احببت_حبيب_اختي😨😈

الحلقه الخامسه😈

احببت_حبيب_اختي😈😨
الحلقه الخامسـه😈🔥

بعدما ثلاث اشخاص انصدموا في نفس الوقت وماعرفنش شن سبب صدمتهم🔥
حنعرفوا سبب صدمت كل حد منهم🔥
لين كانت تجري ف الشوارع معش عرفت حتي مكان حوشهم وين لانه حوش معاذ بعيد من المدينه ب شوي
وشافت سياره جايه من بعيد وقعدت تشيرلها وقفت السياره وفتحت الباب وركبت ف السياره كان همها الوحيد انها توصل للحوش🔥
وهنا كانت الصدمه😳😳💔
لما ركبت للسياره وصكرت الباب شافت إسحاق هو يلي يسوق هو نفسه يلي شافاته ف الكافي😳😨
إسحاق ومنير لابسين نظارات برموا عليها هما الاثنين في نفس الوقت😂🔥
منير:نورتينا يا بنت احمد😎😏هيا امشي يا وليدي😏
لين:كيف تعرف باتي😨😨😨
إسحاق:يحكي وهو يسوق ف السياره ، كيف مانعرفوش الشخص اللي يضرب في مراته وبناته ولما ضرب بنته وداخت شالها للمستشفي وسيبك انتي ف الحوش وبعدها اتصلت بيه مراته وقالتله نبي فلوس عشان البنت جعانه بس قاللها لا وطلقها ب الثلاثه وطلعت من المستشفب معش عرفت وين تمشي وشافها باتي وجابها لنا وقاعده معانا توا هيا وبنتها وانتي هه شن درتي انتي خاطي من انك صدقتي كلام باتك وكرهتي امك واختك بدون سبب ومافكرتيش حتي انك اتدوريهن🔥
لين:لا ماتقولش ع بابا كذاب لانـ.....
منير:اسككككتتتتييييي🔥🔥🔥
لين:😨😨😨
منير:باتك كذاب كذاااااابببببببب كيف تصدقي فيه وهو كان يضرب فيك وانتي صغيره معقوله تنسي الايام السود يلي عشتيهن🔥
لين:سكتت وقعدت تفكر
إسحاق:عموما انا نعرف حوشكم وتوا ماشي شوركم عشان انتفاهموا مع باتك وتوا تعرفي من الكذاب اسمعي بس وماتحكيش🙂
لين:معش عرفت شن ترد شعور خوف وقلق شاكه انه يكون باتها صح يكذب عليها بس لو باتها مايكذبش ليش امها مادورتهش قعدت حايره مش فاهمه شئ💔🔥
منير:ولعلنـا اغاني خلينا انغيروا جو🤓😂💃
إسحاق:به بس نبي انولع الاغنيه المفضله عندي😌
منير:تمام هيي 1... 2 ... 3 ...😂😂💃
إسحاق&منير: قلبي درته كسره هان عليك وخنتـه .....😂😂🌝💃
إسحاق ومنير امهيجين ويغنو في اغنيتهم المفضله🤦‍ ولين قاعده علي ناااار🔥🔥🔥🔥

مروه قاعده ف الحوش ضماته كله وقعمزت وشوي ودق الباب معش عرفت كيف تفتحه لانه الباب الوسطي امصكر بعد انفتح الباب🔥
وهنا كانت الصدمـه😳😳💔
مروه شافت معاذ وحمادي جايبين معاهم تورته ومعاذ ماسك كيس في يده وكان منظره حلو ومبتسمين❤
مروه:امممم شن صار ياحمادي
حمادي:خلينا انخشو عشان نحكولك القصه كله ولا تبي معاذ يقعد مصبي وهو كان مصاب😂
مروه:باهي خشو😒وحولت من عند الباب
معاذ:مروه انا عارف انك مش حتصدقيني بس حكيت للخوك كل شئ وصدقني ف عند فيك امل انك تصدقيني وتسمعيني للاخير💔
حمادي:ولو لمره اسمعيه يامروه لانه كلامه مقنع ومع دليل
مروه:تمام احكي
معاذ:طبعا من فتره قبل مانخطبك من عشر سنين بالضبط كنت نقرا ف الجامعه ونروح علي باتي في الشغل امتاعه باتي كان يشتغل محامي ف في يوم من الايام جاء احمد يلي هو بات لين جاء لباتي في الشغل وقاله نبي انطلق مراتي بلتي قاله شن السبب ومن الغلطان ومن اللي طالب الطلاق احمد قاللها انا انا انا باتي قاله انه لازم تدفع المؤخر وكان مؤخر هناء 7الاف ف احمد رفض انه يدفع للهناء وباتي قاله لو انت مادفعتش لازم تتحاسب بما انه احمد كان صاحب باتي قاله خلاص مايهمك شئ توا انزور قضيه بس الكلام مايطلعش منك وداروا قضيه مزوره مكتوب فيها انه هناء هيا اللي طلبت الطلاق وماتبي اي شئ من املاكها وتمت القضيه ووصلت ورقة الطلاق لهناء ووقعت عليها بس بعد ايام احمد كانت الحقاره والنذاله تمشي في دمه ماعمره كان صاحب وفي بكل على العموم بعد ايام احمد عدا لمركز الشرطه وقاللهم انه باتي رفع قضيه مزوره علي هناء وقال الكلام كله بس طلع روحه من القصه ثاني يوم جتنا الشرطه للحوشنا وهو كان اليوم اللي كنت جاي نبي نخطبك فيه جتنا الشرطه وعتقلوا باتي مشيت للمركز وقلتلهم بس ماصدقوش بعدها بشهور نفسيتنا تغيرت شوي وامي رضت بالامر الواقع وجيناكم وخطبناك بعد الخطبه بشهور طلع باتي من الحبس وكله حقد وكره علي احمد وقال لازم نقهره في اعز شئ عنده بعدها درنا فرحنا بس مازالنا مستمرين انه انشوفوا نقطة ضعف احمد وفي يوم من الايام عرفنا نقطة ضعفه واللي هيا بنته لين حاولت كذا مره بس ماصارش شئ بس بعد ماعرفت انه هيا تبي تنتقم من امها واختها طلعت في طريقها وشافتني مره وهيا كانت في السوق ودرت قصه انا واصحابي انه انا لو تدفعلي فلوس ننتقم من الناس وبعدها جتني وقالتلي عطيني رقمك ومن يومها بدينا انا وباتي في خطتنا قررنا نأخذوا حق هناء وبزياده ويوم اللي حطيتك عند هلك تلاقيت معاها وشفت اختها وصاحب اختها ولما طلعنا من المطعم فطنت ان اختها تلحق فينا وقررت انه انخلي لين تبات عندي عشان تاخذ دبش من حوشهم ومشينا للحوش احمد وجينا هنا وبعدها صار يلي صار وياريت تكوني صدقتي كلامي وعندي تسجيل لكلامي انا وهيا في المطعم
مروه:قعدت ساكته وماردتش
معاذ:قدم جهة مروه ومدلها الكيس❤
مروه فتحاته لقت فيه خاتم ذهب فرحت واجد وحضنت معاذ🥺❤
مروه:شكرا انا بروحي قلت مستحيل معاذ يخونني بس لما شفت ماقدرتش انكذب عيوني😭❤
معاذ:معلش ياحبيبتي ديما يصيرن الحاجات هذينا
مروه:بعدت من معاذ ومسحت دموعها ، وين حمادي😐
معاذ:تعالي نمشو للمطبخ😂❤
خشو للمطبخ وشافوه كله زينه وامبولات والتورته ع الطاوله وشموع والجو خيال❤❤
حمادي:وهيي كل سنه وانتو طيبين😂😂❤
مروه:عليش🤔اهااااا عيد جوازناا😳🥺😭❤❤وقعدت تبكي😭😭❤😂
معاذ:خلاص اس😂😂❤
قطعوا التورته وكملوا باقي اليوم مع حمادي😂❤