قلبى العاصى

الفصل الرابع💛

"لا اله الا انت سبحانك انى كنت من الظالمين"

********************
&فى المستشفى عند سهام &
كان جميع ابنائها حولها ويبكون

بسملة بدموع:انتى هتطلعى من هنا امته ياماما
سهام بحزن:قريب اوى ياحبيبتى
باسل ببكاء:وهتمشى على رجلك تانى
لم تستطع سهام الاجابة واكتفت بالبكاء ولكن آدم قال بحزن:ان شاء الله ياحبيبى ماما هتمشى تانى ادعيلها بس
باسل:يارب تقومى بسرعة ياماما عشان تروحى معانا البيت
سهام ببكاء:يارب ياحبيبى يارب
وفاء بحزن:يلا نسيب ماما ترتاح شوية وتعالوا اجبلكم حاجه تاكلوها
آدم :خدى يا وفاء اشتريلهم حاجه بالفلوس دهى
ذهبت وفاء فجلس آدم مع والدته وقال لها:انا بوعدك ياماما هجبلك حقك من البنت اللى عملت فيكى كده
سهام: خلاص يا ابنى اللى حصل حصل ربنا يسامحها وممكن يكون الزيت وقع منها من غير ماتقصد
آدم:انتى تعرفى هى مين؟
سهام: لأ يا ابنى معرفهاش
هنا دخلت وفاء وقالت:البنت اللى عملت كده اتعاقبت يا ماما ماتخافيش احنا عرفناها
آدم بغضب:هى مين دى وانا هروح اشرب من دمها
سهام: خلاص يا آدم هى مين يا وفاء؟
وفاء:واحده اسمها هالة السيد
سهام: اه انا اعرفها بس انتى متأكده انها اللى عملت كده؟
وفاء: ايوه يا ماما هما لئوا الكيس فى جيبها
سهام: هى فعلا ماكانتش كويسة معايا بس ايا كان ربنا يسامحها
وفاء: هى فضلت كتير تعيط وتحلف انها ماعملتش حاجه بس مفيش حد صدقها
سهام:انا عن نفسى سامحتها لوجه الله وربنا يسامحها بأه"ياخوفى لتطلعى انتى اللى عملتيها ياعائشة انا حاسه فعلا ان البنت دى بريئة رغم انها كانت بتعاملنى وحش"

آدم: انا لازم اروح اتكلم مع المدير بخصوص البنت دى
سهام: خلاص يا ابنى اقفل عالموضوع
آدم: طيب ياماما ارتاحى انتى دلوقتى

&عند عائلة عائشة & بعدما عرفوا الاخبار

عفاف:لا حول ولا قوة الا بالله ربنا ينتقم من البنت دى
عائشة "بتدعى عليا يا امى طيب"
أحمد:انا لازم اروح لآدم اواسيه واقف جنبه فى محنته ان شاء الله هروحله المستشفى بعد العصر
عائشة: آدم مين؟
أحمد: وانتى مالك حاشرة نفسك فى كل حاجه كده ليه
عائشة: شوفتى ياماما ردى عليه انتى بأه
عفاف: آدم مين يا احمد بجد؟
أحمد: آدم ابن الابلة سهام ابنها الكبير دا صاحبى من ايام الاعدادى بس هو راح ثانوى عام ودلوقتى ماشاء الله فى طب وانا بأه انتوا عارفين 😂😂
عائشة😒:ايوه عارفين خيبتك

أحمد: طب بطلى كلام فاضى لحسن مش هتشوفى منى حاجه حلوة
عفاف:خلاااااااص اسكتوا بأه
عائشة: طيب"انا لو روحت مع أحمد محدش هيشك فيا وخصوصا سهام لأنها ممكن تقول للمدير أنها مش بتشك فى هالة وبتشك فيا أنا بعد آخر موقف بينا لا لا يا عائشة لازم ماتخليش مجال للشك عندها لأنك نفدتى بالعافية المره الجايه هيحصل ايه أنا لازم أقنع أحمد انى أروح معاه"
عفاف :اومال سامى فين يا أحمد
أحمد: راح يشطح مع صحابه الصايعين اللى زيه
عائشة: احم احم أحمد
أحمد: نعم قلبتى يعنى طالما قلبتى يبئا عايزة حاجه
عائشة😅:خدنى معاك المستشفى
أحمد😒: لأ
عائشة: ليه ياحوده
أحمد: كده مش من شوية كنتى بتعلى صوتك عليا
عائشة: ماكانش قصدى يا حمودة ياعسل اخويا ده انا طول عمرى بقول عليه راجل وشهم وجدع وبيحبنى😂😂
أحمد: طب ايه رأيك انى مابحبكيش
عائشة: أحمد خدنى معاك واوعدك مش هضايقك بعد كده
عفاف: وانتى عايزة تروحى ليه
عائشة: يعنى اعمل الواجب برضه يا امى بنتها صاحبتى ولازم اقف جنبها
أحمد😒:لأ حوش حوش الطيبة طفحت يا بت وريحتها طلعت اوى
عائشة: ربنا يسامحك ياخويا انا مش هرد عليك
أحمد: اعملى اللى انتى عايزاه ان شاء الله تقلبى بطة برضه مش واخدك معايا "😂😂😂"
عفاف:خلاص يا احمد خدها معاك
عائشة: امى ثم امى لحد اخر يوم فى عمرى"😂الباقى بأه معرفوش مش حافظة 😂😂"
أحمد: طول عمرك بتاعت مصالح
عائشة: يلا يا احمد بأه يلا يا حوده
أحمد: خلاص بعد العصر الائيكى جاهزة
قامت عائشة وقبلت أحمد من خده وقالت:حبيب قلبى يا حوده يا عسل
أحمد وهو يمسح خده :دك قرف انتى وبوستك 😒
ولكن عائشة لم تهتم به وذهبت لغرفتها لتكلم هدى عالواتس اب
هدى:ها جايه امته عشان تشوفى الفيلم ؟
عائشة: مش جايه النهاردة لانى راحه مشوار
هدى باستغراب:مشوار فين؟
عائشة: راحة ازور سهام😹😹
هدى:يالهوى انتى مجنونة😱
عائشة: يابنتى اهدى بس انا فكرت بعقلى وقولت ممكن سهام تشك فيا عشان كده قررت اروح ازورها عشان الشك ده يروح تماما
هدى:يابنت الايه تقتلى القتيل وتمشى فى جنازته😨
عائشة:😂😂ولو يابنتى انا برضه عائشة 😌
هدى :رهييييييبة يابت 😂😂
عائشة: عارفه عارفه😂😂بقولك تيجى معايا
هدى:وماله اجى نتسلى شوية بدل قعدة البيت