"ان هذا القرآن يهدى للتى هى اقوم ويبشر المؤمنين الذين يعملون الصالحات ان لهم اجرا كبيرا"
&&&&&&&&&&&&&&
*فى المساء بيت عائشة*
كانت العائلة مجتمعة على مائدة العشاء
سامى:بابا هو انا لازم احضر اجتماع العيلة بتاعكوا ده
محمود: انت اول المعزومين ياحبيبى
سامى:اه ماهو جدو بيموت فيا
محمود: منتا بتاع مشاكل هو انت فالح فى حاجه
سامى:متشكر ياحج
عائشة: والله يا بابا مش عارفه انتوا متمسكين بالتقليد الغريب ده ليه عايشين فى السعودية
أحمد بسخرية:لأ عايشين فى اوروبا
عائشة: مش عارفه انت واقفلى عالوحده ليه
أحمد: اصل انت كلامك يلطش
عائشة: استخف دم اوى استخف
محمود: خلاص انت كلمت صاحبك يا احمد
أحمد: ايوه كلمته وهو لسه هيرد عليا
محمود: طيب ماشى
انتهت العائلة من تناول العشاء ثم ذهب كل شخص الى فراشه
فى غرفة احمد رن هاتفه فقام بالرد عليه
احمد: ايوه يا آدم
آدم: انا موافقةاجى اشتغل فى المحل بتاعكوا احمد بسعادة: بجد طب كويس هتيجى امته
آدم: عايز ابدأ بكره ان شاء الله
احمد:طيب تعالا بيتنا الصبح بدرى عشان نتفق لان بعد كده هنكون فى بيت جدى
آدم: طيب ماشى
اغلق آدم الهاتف وتنهد بحزن وهو لايدرى مامصيره هو وعائلته فى المستقبل ولكنه قرر تأجيل التفكير فى هذا الشىء والتوكل على الله فهو المعين
*******************
فى صباح اليوم التالى اتى آدم فعلا الى البيت وجلسوا للنقاش فى العمل:
محمود: طيب يابنى هتشتغل كام يوم فى الاسبوع
آدم:ان شاء الله كل يوم بس هيكون على حسب مواعيد محضراتى واتمنى انك تستحملنى فى الحته دى
محمود: ولا يهمك يابنى انا مقدر ظروفك وعارف كل حاجه
هنا خرجت عائشة من غرفتها بملابس النوم طبعا آدم كان قاعد فى الانتريه وفيه ستارة عشان كده ماشفهاش
عائشة بصراخ:احم اااااااااااد ياواطى فين الشاحن بتاعى
طبعا آدم سمعها ومش بس هو البلد كلها سمعتها😹😹
آدم كان ساكت احتراما لمحمود واحمد بس هو كان هيموت على نفسه من الضحك
خرج احمد من الغرفة بغضب وقال:ايه بتصرخى كده ليه عندنا ضيف ياحمارة *طبعا بصوت واطى *
عائشة: انا مش حمارة ثم قالت بصوت منخفض: وانا هعرف منين ان عندنا ضيوف فى حد بيزور حد بدرى كده
احمد: انتى مالك
عائشة: عالعموم انا مش هرد عليك قولى فين الشاحن بتاعى
احمد:هتلاقيه جوه فى اوضتى
عائشة: تانى مره ماتخدش حاجه مش بتاعتك
احمد: مش هرد عليكى دلوقتى عشان الضيف
دخل احمد وقال لآدم:معلهش يا آدم احنا مربين حمارة عندنا فى البيت
محمود: ماتقولش كده على اختك يا احمد معلهش يا آدم هو ده العادى بتاعها واكيد ماتعرفش ان انت فى البيت
آدم: ولايهمك يا عمى
محمود :طيب هتفطر معايا الاول وبعدين نروح المحل عشان اعرفك الشغل ماشى ازاى
آدم :لأ معلهش ياعمى خليها مره تانيه
محمود: انت عايز تزعلنى منك ولا ايه انت مش هتمشى من هنا غير لما تفطر
آدم: خلاص عشان خاطرك بس هفطر معاك
محمود: كويس روح يا احمد خليهم يجيبوا الاكل
خرج احمد فوجد عائشة تجلس فى الصالة وتمسك هاتفها
احمد بسخرية: غريبة مش كان بيموت من شوية
عائشة: بعيد الشر عنه ان شاء الله اللى يكرهه
احمد:طب قومى ياختى هاتى الفطار
عائشة: انا هقوم بس مش عشانك عشان الضيف بس
احمد باستهزاء: خلى بالك وانتى ماشيه على قشر البيض ليتكسر
عائشة: مش هرد عليك
ذهبت عائشة واحضرت الفطار لاحمد ثم بعد ذلك ذهبت مع والدتها واخوانها الى بيت جدها كبير العائلة سمير مهران دخلت عائشة بيت جدها الكبير المكون من طابقين وحديقة خارجية واسعة يستغلها الاولاد باللعب
دخلت الى البيت لتجد جدها جالس هو وجدتها واعمامها
عائشة: جدو حبيبى وحشتنى اوى
سمير بابتسامة: وانتى كمان يا عائشة
سعاد:اهلا بام لسان طويل
عائشة بضحك:عيب يا سعاد هو انا طالعه لمين يعنى هههههه
شهقت سعاد وقالت:هااا شوف البت وقلة ادبها
صلاح:هههههه ولا يهمك يا امى انا هربيها
عائشة بعيون بريئة:اهون عليك برضه ياعمى
صلاح:ههههههه اتحولت اهى ازيك ياشوشو
عائشة بضيق:ياعمو كبرت والله وبقى عندى ١٦سنه بحالهم وقريب هدخل فى ال١٧
صلاح :ههههههه برضه لسه صغيرة
دخل سعد عليهم والقى السلام ونظر الى صلاح بحقد ثم جلس مكانه
اقتربت عائشة منه وسلمت عليه
ثم نظرت الى اسماعيل الذى كان متضايقا فهى تعلم انه لايحب القدوم الى هنا فقالت بخبث:جدو واضح ان عمو اسماعيل زعلان ومش عايز يجى هنا
سمير بغضب: مين ؟!
اسماعيل بخوف:لا ابدا والله ياعمى بالعكس انا بكون مبسوط اوى
عائشة بخبث: اومال قاعد قالب خلقتك ليه
اسماعيل "انتى مالك اعوذ بالله" :مشاكل فى الشغل بس
عائشة :طيب ازيك يا ابو عادل
مصطفى بضحك:هههههه الحمدلله
عائشة: طيب يلا ياجماعة عن اذنكم عمو سعد انا رميت البنزين مش هوصيك عالباقى ماشى
سعد بضحك :هههههههههه مش محتاجه توصيه هههههه
سعاد بغضب: يلا ياقليلة الادب امشى من هنا
عائشة :ربنا يسامحك يا سعاد
ثم ركضت الى الداخل وهى تضحك كم تحب اغاظتها
سعاد بغضب: طيب اما ابوكى يجى
دخلت الى المطبخ لتسلم على الموجودات
عائشة بابتسامة: ازيكم كلكم
امل :هههههه الحمدلله ياعائشة
نهال:هههههه وحشتينى اوى يابت
عائشة بغرور: هههههه عارفه عارفه مش بتقدروا تعيشوا من غيرى انا السبب فى ضحكتكم دى
ساميه بضيق:بلاش ترفعى راسك لفوق اوى لحسن رقبتك تكسر
عائشة: هههههه فى حد غيران انا شامه ريحة شياط
احلام بضيق:اهلا بام لسانين
عائشة: ههههههه والله بحبكم اوى انتوا وتيته سعاد وانتى ياعمه ساميه وطنط احلام مش عارفه ليه هههههه
سامية بسخرية: قلبك ابيض اوى يابت
عائشة :خلاص انا راحه للبنات كفايه ضحك كده ثم اقتربت من الباب وقالت بسرعه:اه افتكرت :طنط احلام هو انتى كنتى بتقولى ايه لعمو سعد على عمتو ساميه المرة اللى فاتت
احلام بتوتر:انا...انا قولت ايه
ساميه بغضب: والله بجد كنتى بتقولى ايه عليا يااحلام ياحربايه
احلام بغضب مماثل:احترمى نفسك انا مش حربايه
عائشة بضحك :هههههههه هههههه مش قادره يلا سلام عليكم انا رميت البنزين وعمتو ساميه ولعت باى هههههه
هكذا خرجت بعد اشعال الحرب بالمكان فهى تحب ان تضايقهم كثيرا وخصوصا ساميه واحلام
أنت تقرأ
قلبى العاصى
Romanceتتحدث تلك القصة عن فتاة جميلة تعيش فى جهل وضلال لقد تركت شيطانها يقودها ليؤدى بها الى طرق مسدودة وارتكاب الكثير من الاخطاء ولكن هناك خطأ واحد ارتكبته تلك الفتاة قام بتغيير حياتها جزريا وقلبها رأسا على عقب ذلك الخطأ الذى اعتبرته هينا كان سبب تعاستها...
