اسكريبت سيمبل كدا بقلم نورا قنصوه
&تصرفات الام المصريه&
ريم: عااااا مامااا ماماااااا
والده ريم: ايه ايه بتزعقي ليه
ريم: مين اللي طفي المروحه
والده ريم: انا
ريم بزعيق: انتي مش هتخلصي من ام العاده دي انتي قومتي من النوم فاطفي مروحتك متجيش تطفي مروحتي
والده ريم: قومي يا اخره صبري الساعه بقت 9
ريم: قايمه قايمه وخرجت قعدت علي السفره
ريم: احج احج يرضيك يا حج
والد ريم: خير اللهم مجعلو خير
ريم: يرضيك حد يطفي عليك المروحه
والد ريم: ايه لا طبعا
والده ريم: نعم
والد ريم: الا انت طبعا يا حياتي
ريم: ههه الرجاله ماتت في الحرب
ريم بصدمه: هاااااااااه
والد ريم: ايه يا بت شوفتي عفريت
ريم: بص كدا يا حج علي الساعه وقولي الساعه كام
والد ريم: ايه احوليتي
ريم: اخلص يا حج
والد ريم: الساعه 7.5
ريم: مامااااا انتي مش قولتيلي الساعه 9
والده ريم: بقولك كدا عشان تقومي
ريم: مش عيب تكدبي وانتي في السن دا
والده ريم: احترمي نفسك يا بت وخلصي وقومي روقي الشقه
ريم: حاضر حاضر وقامت روقت الشقه والميه قاطعه ومغسلتشي المواعين وراحت قعدت علي الفون
والده ريم: ريم ريم
ريم: نعم يماما
والده ريم: قومي اغسلي المواعيين الميه جت
ريم: حاضر يماما شويه وهقوم بعد شويه
والده ريم: يلا يا ريم
ريم: حاضر يماما شويه صغيرين كمان
والده ريم: اه ياني عمري مقولتلك حاجه وعملتيها ديما مطلعه عيني يا بنتي قومي
ريم بزهق: مخلصنا بقا قولت شويه وهقوم هخلص اللي بعملو
والده ريم: قومي يا موكوسه تعالي شوفي بنت عمك شغاله تنفيض ورزع فوقنا اهو ولا هدير اللي في وشنا تعالي شوفيها وانتي تتحسري
ريم: يا دي ام الاسطوانه حفظتها حفظتها وبعدين دانتو زنانين بشكل ايه دا وفي الاخر تقعدو تعيبو في الرجاله دا ليهم الجنه انهم بيستحملوكو
والده ريم: يارب صبرني علي مبلتني ربنا ميحوجني ليكي
ريم: نعم بعد كل دا وربنا ميحوجني ليكي طب مش غسله المواعيين وفجاه نلاقي الشبب رزع في وش ريم
والده ريم: قومي يكشي تقوم قيامتك اغسلي المواعيين
ريم: لو مكنتيش تحلفي بس وقامت غسلت المواعيين وجات قعدت علي الفون بعد شويه
ريم بصوت عالي: مين اللي قفل الواي فاي
والده ريم: انا اللي قفلتو
ريم: هو حد مسلطك عليا يا ست انتي هو ايه دا
والده ريم: ايه ليل نهار قاعده علي التليفون متقومي تعملي اي حاجه
ريم: اي حاجه ايه منا روقت الشقه وغسلت المواعيين ونشرت الهدوم اعمل ايه تاني متأجريني احسن
والده ريم: قومي اعملي اي حاجه شيلي الفرش وامسحي الشقه طبقي الدولاب
ريم: فضاوه هي
والده ريم: اه ويلا عشان ننزل نشتري الهدوم
ريم: يلا ونزلو يشترو هدوم
ريم: الله يماما بصي دا
والده ريم: ايه القرف دا نقي حاجه حمرا كدا
ريم: حمره ايه يماما هي طماطم
والده ريم: ايه اصلا اللون دا احنا منعرفشي غير الاحمر
ريم: لون طالع موضه يماما لون فيروزي
والده ريم: ف ايه يا اختي فيروز اللي بتغني
ريم: مليش دعوه عجبني
والده ريم: خشي قيسيه يا اخره صبري
ريم: شكرا يا ماما وبعد شويه
ريم بفرحه: ايه رايك
والده ريم: قرف بس طالما عاجبك هنخدو وراحت تدفع الحساب
والده ريم: بكام دا يا اخويا
البائع: 400 جنيه بس
والده ريم: ليه فستان عروسه هما 200 جنيه عمي مفيش غيرهم
ريم: ينهار ابيض الراجل بيقول 400 وانتي تقولي 200 الناس بتنزل 10 او 20 مش كدا
والده ريم: اخرسي انتي وكملت هما دول مفيش غيرهم
البائع: مينفعشي والله يا حجه
والده ريم: بص 10 جنيه كمان اهي ومتفتحشي بوقك بكلمه دا انت كدا ضاحك علينا كمان يلا يا بت
ريم: ينهار دا مقلشي حاجه
والده ريم: ناس نصابه هما بيعلو في الاسعار عشان احنا نقلهم كدا اش فهمك انتي وروحو البيت
والده ريم: قيسي الهدوم وتعالي وريها لابوكي بعد شويه
ريم بعياط: عااا عاااا
والده ريم: فيه ايه
ريم: الفستان مش عاجبني
والده ريم: نعم مش انتي اللي جيباه
ريم: مكنشي كدا في المحل كان احلي
والده ريم: غوري يا بت من خلقتي ربنا ياخدك
ريم: شكرا ومشيت راحت اوضتها
ليلا في منزل ريم
والده ريم: بلا قرف ناس تغم
ريم: خلاص يماما اخدي
والده ريم: منا هاديه اهو شيفاني بشد في شعري
والد ريم: فيه ايه
والده ريم: الست الناقصه اللي فوقنا شيفاني نشره الهدوم تقوم راحا تنشر فوقي وتبقعلي الهدوم
والد ريم: خلاص حصل خير
والده ريم: لا ازاي المفروض كانت تقولي عشان اشيلهم
والد ريم: خلاص يمكن مخدتشي بالها وبعد شويه
والده ريم: اه يا بنت اللذين والله لوريكي
والد ريم: اللهم مطولك يا روح مخلصنا بقا
والده ريم: ماشي ماشي
ريم بهمس لوالدها: هتتكلم تاني علي فكرا
والده ريم: كانت تستجرا تعمل كدا مع حد تاني لا ابدا
ريم بضحك: ههههه تعالي يا والدي ندخل ننام دي مش هتسكت النهارده
والد ريم: يلا يا بنتي
والده ريم: ازاي برضو تنشر وانا نشرا وملقتشي حد بيرد عليها دخلت نامت هي كمان
وكل يوم علي الحال دا
قعدا زهقانه قولت بعيدا عن الروايات اكتب حاجه بسيطه كدا
#بقلم نورا قنصوه
