قراءات ممنوعة الجزء الثاني

After the plague

محدش عارف البتاع دا جه منين ولا مصدره إيه .. وباء .. وباء انتشر فجأة وقضي علي كل حاجة .. لعنه .. لعنه جت في زمن كل الناس نسيت فيه معني اللعنات .. لو حد قالك أن فيه مخلوقات تانية عايشة في أبعاد تانية وعوالم تانية حوالينا في نفس أماكنا هتقول عليه مجنون أو جايز خياله واسع شايفله فيلمين أمريكاني معلقين في دماغه ومتعلق بيهم زي العيل الصغير اللي بيفتح بوقه وهو بيسرح بخياله لما تتحكي قدامه قصة فيها غموض .. ٩٩% من البشر العايشين دلوقتي بيدورو علي سبب علمي للي حصل واي مصدر الوباء وعدد قليل اووي اللي بيفكر فأن سبب اللي حصل دا مالوش تفسير علمي وأنه حاجة خارقة للطبيعة ...

باسم شاب عنده ٣٥ سنة أعزب مش طويل ومش قصير حاجة كدا وسط ... فقد شعره بدري بدري .. نظرة ضعيف حبتين وعشان كدا لابس نضارة .. اللي عامله منظر من وجهة نظره هي دقنه اللي دايما سايبها من غيرها بيبقي طفل اقرع .. مبيحبش الدخول في علاقات عاطفية عشان دايما جواه احساس انها مش هتكمل .. عاطل مش لاقي شغل زيو زي تلت اربع الشباب في الوقت دا بعد الوباء .. معندوش أمل في بكرة ومبيفكرش لخمس دقايق قدام .. مقضيها مصالح يبيض بيت هنا .. يمحر بيت هناك .. يصلح اجهزة كومبيوتر .. يلعب فيفا ٢٧ علي فلوس .. اه كنت هنسي احنا في سنة ٢٠٢٧ العالم اقتصادياً واقع ومدمر بس اتحول رسمي لمجتمع غني ومجتمع فقير والطبقة المتوسطة اتمحت رسمي فهمي نظمي ومبقاش ليها وجود ومش هتقوملها قومه .. باسم عنده هواية بيحبها وهي البحث ورا الحاجات الغريبة كان جه في دماغه انه يدور يعرف سبب اللي حصل بس طبعا انشغل ف حياته ونفض .. لحد ما ف يوم وهو مروح من مصلحها كان بيقضيها لقي كتاب غريب اوووي .. الكتاب كان شكلو قديم والورق بتاعه وغلافه حاجة فخمه اووي تشجعك تقراه .. قلب فيه كدا مفهمش منه حاجة ولانه كان مروح تعبان حطه في شنطتة وقال هيبقي يقراه بعدين وفعلا راماه وسط الكتب اللي عنده ...
شخص بيقرب عليه والدنيا بتمطر جاامد بره الباب مقفول والاوضة ضلمه بيقرب منه وهو مش قادر يتحرك