عاشق مغرور بقلم هاله محمد

البارت السابع

#علشق_مغرور

#هاله_محمد

#البارت_السابع

سيف بص لايمي وضيق عينه : حاجه ايه....؟؟
ايمي بابتسامه : انا خلاص هرجع اعيش في الفيلا....
سيف بفرحه : بجد كويس يا ايمي دي ماما هتفرح اوي،صحيح هو انتي تعرفيها منين....؟؟
عقدت ايمي حاجبيها : مين دي اللي اعرفها منين....؟؟
سيف بتردد وولاها ظهره : ش شمس مش اسمها كده بردوا...؟؟
ايمي بابتسامه : امم اسمها كده بردوا بص ياعم دي حكايه طويله بس انا مش هينفع احكيهالك...
سيف بصلها باستغراب : ليه....؟؟
ايمي مطت شفتيها : كده يا سيف..!! انا خارجه بقي سلام....ذهبت ايمي ولكن وقفت عند باب غرفه سيف والتفتت له....نسيت اقولك شمس هتعيش معانا هنا واوضتها جنبك علي طول... وخرجت وقفلت الباب قبل أن ينطق سيف بكلمه واحده
سيف ابتسم بخبث : هتعيش معانا هنا حلو اوي انا بقي هربيها وهندمها وهعرفها مين هو سيف البحيري

دلف الي الحمام أخذ دوش دافء وارتداء بنطلون قطن مريح وكان صدره العريض عاري
ذهب إلي فراشه واراح جسده عليه واضعا ذراعيه تحت رأسه يفكر فيما سيفعل من تلك الفتاه الجميله التي تحدته وسيريها من هو

خلص اليوم تاني يوم صباحا في منزل العم نجم والد شمس
نجم : هي شمس فين منزلتش تجيب فطار لحد دلوقتي ليه...؟؟
نظرت له حسنه و لوت فمها : الراجل بينه اتجنن البت بقالها تلات ايام مختفيه عن البيت وده يقول فطار باين الخمره لحست دماغه....نهضت من مكانها....لمه ادخل اصحي مقصوفه الرقبه تجيب فطار
دخلت حسنه الي ابنتها وقفت أمام سرير مني
حسنه : مني بت يا مني قومي يلا
مني بنوم : ممممم
حسنه : قومي جيبي فطار يلا
مني بضيق ونعاس : هوووف روحي انتي انا عايزه انام
حسنه بغيظ : اروح انا...؟! قومي يا بت قامت قيامتك...
اتعدلت مني وقعدت علي السرير وقالت بغيظ : عايزه ايه..؟ انا مش هروح اجيب حاجه انا تعبانه من اللف روحي انتي..ولا اقولك بلاش تفطروا النهارده
حسنه بسخريه : لف ماخلاص ياختي البت فص ملح وداب وابقي قابليني لو رجعت تاني
مني بلا مبالاه : بصي بقي ترجع ماترجعش انا مش هدور علي حد تاني
حسنه عقدت حاجبيها وقالت بسخرية : وهناكل منين يا عين امك وانتي قاعده في البيت...؟
مني نفضت الفراش من عليها بغيظ : أمته اتجوز بقي وارتاح دانتي زهقتيني اديني قايمه اهو اوعي كده...
أبعدت امها من أمامها ونزلت من علي السرير كادت أن تخرج من الغرفه حتي وقفت علي صوت امها
حسنه هزت راسها بسخريه : تتجوزي هو انتي بينلك جواز كك خيبه عليكي وعلي المحروس بتاعك وبعدين يا بنت الخيبه مش عارفه توقعي واحد معاه قرشيين ويريحنا من الفقر اللي احنا فيه ده
مني ابتسمت بتحدي وعند : ولا غني ولا غيره انا بحب طارق وهو مالي عيني ريحينا بقي شويه...
خرجت مني وتركت حسنيه تستشيط غضبا : كك داهيه فقربه ذي امك...

ياسر بتحزير : طارق اوعي يكون لك يد في اختفاء شمس..؟.؟
طارق بضيق : وانا مالي يا جدع انت هتلبسني مصيبه وانا هعرف هي راحت فين منين انا يعني....؟طب ياريت اعرف ما انت عارف اللي فيها يا عم ياسر
ياسر بص لطارق : المشكله اني عارف اللي فيها وده اللي مخوفني....
#هاله_محمد
شمس صحيت اخدت شاور واتوضت ولبست إسدال وصلت وبعدين لبست بنطلون جينز وتيشرت بكم وعملت شعرها ديل حصان (من هدوم ايمي)
خرجت من اوضتها في نفس اللحظه كان خارج سيف وخبطوا في بعض شمس كانت هتقع لكن سيف لحقها ومسكها من خصرها وعينيه جت في عينيها
شمس قلبها دق جامد وسيف سرح في بحر عيونها الزرقه
ايمي كانت واقفه عند باب اوضتها ومربعه اديها وسنده علي باب أوضتها وبتبص عليهم لقتهم طولوا في التوهان والسرحان راحت عليهم
ايمي بخبث : احم احم انا جيت في وقت غلط ولا ايه....؟
شمس اتعدلت بإحراج وبعدت عن سيف : ااانت ايه هااا......؟؟
سيف بيداري توهانه بعصبيته : أنا ايه ايه انتي اللي مش شايفه قدامك
ايمي ابتسمت : حصل خير يا شباب يلا ننزل عشان نفطر....
شمس بصت لسيف بتحدي وسيف بصلها بغيظ ونزلوا
قعدوا علي السفره نوران هانم علي رأس السفره وعلي اليمين سيف وقصاده ايمي وجنب ايمي شمس
قعدوا يفطروا بهدوء سيف عينه مانزلتش من علي شمس مره بغرور ومره بغيظ وشمس كل ما ترفع وشها تلاقيه باصصلها وشها يحمر لكن كانت بتبصله بتحدي
فاق من شروده علي صوت ايمي : تعرف يا سيف أن شمس هي اللي كانت عامله جاتو الحفله
أومأ سيف بتكبر وغرور : مممم
شمس بغيظ عقدت حاجبيها وقالت في سرها : مممم في عينك يا شيخ
ابتسم سيف ونظر بخبث لانه قدر يغيظ شمس اللي بان علي وشها أنه استفزها
نوران هانم بصت لايمي : ها يا ايمي هتروحي تجيبي حاجتك أمته يا حببتي...؟
ايمي وهي تضع الطعام في فمها : بالليل يا ماما لكن دلوقتي هنخرج انا وشمس وهنروح المول...
رن هاتف ايمي : طب عن اذنكوا هشوف مين...؟
قامت ايمي وذهبت لترد علي هاتفها
شمس قامت وقفت : عن اذنك يا ماما هطلع فوق لحد لمه ايمي تخلص
نوران هانم بصت لشمس بحب : ماشي يا حببتي
ذهبت شمس
#هاله_محمد
ايمي : الو ايوه مين حضرتك....؟
..... : معقول نسيتي صوتي بسرعه كده
ايمي بعصبية : نعم انت هتهزر...
......بضحك : ههههههههه‍ خلاص يا دكتوره انا اسف انا عدنان
ايمي بإحراج : احم اانا اسفه جدا اصل نسيت اسجل رقمك بجد سوري
عدنان بابتسامه خلابه : ولا يهمك حصل خير،يعني لو مفيش عندك مشكله ممكن نتقابل...؟..
ايمي باستغراب : نتقابل خير يعني في حاجه....؟
عدنان : خير طبعا بس لو ممكن نتكلم لمه نتقابل...؟
ايمي : اوك خلاص شوف أمته بس في اقرب وقت لأن الايام الجايه هبقي مشغوله جدا في المستشفي
عدنان : تمام يناسبك النهارده يعني لو ممكن اعزمك علي الغدا في اي مكان تختاريه
ايمي بتفكير :....اوكي ممكن علي الساعه تلاته يناسبك الميعاد ده
عدنان بفرحه : يناسبني جدا

قبل كل ده بشويه
شمس قامت وقفت واستاذنت ومشيت
سيف بص علي فراغ شمس : طب عن اذنك يا ماما
نوران باستفسار : رايح الشركه يا حبيبي....؟
سيف : اه بس هطلع فوق اجيب المفاتيح اصل نسيتها
قام وقف وطلع علي فوق وقف قدام اوضه شمس وخبط عليها
دق دق
شمس : ادخل....
فتح سيف الباب ودخل لقي شمس قاعده علي الكرسي شمس شافته قامت وقفت قصاده واتكلمت ببرود : خير في حاجه.....؟؟
سيف ضيق عينه وقرب من شمس جدا : اوعي تفكري انك عشان قاعده في بيتي مش هقدر اردلك القلم
شمس بلعت ريقها بخوف وتوتر من قرب سيف : إإنت السبب بتمسك ايدي ليه...؟
سيف جز علي سنانه وقرب اكتر منها وشمس كانت بترجع لواره لحد ما وصلت لاخر الحيطه سيف حاصر شمس مبين أيده والحيطه : ممكن تبعد...؟؟
سيف بابتسامه خبث قال بهمس : ليه...؟
شمس بإحراج : هو ايه اللي ليه انت انت مش حاسس انك مقرب اوي...؟
سيف وغمز بعينه : طب وايه يعني،تعرفي أن كتير اوي بيتمنوا أنهم يبقوا مكانك كده
شمس بغيظ : علي فكره انت واحد مغرور وشايف نفسك وبصراحه كده انا بقي مش طايقه قربك ده ممكن تبعد عني...؟
سيف اتغاظ منها جدا وقال بعصبيه : انتي مفكره نفسك ايه يا بت انتي دانتي متسويش اوعي تفكري نفسك انك ليكي قيمه....
كلام سيف جرح شمس واتضيقت منه فرفعت ايديها عشان تضربه لكن سيف مسك ايديها الاتنين وسبتهم في الحيطه بايد واحده
سيف جز علي سنانه : اياكي تفكري اني هسيبك تكرريها تاني فاااااهمه...؟
سيف ضغط علي ايد شمس وايديها وجعتها ودموعها بدئت تنزل
شمس بدموع : انت عايز مني ايه سبني في حالي الله يخليك
سيف اتضايق لمه شاف دموعها ساب ايديها وشمس مسحت علي ايديها مكان مسكت ايد سيف
سيف بجمود : هسيبك دلوقتي لكن خليكي عارفه اني مش هسيبك في حالك فاااهمه
شمس كانت عينيها فيها دموع لكن بصتله بتحدي
سيف سبها وخرج
شمس لنفسها : بني ادم مغرور وشايف نفسه...بس اانا ليه مش خايفه منه ولاا انا جسمي نحس ولا ايه.....؟
سيف خرج من عند شمس وكان نازل علي السلم قابل.....

#هاله_محمد