القصه__بعنوان #اخدعهم #جسدي
البارت _ 2
كعد ع السرير ويباوعلي من فوك لجوه ويبتسم...
سراج:اييييي يا ام عيون حلوه! واخيرا اجيتي برجليج.. وين جنتي؟
-شتريد مني الله يخليك مو كافي السويته بيه..
كام وكف كبالي وحركاته ونظراته تخوف:لا موكافي.. وكعتي ومحد سمه عليج.. (مد ايده ع حجابي ونزله) ايي؟ مكلتي وين جنتي؟
احجي وابجي وجسمي كله يرعش:رجعت للعماره اوعدك والله مااطلع بوجهك ولااضوجك بس امسح صوري فدوه والله اهلي يذبحوني.. سراج لتخليني اموت فدوه..
سراج:واذا كلتلج ماامسحهن وراح اصيرلج كابوس شنو تسوين؟
اني كبل وكعت ماعاد شالتني رجليه ولزمت رجلي ابوس بيهن واتوسله وماكو.. كلتله جبت فلوس وذهب اخذهن بس امسح صوري هو ضحك ضحكه شكبرها وشالني من الكاع بأيد وحده وكال:وبرأيج اني محتاج فلوس؟ شتشوفين محتاج؟ احجي ولج!
-لا لا ممحتاج.. بداعت امك امسح صوري والله امي تموت انت مابكلبك رحمه؟
-لتجيبين اسم امي ع لسانج فهمتي ياساقطه! وتحجين بالرحمه؟ليش لعد السويتي؟ قبلت بيج وبكل سوالفج قبل.. وحده جشعه وطماعه ومخادعه وادكين بيه!
ابجي واشهك وهو ولابكلبه رحمه درت وجهي اريد اطلع جان يلزم ايدي ويعتني حيل.. صاح وين؟ بعدنه متفقنه ع صورج الحلوات؟
-عوفني اطلع اموت نفسي ولا اخلي واحد مثلك يلعب بشرفي
-ههه ههه هه هههههههههههههههههه وج تحجين بالشرف؟ ياشرف هذا! شوفي كل ليله وياج امسح صوره وهنه 4 صور وبكيفج بعد..
تفلت بوجهه وكتله(نكس حقير) وجان يضربني راشدي كل قوته حسيت اذني انسدت وكعت للكاع وبقه يدفر ابطني وع ظهري واني اصيح اخ يمه كافي ارحمني الله ليوفقك الله لينطيك... وكأن ماكو ناس بهل فندق والي يفوت يسمع ويغلس ...
كعد ع الجربايه وبقه يباوعلي واني مدده واصرخ.. كال راح اعيشج ليله من العمر بس اصبري...
تندمت الف مره ع جيتي بس مجنت اكدر اسوي شي وهذا جان اخر حل ... بقيت بمكاني اصرخ وهو يحضر ابطله ويشرب اني كلت بس يسكر شويه اطلع من الغرفه ... بس هو يعرف شنو يسوي شرب شويه وكعدني ع كرسي وكال يله اشربي ..
-لوتموت!
-تردين اربطج؟ واصورج كم صوره لخ حلوات!
-لا الله يخليك لا.. اسوي التريده بس مااريد اشرب..(فكرت كلت بس اشرب يرجع يصورني)
-تعالي بحظني .. وشنو تعلمتي قبل ويه غيري سوي!
-مااتعلمت شي والله محد لمسني..
-انجبييي! غبي كدامج مو! يله تعالي..
جبرني اسوي شغلات واني نفسي لعبانه منه فكرت اقتله واخلص منه بس خفت لان ابو واصل واكيد هم انفضح وهم انقتل عاد موت بدون فضيحه اشوه... بقيت انفذ الي يريده وهو بكل حقاره مستمتع واني ادموعي تصب ومابيدي شي ...اهم شي انه ماطلب ذيج الشغله بس راد الاعبه واسوي الي يريده.. راح للحمام واني بقيت بمكاني الوب ... طلع وهو خدران ومرتاح ويبتسم بوجهي واني لو بيدي املخه باضافري..
-هسه راح تمسحهن؟
#اخدعهم #بجسدي
الجزء 3
#احمد لعكيدي
تمسحهن؟
هو شمر نفسه ع الفراش وكال تعالي يمي احاجيج...
كعدت بصفه هو قربني اله اكثر وكال:شوفي امسحهن بس ترجعين لبغداد وشوكت مااطلبج تجين برجليج..
-ارجع والله واذا تريد ارجع حبيبتك بس لتطلب مني اعيد السويته اليوم.. ارحمني سراج فدوه...
-ابقي بحظني والصبح نحجي.. نفذت الي كاله وهو غفه مثل الثور واني اتذكر كل شي سواه بيه وهسه اني بين ادي ودموعي تصب مانمت للصبح بقيت ادعي الله ياخذ عمري وارتاح ..
8
كعد الصبح وشبكني حيل وكال دوم اريد اشوف عيونج كبالي...
لزمت ادي اثنينهن وكتله يله امسحهن كدامي فدوه اذا تريد تشوف عيوني دوم..
هو جان كلش مرتاح وحظي كعد ويا كبل طلع جهازه وحذفهن كدامي ... تأكدت ماعنده بعد نسخ منهن بس كال..
-ياويلج يا رواء تفكرين تشردين مني اجيبيج من جوه الكاع واعيد السالفه من اولها...
-لا لتخاف مااسويها..
لبس ملابسه واني هم فتح الباب وكال يله نزلي ورايه نتريك سوا اليوم.. نزلنا لمطعم الفندق وهو طول مياكل يباوعلي واني اغلط علي بداخلط واسبه واتمنه احركه بمكانه..
من اذكر شلون ينكلب وحش عليه اخاف اخطي اي خطوه بدون مايدري هو.. صدك نجح بسوايته وخلاني اخاف من ظله بس بداخلي حاقده علي... هوايه اجت ابالي اروح لابو واكوله ع كل شي بس كلت اكيد راح يفضحوني ويطلعوني اني مو الخوش
فبقيت ساكته مثل بلاع الموس .. وصلني سراج ع بتنا اني وامي الجنه كاعدين بي..خابرت امي ثاني يوم وكتلها خلي احد يوصلج للكراج واني اتلكاج منا لان المدير قطع اجازتي ولازم اداوم هل فتره.. هي صدكت وصدك للمغربيه صارت امي يمي ابيتنا... اول ماوصلت جانت تعبانه ومحجت شي بس تعشت ونامت ثاني يوم جان تسألني سؤال عادي واني ارتبكت(البعبه صخب يمعمع)
امي:روجة(جان هذا اسم الدلع) شبيج يمه.. اهيسج (احسج)مدري شلونج..؟
-ها؟ لا يمه مابيه شي.. بس شغله الاجازه دوختني..
امي:جا ومنهه؟ انتي مو كلتي انقل للعماره جا تظلين اتدولبين كل عمرج..
-لا يمه.. بس لازم اخلص فتره بخدمتي هنا .. دنكت وكلت هو اني تورطت وقدمت هنا.. ياريت لو يعود الزمن..
امي:والله اخاف عليج ييمه نسوان اخوتج يكولن بارت محد ياخذهه بعد ومكضيتهه كله ابغداد مدري وين ماوين..
امي:يايمه هو اجاني احد وماقبلت؟ شو من تعينت ولهسه محد وصلج وكلج عليه ..
امي:اي صدك يمه مو يشوفونج انتي احسن منهم وعبالهم ماترضين ونسوان اخوتج شاهراتج شهيره بس الحجي عليج يم اهلهن
-يمه والله مناقصه اني حته تحجيلي يمه اني تعبت وبغير مااحس دموعي صبت وامي خلتني بحظنها وصدك بجيت بجي لحد ماارتاحيت هي تريد تعرف شبيه واني مااكدر اكول لبشر..
بهل فتره رحت كطعت اجازتي وداومت بس حته الهي نفسي ورجعت لدكتور وائل الي هو ابو الصيدليه الجنت اشتغل بيها ومقبل يرجعني ،،حقه الرجال عفتهم بغير مااكول .. لمن اتصلو بيه يله كتلهم بعد ماارجع وياكم...
