فى منزل فى حى فقير تجلس فتاه فى غرفتها و تمسك دفتر و تدون فيه شئ يدخل غرفتها والدها
الاب: اسيا حبيبه بابا اخبارها ايه
اسيا: الحمد لله يا بابا
الاب: اخدتى العلاج بتاعك و لا لسه
اسيا: اه اخدته بس واضح كده مفيش فايده
الاب: ان شاء الله هيجيب نتيجه معاكى
اسيا: ان شاء الله يا بابا
الاب:يلا عشان نتغدى سوا قبل ما انزل الشغل
اسيا:اتفضل يا بابا
يخرج الاب بصحبه اسيا الى غرفه الطعام
الام:يعنى كان لازم بابا عشان تأكلى يا اسيا
اسيا:واللهى انا مش عايزه اكل بس طلعت عشان بابا
الام:طب يلا عشان تأكلى و تاخدى العلاج بتاعك
اسيا:حاااضر
و بعد وقت تنهض اسيا و تدخل غرفتها و تمسك دفترها و تبدأ تكتب فيه
(انا اسيا عمرى 25سنه مريضه سرطان فى المخ اتصبت بيه من وانا عمرى 9سنوات بدأت اعراض المرض تظهر عليا بس اهلى محدش فيهم توقع انى اتصاب بالسرطان انا هبدأ احكى بس ياريت متزهقش منى اصل انت الوحيد اللى هعرف اقولك كل اللى جوايا بدأت تظهر عليا اعراض وانا فى المدرسه نزفت مره واحده و بعدين الموضوع اتكرر تانى معايا بابا ودانى للدكتور وعرفت ان عندى سرطان وكنت عايزه علاج كتير و مبالغ كبيره بابا مكنش قدامه حل غير ان يشتغل اكتر من مره فى اليوم عشان يوفر فلوس العلاج وفعلا وفرهم و بدأت اتعالج من السرطان فى المستشفى و كنت بروح المدرسه على الامتحانات لان كل وقتى كان فى المستشفى و بعدين العلاج منفعش معايا و السرطان اتمكن اكتر منى بدأت فى العلاج الكيميائى واستمريت عليه سنه كان شعور صعب جدا انى طفله وشعرى كله وقع وبقيت غير كل اصحابى و كلهم بعدو عنى فضلت شهور و سنين وانا بتعالج لحد ما ربنا تم شفائى وانا فى عمر 18سنه فرحت جدا و دخلت كليه طب و انا فى عمر 20عام عندما شفيت نهائى و شعرى ابتدى يرجع تانى ساعتها ابتديت احس انى زى كل البنات مش نقصنى اى حاجه انا شفيت من المرض بعد معاناه بس
مازالت باخد علاج عشان ميرجعش تانى) يقطع كتابه اسيا دخول صديقتها و جارتها هنا
هنا:اخبارك ايه
اسيا:الحمد لله يا هنون
هنا:انا عايزه اقولك حاجه
اسيا:خير فى ايه
هنا:شادى زميلنا فى الكليه كلمنى وانا هناك النهارده و عايز يجى يتقدم ليكى
اسيا:وتفتكر هيقبل بيا بعد ما يعرف انى كنت مريضه سرطان واحتمال يرجعلى المرض تانى
هنا بحزن:ان شاء الله مش هيرجع انتى بقالك سبع سنين مشفيه الحمد لله منه
اسيا:خلاص قولى لماما و شوفى ردها
هنا:طب انا هقولها واطلع عشان ميعاد جاسر اخويا قرب تمااام
اسيا:تماام يلا سلام
هنا:سلام
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بقلم Joody Emad
تحذير(ممنوع اخذ الروايه او اخذ اقتباس حتى لا تتسأل قانونيا الحقوق و النشر محفوظون للكاتبه فقط وفى حاله نسخ او مشاركه الروايه يرجى التواصل مع الكاتبه حتى لا تسأل قانونيا)
أنت تقرأ
نوفيلا معاناه اسيا بقلم Joody(مكتمله)
Short Storyعانيت كثيرا فى حياتى.... حتى عانيت فى مرضى..... ولكن وجوده بجانبى قد اشفانى..... او انه هو شفائى.... #Joody Emad (ممنوع اخذ الروايه او اخذ اقتباس حتى لا تتسأل قانونيا الحقوق محفوظه للكاتبه فقط)
