يوصله الكلية وتدخل ياسمين تقدم الورق ، بعد شوية ، ياسمين ودنيا قاعدين ف كافتيريا الكلية ، يقرب عليهم ادهم )
ادهم : عايزك ثواني ي ياسمين 😐
( تتخض ياسمين )
ياسمين وهي بتقوم ب ارتباك : اوك !
( يقفوا ع جنب )
ياسمين : نعم ؟
ادهم : انتي قدرتي تتخطبي لغيري كدة عادي !
ياسمين : اة قدرت ، انت كنت مستني مني ايه بعد الي انت عملته معايا !
ادهم : انتي لسة مقتنعة إن الي قالتهولك توبا دة صح ؟!
ياسمين : يعني انا مكنتش مقلب بالنسبالك ي ادهم ؟
ادهم : لو كنتي فعلاً مقلب ليا كنت عرفت اخلص منك من اول يوم ، وكنت هقولك الي حصل بمليون طريقة ، وكنا هنبقا صحاب وزي الفل لإننا كنا لسة ع البر ، مكنتش كملت معاكي ، ولا كنت قلتلك بحبك ي ياسمين !
ياسمين بضيق : خلاص انا مبقتش ليك وانت السبب مش انا 😒
ادهم : طب ايه الغلط الي انا عملته ، غلطت عشان حبيتك ولا عشان ايه بالظبط ، انا حتى الأن مش فاهم ايه غلطتي !
ياسمين : عشان مقولتليش ع كل حاجة م الأول !
ادهم : خفت تسيبيني ، زي م انتي سيباني دلوقتي 💔
ياسمين : مش عارفة اصدقك ي احمد !
ادهم بخضة : احمد ! واضح إنه بقا مأثر اوي !!
ياسمين : مش خطيبي وهيبقا جوزي 😒
ادهم : ايوة صح ، ماشى ي ياسمين ، بس انا هثبتلك إني مكنتش بكدب عليكي
( يقرب عليهم احمد ودنيا )
احمد : موعد غرامي دة ههههههه 😄
ياسمين : لا عادي مافيش حاجة
احمد : م اكيد ي قلبي مافيش حاجة ، ازيك ي ادهم ؟
ادهم : الحمدلله ، عن إذنكوا ورايا محاضرة
( يمشي ادهم )
ياسمين بحزن : انا بدأت اصدقه 😟
احمد : طب ي ستي م احنا خلينا ماشيين ف الي احنا فيه لحد م نعرف
دنيا : اة خلينا ف الي ماشيين فيه احسن
احمد : ع فكرة انا قولت كدة !
دنيا : لامؤخذة !
ياسمين : انا همشي انا خلصت ورقي خلاص ، سلام
احمد ودنيا : سلام
( تمشي ياسمين )
دنيا : هاي
احمد : هاي
دنيا : احم اة هاي !
احمد : اوك هاي
دنيا : هااااي
احمد بعصبية : ابو شكلك 😡
دنيا : ايه مالك ؟!
احمد : تعرفي ي دنيا ؤ انتي وردة ف ارض بور !
دنيا : وانت بقرة ف سوق العبور !
احمد : وانتي كلبة معندكيش شعور !
دنيا : وانت جزمة ف التوحيد والنور
احمد : غوري ابت !
دنيا : انت الي مع السلامة دي كليتي انا ي باشمهندس !
احمد : اة لامؤخذة ، فوتك بعافية
دنيا : يعافيك يخويا
( يعمل نفسه هيضربها تضحك وتطلع تجري ، ف بيت داليا ، يرن فونها )
داليا : الو
