يدخل جاسر الى الحفل و يصدم عندما يشاهد اسيا تقع مغميا عليها يسرع اليها و يمسكها قبل ان تلمس الارض تسرع الام له و تأخذها منه و يذهب جاسر الى شادى الذى منع خروجه دخول جاسر يلكمه جاسر بشده فيرتد شادى الى الخلف عده خطوات
جاسر: هى احسن منك الف مره اللى انت غلطت فيها دى امشى اطلع برا مش عايز اشوفك تانى هنا
شادى ببرود: هى اصلا تحمد ربنا انها لقت حد يتجوزها بدل ما كانت زى البيت الوقف كده دى وحده عندها سرطان يعنى لو كنت اتجوزتها كان بعد شهور او مده كانت ماتت و انا هكون لسه فى شبابى
جاسر بغضب: بلاش كلامك ده وامشى عشان هموتك
شادى: اه وانت بقى حبيب القلب بتاعها بس هتلاقيك هربت لما عرفت بمرضها زى بالظبط
يذهب جاسر الى شادى و يسدد له ضربات و يأخده الى خارج القاعه و يدخل الى القاعه
جاسر: عمى ارجوك جوزنى اسيا
الاب: مقدرش يا ابنى صدقنى مش هقدر
جاسر: انا بتراجاك للمره الثانيه جوزهالى وده لمصلحتها لان المرض رجعلها تانى
الاب بصدمه: لاء هى كانت كويسه
جاسر: للاسف لاء انا جالى اتصال من الدكتور بتاعها بيقول ان الاشعه بتاعت اخر مره بتدل على ان المرض رجعلها تانى وللاسف المره لازم عمليه لانها لو معملتهاش خلايا المخ هتدمر اكتر ارجوك خلينى اتجوزها وانا هعملها العمليه تحت مسئوليتى
وفى هذه اللحظه تصرخ الام: الحقنى يا على اسيا بتنزف تانى بس المره دى اكتر من الاول
يسرع اليها جاسر: حد يجيب مياه بسرعه
يأتى النادل بالمياه و يأخده جاسر و يفوق اسيا
جاسر: قولت ايه يا عمى على
على: يلا يا شيخنا اكتب الكتاب
يبدأ عقد القرأن واسيا مصدومه وبعد وقت تفوق اسيا من صدمتها على جمله المأذون الشهيره و يعتذر الاب من الجميع ويأخذهم جاسر الى المستشفى و يبدأ فى علاج اسيا مع الطبيب
و بعد وقت يخرج الطبيب و جاسر فيسرع اليهم الجميع و هم حزنين بشده على ما حدث
الطبيب: للاسف العمليه هتتعمل بكرا لان فى اشعات هتعملها عسان نعرف العمليه هتم ازاى
جاسر: تمام وانا مع حضرتك ممكن ادخلها
الطبيب: اتفضل يا دكتور
يدخل اسر الى الغرفه و يصدم من منظر اسيا التى موصل بها اجهزه التنفس و اجهزه اخرى
جاسر: ارجوكى خليكى قويه عشان اهلك
اسيا بصوت منخفض: انا خلاص مش هقدر اكمل
جاسر: لاء متقوليش كده انتى هتفضلى و هتكملى
اسيا: انا خلاص كان عندى امل انه ميرجعش تانى
جاسر: اوعدك انه اخر مره بس لازم تعملى العمليه
اسيا: لاء انا مش هعملها
جاسر: هتعمليها عشان انا عايزك معايا فى حياتى
اسيا: لاء انت تستاهل وحده احسن منى
جاسر: لاء انا استهلك انتى و بس مش عايز غيرك
اسيا ببكاء: ممكن متزعلش منى على اخر مره كلمتك فيها بطريقه وحشه لما كنت عندنا فى البيت
جاسر: انا مش زعلان و اكمل بضحك: انتى ربتينى من اول و جديد و ادتينى درس انى عمرى ما ازعلك ابدا فى حياتى
اسيا بضحك: خلاص بجد تعبت ممكن تبعتلى ماما
جاسر: حاضر بس اكيد هنعمل العمليه
اسيا: ممكن طلب
جاسر: اكيد
اسيا: انا عايزاك تدخل معايا العمليات
جاسر: حاضر انا مش هسيبك اصلا
يقطع حديثهم دخول الاب و الام و هنا تسرع الام الى اسيا و تعانقها بشده
الام: حرام عليكى يا اسيا كده تخضينى عليكى
اسيا: غصب عنى يا ماما اتوقع ان شادى يعمل معايا كده ده اكتر واحد خلانى مبسوطه
يغضب جاسر من سيره شادى و يفتكر ما حدث
جاسر: بعد اذنكوا هخرج شويه و يسرع الى باب الغرفه لكى يخرج لكن توقفه اسيا
اسيا: جاسر ممكن متزعلش منى
جاسر بأبتسامه: مش زعلان و يذهب من الغرفه و تذهب وراءه هنا
الام: جاسر كان قلقان عليكى اوى
اسيا: انا مش عايزه اظلمه معايا
الام: مش هتظلميه هو اكيد عارف مصلحته فين وهى اكيد معاكى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بقلم Joody Emad
رأيكوووووو
تحذير(ممنوع اخذ الروايه او اخذ اقتباس حتى لا تتسأل قانونيا الحقوق و النشر محفوظون للكاتبه فقط وفى حاله نسخ او مشاركه الروايه يرجى التواصل مع الكاتبه حتى لا تسأل قانونيا)
أنت تقرأ
نوفيلا معاناه اسيا بقلم Joody(مكتمله)
Short Storyعانيت كثيرا فى حياتى.... حتى عانيت فى مرضى..... ولكن وجوده بجانبى قد اشفانى..... او انه هو شفائى.... #Joody Emad (ممنوع اخذ الروايه او اخذ اقتباس حتى لا تتسأل قانونيا الحقوق محفوظه للكاتبه فقط)
