يمر الثلاث ايام وتمت الخروجه التى كانو متفقين عليها و تجهيز كل شئ للخطبه بين المكان و الملابس و الترتيبات و لقد تم كل شئ و اليوم اهل شادى يعملون على قدم و ساق لان اليوم خطبه ابنهم الوحيد وفى الجانب الاخر فى البيوتى سنتر تجلس اسيا تحت يد خبيره التجميل و هنا معها
خبيره التجميل: ما شاء الله عليكى انتى مش محتاجه اى ميك اب خالص انتى كده حلوه اوى
اسيا: انا فعلا مش عايزه غير ميك اب خفيف جدا
خبيره التجميل: تمااام
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فى المساء خارج البيوتى سنتر ينتظر شادى اسيا و فى الداخل تنتهى اسيا من تجهيز نفسها و بعد فتره تخرج حيث ينتظرها شادى و يصدم شادى من جمالها لانها كانت ترتدى فستان بلون النبيذ على حجاب ذهبى و حذاء كعب بنفس اللون كانت ايه من الجمال و شادى ارتدى بدله سوداء تركب السياره مع شادى و يذهبون الى مكان الحفل التى كانت مزينه بطريقه رائعه تعجب اسيا بالترتيبات
شادى: بجد انا فرحان جدا النهارده
اسيا: وانا كمان ربنا يفرحك كمان
شادى: يفرحنا احنا الاتنين
تتم الخطبه بطريقه رائعه و بعد وقت تدخل عليهم سمر صديقه اسيا و هنا و لكن تصدم بشده عندما تعرف ان الشاب هو شادى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فى نفس الوقت فى منزل هنا يجلس جاسر حزين يتذكر الماضى المؤلم بالنسبه له
♡♡فلاش بالك♡♡
كان جاسر منذ الصغر متعلق بعائله اسيا جدا و كان اكثر تعلقا بأسيا و حزن بشده عندما علم بمرضها حيث انه كان تم سن18عام قرر ان يدخل كليه طب كى يعالج اسيا تمر السنوات و يتخرج جاسر من الكليه و بتعين فى المستشفى و يأخذ الماجستير و الدكتوراه و اصبح طبيب مختص لعلاج السرطان لكن فى المقابل اصبح اسيا لا تتعامل معه و تنفر منه فيقرر لن يذهب الى خطبتها من والدها
جاسر: عمى انا عايز اتجوز اسيا
تخرج اسيا فى ذلك الوقت و هى تبكى بشده
اسيا ببكاء: انا مش عايزه اتجوزك انت تستاهل واحده احسن منى انا مريضه و هموت بمرضى ده فمش عايزه اكون عبئ على حد حتى لو اهلى
جاسر: انا هعالجك و ربنا معانا و ان شاء الله ربنا هيشفيكى و نعيش سوا بعد كده
اسيا: لاء انا مش هتعالج معاك انا هكمل علاجى مع دكتورى و ياريت متفتحش الموضوع ده تانى
جاسر: تمااام انت قررتى وانا هنفذ قرارك
يفيق جاسر من شروده على دخول هنا الى المنزل فيذهب الى غرفته سريعا فتتعجب هنا من خاله جاسر لانه حزين للغايه فتتأكد انه يخفى شئ عنها
ملحوظه(هنا متعرفش ان جاسر بيحب اسيا)
♡♡♡♡♡♡♡♡♡♡♡♡♡♡♡♡♡♡♡♡♡♡♡
ذهبت اسيا الى منزلها تدخل الى غرفتها و تغير ملابسها و تمسك دفترها و تدون فيه كل ما حدث فى اخر ثلاث ايام
(النهارده كان احلى يوم فى حياتى مكنتش اتصور انى ممكن اتبسط بالطريقه دى كل حاجه كانت جميله جدا بس اكتر حاجه زعلتنى ان جاسر مجاش الحفله انا عارفه ان هو مش فى الشغل زى ما هنا قالت انا موفقتش عليه عشان هو يستاهل واحده احسن منى بكتير وشادى بردو بس شادى وافق على حالتى وكمان اتقدم بعد ما انا خفيت خالص بس تعرفى يا مذكراتى انا عندى امل ان المرض ده ميرجعش تانى عشان ساعتها هكون بظلم معايا شادى و اهلى اللى من يوم ما عرفو بمرضى وهم صعبانين عليا بس بقول الحمد لله انا احسن من ناس كتير حالتهم صعبه جدا بس يا ترى ايه سبب تفاجئ شادى بوجود سمر و ليه اتوتر اوى كده معقول يكون فى حاجه بس لاء اكيد مافيش حاجه يا مذكراتى انا هحكيلك كل حاجه بعدين لكن انا ظلوقتى محتاجه انام تغلق المذكرات و تذهب فى سبات عميق هى و جميع ابطالنا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فى مكان اول مره نذهب اليه نجد سمر تتشاجر مع شخص ما
سمر: انت فاكرنى هسكت على اللى انت بتعمله ده
مجهول: انتى ملكيش دعوه بحياتى انتى بره حياتى
سمر: مش هخليك تتهنى يوم واحد بعد النهارده
مجهول: اطلعى برا و مش عايز اشوف وشك تانى
تخرج سمر و هى تغلى من الداخل و تتوعد للمجهول
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بقلم جودى عماد
رأيكووووو
تحذير(ممنوع اخذ الروايه او اخذ اقتباس حتى لا تتسأل قانونيا الحقوق و النشر محفوظون للكاتبه فقط وفى حاله نسخ او مشاركه الروايه يرجى التواصل مع الكاتبه حتى لا تسأل قانونيا)
أنت تقرأ
نوفيلا معاناه اسيا بقلم Joody(مكتمله)
Short Storyعانيت كثيرا فى حياتى.... حتى عانيت فى مرضى..... ولكن وجوده بجانبى قد اشفانى..... او انه هو شفائى.... #Joody Emad (ممنوع اخذ الروايه او اخذ اقتباس حتى لا تتسأل قانونيا الحقوق محفوظه للكاتبه فقط)
