نس: مش وقت بصاره بس قبل مانطلعو بنقولولك شن الخطه قبل وانتي نبيك تحكيلي قصتك لان سمعت عليك كلام لا ينقال ولا ينطاق
رحمه: كدب اقصمبلله كدب(اقصمبلله 😹😹)
انس: به
رحمه قعدت نحكيلهم ومحمد وانس يتبيردو
انس: توا ديري روحك ابكي وحني نضربو فيك 🙂
رحمه: طيح سعدك اكسر الروشن وتوا النقز بعدين توا نهرب بروحي
محمد: به تمام هيا انس نطلعو متبيناش نساعداهااا 🙂
رحمه: قصدي منعرفش نمثل شن هادي الخطه البايخه
الباب: طقطقطق طق طق طق
محمد: بصوت واطي: عيطي واندبي 🙂
رحمه بصوت عالي: حوللل مكسورتك من علياا يا تافهه وبدت تبكي(اختنا بارعه ف الكدب )
طبعا تعالو نحكيلكم علاش يبو يساعداها
انس حس روحه مش راجل لما شاف اخته ملوحه عند عبدو يعني شعور هكك وبعدين سمع عبدو يكلم ف محمد قاله تعالي وانس ومحمد تعرفو لما كانو مسافرين يقرو ف الجماعه وتصاحبو صحبه ميفرقهم حد غير الموت المهم وبعدين اتصلب محمد وحماله وقاله هادي بنت بوي ونبي نساعدها ومحمد وافق لانه يحب الحاجات هادي وبس🙂🔥
محمد يضرب ف انس: تي سكري فمككك يا بنتت ##@$&
انس: شدها من شعرها وفتح الباب
عبدو: شن في يا شباب
طبعا عبدو ميعرفش ان رحمه تقرب ل انس
محمد داير روحهه معصب : تي تردد ف الكلام وتعرفني يا عبدو نكرهه الناسس اللي ترد ف الكلام هلبا
رحمه دايرا روحه تبكي ومحمد وانس يتلو فاها لين. ركبت ف السياره ركبت هيا من تالي ومحمد يسوق وانس جنبه
محمد : تمت العمليه بنجاح
انس ساكت
رحمهه: اسمعو السراحه جعانه مكليت شي من الساعه 6 ولا 7 جعانه بنموت
انس: حتني بطني مدايره حفله 😹
محمد ببصاره : بنسميكم عيلةة الجعانين 😹
#تسريع_الاحداث
فات شهر
محمد اهله قعدين مسافرين وقالوله تعالي ف بنت عجبتنا ونبوك تشوفها عشان تخطبها وقبل ما يسافر عطي استراحته ل انس ورحمه
رحمه فات الشهر ومحمد ديمو يزور فينا حسيت روحي تعلقت فيه بس توا مسافر يلا عادي اكيد حنتعود
انس تغيرت حياتي مع رحمه كل شي ف وقته مثلا الغدي ولا العشي واي حاجه بس لما كنت مع امي مكنتش هك كنت نتغدي ونتعشي البرا وهك يعني
جي اليوم اللي محمد بيسافر فيهه
انس: متنساناش عاد تعالي زورنا ديما
محمد: مصح وجهكك اكيد بنجيكم مل يوم لين تملو مني وتزروني
انس: تمشي وتجي بالسلام 😹
رحمه مدت ايدها: توصل بالسلامه
محمد سلم علاها: سلمكك
انس مشي بيجيب اميه
محمد قرب من ودن رحمه وقال : ايميلي الفيس محمد حكيم وكلميني
رحمه: ا ءا اا معنديش تليفونن 🤦♀️
محمد طلع تليفونهه اللي فيه الشفره بس وعطاهولا
انس: جيت هي اطلع اركب ف السياره باش نصب ع السياره اميه باش تحس روحك عريس
محمد،: نيهاها دمك خفيف لين فاق الحد
انس: تحشمت 🙂
محمد: هيا سلام رحمه
انس: وني؟؟
محمد: انت نقولهالك ف للمطار 🙂
انس: حيوان... وطلعو طبعا انس بيوصل محمد للمطار
رحمه بعد طلعو خديت التليفون معرفتش نتفاهم معاه اول مره نشد تليفون حاولت الف مره لين مليت وني قعده ما فهمت شي قلت توا يجي انس ويفهمني لين خداني النوم
انس: رحمهه رحمهه
رحمه بصوت متخدر بالنوم: همم
انس: التليفون من وين جبتيه
رحمه تحك ل عيونها : عطاهولي محمد
انس: اممم
رحمه مشت الحمام وجت قعمزت جنبه: انوس
انس: شن
رحمه: وراسك فهمني فيه مفهمت شي
وقعد يفهم فاها
الباب: طق طق طققطقطقطق
انس: منيييي ... وفتح الباب
عبدو: اوو انوس وضربه ع وجهه بوكس
انس : ههه صار فاها الضرب يا #@$ وبدي يضرب
رحمه: انس انس وجاته
عبدو: ساللمم
خش سالم طلع رحمه من شعرها وهيا تعيط باسم انس
وقعدو انس وعبدو يضاربوو
رحمه كان ف جيبي التليفون اطمنت شويه من الناحيه هادي
_______
محمد اول ما وصل للمطار حس ف حاجه حتصير وروح بات ف فندق يعني مكملش السفره وقرر غدوا يجينا وقعد يستنا ف مسج من رحمهه
________
رحمن
حطني سالم ف دار وخلاني وني خايفه قررت ان نفتح التليفون ونكلم محمد بسرعه يي نسيت نقوللكم الشفره اللي خلاها ف التليفون فاها رقم محمد
المهم بعتله مسج
📲 محمد انا رحمه وعبدو رجعع خطفني
________
محمد كيف بنرقد وصلني مسج عرفتها رحمه وقريت المكتوب
وبءرعه لبست ومشيت للحوش قبل لقيت الحوش كله دم وانس مغمي عليه والباب مفتوح وحالته حاله معاش عرفت شن ندير قمت انسرلعته للعياده وني نجري خايف ع رحمه يقرب منهاا
________
رحمهه مقعمزه وتبكي : حيي عع الغباء محمد سافر اففف ياربي
عبدو خش وفتح الباب بالقوه: ههه قعدتي ف راحهه شهر صح ولا
رحمه كانت جنبي ف طاسه خديتها حدفتها عليه بالصدفه جت علي وجهه وبدي دمم وحاله المهم طلعت نجري لقيت محمد نازل من سيارته يجري بدون قصد جيت حضنتهه 🌚🌚🌚 نبصر حسيته ف مسلسل هندي المهم لا حضنته لا شي لقيته نازل من السياره جيته نجري
محمد؛ تعالي اركبي ف السياره
رحمه ركبت وني مطمنه : وين انس خيره مجاش
محمد بصوت رجولي : انس ف العياده
رحمه : علاش خيره انس
محمد: جيت للحوش لقيته مغمي عليهه
رحمه سكتت قبل بنساله علاش مسافرتش بس منبيش نكتر حكي وباين عليه معصب اصلا
________
محمد
وصلت لاستراحة عبدو لان عارفه مستحيل يرفعها لغير مكان نزلت مسياره لقيت رحمه تجري عرفتها هاربه
وبعدين ركبنا ف السياره وني معصب من عبدو لين قريب نموت وهيا تسال لدرجة فهداكا الوقت كرهتها الحق
_________
ايه
طبعا رجعت نخدم ف المطبخ واموري عاديه وعبدو قالي رحمه هربت اطمنت شويه بس قعده خايفه علاها وين مشت ولا شن دارت المهم الفتره هادي متعرفه ع ولد يخدم جديد واكيد طرف وحبني وحبيته وقصة العشق المتكمل قصدي المتملك 😹
________
عبدو
بعد ما ضربتي ب مش عارف حتي شنهوا اغمي عليا وجو الشباب رفعوني للعياده وخشمي تكسر مش عارف شن حاطينلي عليه بدي منظري زي البنقلا اللي فحوازت جارنا بوعجيله
_______
سعاد
كانت تهدرز مع حبيبها ولا علي بالها قصدي راكك عزوزه نوضي عطكك جدري يرفع ما يدري 😹
_______
عيلةة محمد
اسمعو نسيت شن اسم امه ومعنديش نيه نرجع للحلقه الاولى المهم بنكتب امه وخلاص وانتو افهمو علياا 😹
مياسين: والله الا ولدك عاجباته وحده
امه: لالا بنخطبله بنت سميهه وماهو واخد غيرها
مياسين: تي وربي ماهو خاطبها وقولي قالتها ميسو 🙂
امه: عع الاساس اللي تكلمي فيهه بيجي بيخطبك نوضي من قدام وجي نوضي منوضو
مياسين: واللهي ع فكرهه يوم السبت جاي هوا وامهه... وطلعت لسانها ومشت
امه: ربي يعيني ع هلمصايب... ومشت
______
رحمه كيف فتحت الباب عشان ننزل
محمد: اقعدي نمشي نديرله خروح ونجي
رحمه: يتبعع
ان شاء الله تكون عجبتكم الحلقه وان شاء الله تكون طويله ومتنسوش اللايك والكومنت والمتابعهه بايي
الكاتبهه: اسراء حسن 💗🦄
أنت تقرأ
ظروف الحياه 💔
Humorالرواية تحكي ع بنت عاشت ف ظروف صعبه بس قاعده تقاوم واقرو الروايه عشان تفهمو قراءة ممتعه
