قلبى العاصى

الفصل الثالث💛

"سبحان الله وبحمده سبحان الله العظيم"
&&&&&&&&&&&&&&
*عند سعد عم عائشة*
كان فى المقهى وفجأة دخل عليه فتحى
سعد:ازيك يافتحى
فتحى: سدرى واجعنى اوى اليومين دول وعشان كده فكرت ابطل
سعد :تبطل؟ههههه هو حد فلح قبلك عشان انت تفلح
فتحى:اهو هحاول
سعد: ياعم سيبك هتيجى النهاردة بالليل تسهر هنا
فتحى:لأ مش جاى وجيت عشان ارجعلك الفلوس اللى عليا
سعد:هو مين اللى نصحك تبطل
فتحى: اخوك صلاح
سعد:اخويا اه "عايز تسحب الزباين منى ياصلاح وتخلينى عالحديدة طيب انا هوريك"
ياعم بص اخويا ده مايعرفش حاجة وابأ قابلنى لو انت ماجتش بكره القهوة
فتحى:لأ ياسيدى خلاص انا عايز اتمتع بعمرى شوية يلا باى
سعد:ماشى ياصلاح ماشى
**********""
&عند احمد&
عمار:بقولك ايه رأيك نروح نشيك على العمارة عشان نجيب الحاجات اللى محتاجينها ونبدأ شغل بدرى ان شاء الله
أحمد:ياعم هو انالسه وافقت
عمار:انا عارف انك موافق خلص يلا
أحمد:هههههههه واثق اوى طيب ياسيدى يلا
كريم:هو انا مش جاى معاكم ولا ايه ؟
عمار:تعالا ياخويا
حمدى وهو شاب يعمل معهم:والله وهتسبونى هنا ومين هيخلص الشغل
احمد:ماهو ابراهيم معاك اهو
ابراهيم: انا ماليش دعوه
عمار:على فكره يعنى احنا خلصنا شغلنا الدور والباقى عليكوا انتوا
حمدى:طيب ياخويا سلام
عمار:يلا يا احمد
ركب عمار مع احمد وكريم على المكنة واتجهوا الى العمارة
*****""***"**
فى بيت سعد
أحلام:انت رجعت بدرى كده ليه
سعد:اخويا صلاح عايز يوقف حالى
أحلام:ليه
سعد:قال ايه نصح فتحى يبطل والراجل ده كان بيجبلى شىء وشويات
أحلام:اه منا ياما قولتلك اخواتك دول مش بيحبوك كل واحد بيحب نفسه وشوفت اهو صلاح عايز يطير منك الزباين والله اعلم محمود كمان هيعمل ايه بس انت مش لازم تسكتله
سعد:بكره هنتقابل عند ابويا وهشوف
احلام:والله وانت مفكر يعنى ان اخوك هيعتذر منك مثلا
سعد:اومال عايزانى اعمل ايه
احلام بخبث: زى ما آذاك فى شغلك لازم تئذيه فى شغله برضه
سعد:لأ ياستى انا هحل الموضوع ده بكره لكن ماارضاش اأذى اخويا لأ
احلام: طيب اما نشوف"صدقنى مش هيحصل غير اللى انا متوقعاه بس انا مش هسيبك انت واخواتك كده من غير مشاكل لازم كل واحد فيكوايكره يبص حتى فى وش التانى وهتشوف "
***"*****
&عند احمد&
وصل الى العمارة مع عمار وكريم ونظر اليها كثيرا واحس بشعور غريب لايعلم ماهو ولكنه قال:انا شايف ان فيه شقق مسكونة فى العمارة
عمار:ايوه فى شوية شقق مسكونة والباقى هندهنه
احمد:طيب يلا نطلع فوق
صعد احمد مع كريم وعمار الى الشقة المطلوبة ودخلوا اليها
فى احدى الشقق فى نفس تلك العمارة خرجت فتاة جميلة محجبة من باب الشقة وقالت:خلاص بأه يازهراء هجيلك تانى بكره  ان شاء الله
زهراء:طيب ماشى يلا مع السلامة
الفتاة:بالسلامة
نزلت تلك الفتاة على الدرج واصدمت بأحدهم بدون قصد
أحمد بغضب:اه انتى عاميه مابتشوفيش وقعتى الكنز على هدومى
الفتاة بخوف:انا انا اسفه والله ماكنش قصدى
احمد:صحيح انكم بنات عمى وانتى هتشوفينى ازاى وانتى باصه للارض لأ ولسه كمان باصه للارض
"طبعا هى باصه للارض احتراما عشان ماتبصش فى عينه"
نزلت زهراء على الصوت وقالت:فى
ايه يارقية
رقية وقد بدأت عيونها تدمع:انا خبطت فى الاستاذ بالغلط والله واعتذرت منه بس هو مش راضى يقبل اعتذارى
احمد :ولا هقبله انتى لازم تدفعيلى حق القميص ده فاهمه
خرج عمار وكريم من الشقة على صوت احمد فقال عمار:فى ايه يا احمد
احمد:الابلة باين عليها عامية وخبطت فيا والكنز اتكب على هدومى
زهراء: خلاص والله هى اعتذرت منك وقالت اسفه لو سمحت مشيها
عمار:خلاص يا احمد ماتكبرش الموضوع عادى القميص يتغسل
أحمد: وانا هاروح بيه ازاى وهو مش نضيف
عمار بصوت منخفض لكى لا تسمعه الفتتان :محسسنى انه نضيف اوى خلص بأه بلاش كلام فاضى
أحمد: اسكت كده انت
زهراء:خلاص لوسمحت ياريت تعديها ولو حضرتك زعلان عالقميص ممكن تجبهولى وانا اغسلهولك
عمار:لأ متشكرين يا انسه حصل خير يلا امشى معايا يا احمد يلا
ذهب معه احمد وهو لايزال غاضبا من تلك الفتاة اما زهراء فقد نزلت مع رقية لكى تودعها
زهراء: خلاص بأه ياروئة ماتعيطيش
رقية :والله بجد كنت هعيط انتى عارفه انى مابستحملش شاب يكلمنى كده
زهراء:هههههه ياعينى عليكى اومال اما تجوزى وجوزك يزعئلك هتعملى ايه😂
رقية:ساعتها بأه ربنا يحلها
نتعرف على رقية وزهراء
رقية :فتاة جملية مؤدبة وطيبة بعيون زيتية وبشرة بيضاء وشعر بنى طويل يصل الى نهاية ظهرها وناعم تبلغ من العمر١٨سنه فى الصف الثالث الثانوى فنى
زهراء: زميلة رقية مؤدبة مثلها ولكنها جريئة شوية عن رقية فتاة بعيون بنية وبشرة سمراءوشعر اسود طويل وناعم
فى الشقة عند احمد
احمد:هو مفيش هنا مايه ولا ايه؟
عمار:فيه خد ازازة اهى اشرب منها
اتجه احمد الى الشباك ليرى المنظر من الخارج وعندما نظر الى الاسفل رأى رقية تحته مباشرة فابتسم ابتسامة خبيثة ثم فتح زجاجة الماء وكبها فوق رقية
شهقت رقية وفزعت كثيرا وعندما نظرت الى الاعلى ورأت احمد خفضت بصرها مره اخرى اما احمد فقد ضخك بصوت منخفض وقال بصوت عال بحيث تسمعه:اوه انا اسف فعلا ماكانش قصدى اصل انا كنت بكب المايه وانا ببص لفوق زى مانتى كده كنتى ماشيه وانتى بتبصى لتحت بجد ماكانش قصدى ثم دخل الى الشقة وبدأ بالضحك
عمار:عمرك ماهتتغير ابدا
تحت عند رقية
زهراء:خلاص ولا يهمك هو اصلا عمل كده عشان تجرى شكله وخلاص بس يلا تعالى معايا غيرى هدومك وبعدين تروحى
رقية: طيب
ذهبت رقية مع زهراء التى جلبت لها ملابس لكى ترتديها فوجدت والدة زهراء بالخارج التى قالت لها:خير يابنتى رجعتى ليه تانى؟
زهراء: اصل فيه واحد كب المايه فوقها من غير ماياخد باله
سمية:ماشى ياحبيبتى غيرى هدومك واقعدى عشان تتغدى معانا قبل ماتمشى
رقية:لأ معلهش ياطنط ماما دلوقتى مستنيانى وبعدين اخو زهراء زمانه جاى دلوقتى وانا مش عايزة احرجه خليه على راحته معاكم
زهراء: ههههه ياستى ولا يهمك مازن مش هيتحرج ولا حاجة
رقية: لأ برضه معلهش خليها مره تانيه احسن يلا سلام هشوفك بكره ان شاء الله فى المدرسة كفايه غياب كده
سمية:طيب يابنتى عشان انتى اصريتى بس روحى وصلى صاحبتك للباب يا زهراء
زهراء:حاضر ياماما
رقية:يلا سلام يازهراء
زهراء:سلام بس خلى بالك وانتى ماشيه لتخبطى فى حد تانى
رقية:هههههه ماشى يازوزو باى
زهراء:باى
عائلة زهراء
امهاسمية:طيبة جدا وحنونة وعندها ٥٥سنة
توفى والد سمية منذزمن واخوها هو اللى بيهتم بيهم
مازن:شاب طيب وملتزم يبلغ من العمر ٢٥سنه صديق ياسر ابن عم عائشة وهو متوسط البنية ويعمل كحداد
والفرد الاخير زهراء
اما بأه عائلة رقية فدى هنعرفها فى الوقت المناسب
************"
&عند آدم &
آدم بخوف:طمنى يادكتور امى عامله ايه
الدكتور:للاسف امك مش هتمشى على رجلها تانى
آدم بصدمة :ايه؟!!
الدكتور: للاسف اصابتها كانت فى الحبل الشوكى واعتقد انك طالب طب وعارف ان الاصابة فى المكان ده مالهاش علاج وبتؤدى لشلل على طول ربنا معاك عن اذنك
ضاقت الدنيا بآدم ولم يدرى ماذا يفعل فها قد اصبح على عاتقه مسئولية عائلته بالكامل وهو يدرس فماذا يفعل؟
***************
واخيرا عائشة 😂
نادت المعلمة على عائشة ليتم تفتيشها وبعد قليل خرجت والابتسامة على وجهها اما هدى فقد كانت مصدومة وقالت بهمس:انتى ازاى طلعتى كده عملتى ايه؟
عائشة بإبتسامة: هتعرفى دلوقتى
بعد عائشة دخلت فتاة تدعى هالة وبدأت المعملة بالتفتيش واثناء ذلك وجدت الكيس فى جيبها
المعلمة:اه انتى بأه اللى كبيتى الزيت عالسلم
هالة بصدمة:انا ؟!والله مااعرف الكيس ده اجه منين
المعلمة: الكلام ده تقوليه للمدير وامسكتها من يدها وسحبتها بقوة الى الخارج وعندما رأتها هدى قالت:اه يابنت الايه لبستيها لوحده تانيه ؟بس ازاى
عائشة: هقولك وانا كنت بفكر ازاى اخلص من الكيس لئيت الاخت اجت وقفت جنبى لوحدها فروحت استغليت الفرصة وحطيت الكيس فى جيب البلوزة بتاعتها من غير ماتاخد بالها وطبعا انا مسكت الكيس بمنديل وروحت رميته فى الزبالة اللى كانت جنبى وبعد كده دخلت اتفتش عادى وزى مانتى شايفه اهو
هدى: هههههههه والله فعلا انتى خطيرة
عائشة بغرور:اومال يابنتى انا عندى دماغ شغالة برضه هههههههه يلا نروح نشوف المدير هيعملها ايه
المدير:انتى لازم تتعاقبى بسبب اللى عملتيه المعلمة سهام مش هتمشى تانى
هالة وهى تبكى:والله ياحضرة المدير ماعملت حاجه  الكيس ده مش بتاعى والله
المدير:اخرسى خالص واتفضلى اطلعى بره عشان انتى مفصولة
هدى:انتى سمعتى اللى انا سمعته بيقول المعلمة سهام مش هتمشى على رجلها تانى
عائشة: سمعت ياختى خلاص وعيزانى اعملها ايه يعنى هى بأه تستحمل

اجل هذا هو الخطأ الذى سيغير حياة عائشة ويقلبها رأسا على عقب ذلك الخطأ سوف يسبب لها التعاسة الطويلة ولكنه فى النهاية سوف يكون الدافع لها للتغيير هكذا تسببت عائشة فى ضياع اسرة بأكملها وضياع مستقبل فتاة بريئة ترى ماذا سيحدث بعد ذلك؟تابعونى لتعرفوا 👋👋

*************
مستنية منكم الكومنتات والتصويت عشان اكمل الرواية 😉