حيقول لي خلي القانون بس وطبعا قبلي يوم السفر رجعت البيت حقي دخلتو مشيت تاني غرفة ابوي اتذكرت طبعا الارقام دخلتها 317.318 طوالي الباب اتفتح شلت شريط الفيديو والشنطة حقتي وانا لسة م عارفة 317.318 معناها شنو شلت الورقة الكاتبين فيها 317 وكان في كاميرا حقت ابوي دايما بختها هنا شلت صورت الحروف ف.ت.317 وشلت الصورة الكان فيها ملامح طفل م ظاهرة وكاتبين فيها 317.318 فتحت الادراج حقت المكتبة لقيت فيها صور ل مؤيد ولي كنا مع بعض في نهاية الصور كان في صورة لطفل بكون عمرو زي 3 ايام بس كاتبين في الصورة دي نفس الحروف ف.ت.317 عاينت في الصورة شديد كان الطفل الفيها دا حلو حلو شديد لكن م كان عندي زمن شلت الصورة دخلتها جوة شنطتي تاني لقيت دفتر فتحتو لقيت مكتوب فيهو بالفرنسي طبعا أظنها مذكرات أبوي لانو هو الوحيد فينا البعرف فرنسي لانو قرأ الجامعة هناك كمان شلتها تاني مشيت فتشت عن الرقم الوطني الأصلي حق مؤيد لقيتو شلتو دخلتو جوة شنطتي (طبعا يمكن تقولو الشنطة م حتشيل ديل كلهم الكاميرا كنت شايلاها في رقبتي والدفتر في يدي والورق والشريط جوة الشنطة 🐸🐾)
وشلت رقمي الوطني وطلعت من الغرفة وقفلتها
الليلة مسافرين جهزت ولبست لي بنطلون جينز كحلي ومعاهو تشيرت طويل لحدي الركبة لونو سماوي وطرحة أوف وايت واسبورت ابيض وم عملت شيء في وشي وطلعت مؤيد كان لابس قميص كبدي ومعاهو بنطلون اسود وجزمة كبدية والحزام اسود وشاكي القميص طلعنا مشينا بي مواصلات لانو مؤيد قال عمي يوسف بعرف عربيتو لانو هو الجابها ليهو وصلنا الساعة 6 مؤيد قال لي عندو شقة أجرها ليهو صحبو قبل م يجي مشينا هناك كنا مرهقين من السفر طوالي نمت صحيت زي الساعة 8م دخلت المطبخ فتحت الثلاجة لقيت في بطاطس وبيض طلعتهم عملت شيبس وبيض بالطماطم ختيتهم في صينية صغيرة وشلت عيش ختيتهم في التربيزة الفي الصالة مشيت على غرفة مؤيد دقيت ليهو الباب قال لي اتفضلي قلت ليهو مؤيد العشاء قال لي طيب هسي بجي قلت ليهو تمام مشيت قعدت مؤيد م تم دقيقتين جاء لاحقني أكلنا بعد م انتهينا مؤيد قال لي خطتك شنو عشان عمي م يعرف انك هنا وحية كمان قلت ليهو والله خطتي دايرة ليها موضوع طويل بكرة انا حاتنقب تمشي معاي السوق عندي حاجات دايرة اجيبها قال لي تمام بكرة من الصباح خليك جاهزة قلت ليهو كويس ....
اليوم التاني قمت الصباح الساعة 6 صليت ودعيت ربنا انو يسهل لي مهمتي وينجح خطتي ويحفظني من كل شر وقريت قرآن الساعة 8 لمن جات لبست لي عباية وكان عندي اصلا نقاب امي كان بتقول لي البسيهو لمن نكون ماشين بيت وفاة لبستو وطلعت لي مؤيد لقيتو ملثم وشو بالشال ولابس اسود في اسود قلت ليهو اشكالنا دي بتجيب الشبهات قال لي خلاص حاطلع الشال قلت ليهو تمام
طلعو واتحركنا بمواصلات مشينا السوق لفينا طبعا انا اصلا استايلي بناطلين جينز قمت غيرتو اشتريت اسكيرتيات مع إني م قاعدة البسها لكن بحاول اتعود عليها وكان في بوتيك دخلتو منو عدسات ولانو م عندي زمن اصبغ شعري اشتريت مستعار عاينت هنا عاينت هنا م لقيت مؤيد مشيت على المكان الكان واقف فيهو لقيت تلفونو واقع شلتو معاي ومشيت الشقة أثناء م انا قاعدة في غرفتي بحاول افتح تلفونو التلفون فتح طوالي ظهرت فيهو علامة الموقع اظنهم كانو بتبعو بيها مؤيد بعد ربع ساعة حسيت انو في حركة في الشقة عرفت انو دا التلفون فيهو جهاز الموقع فتحت الباب براحة لمن هم كانو في غرفة مؤيد جدعت التلفون اتجاه الصالة وقفلت الباب لكن م بالمفتاح عشان م يشكو ويكسرو الباب دخلت جوة الدولاب (النوع الفيهو تلاتة ضلف والفي النص فيهو رف واحد 🐸🐾)
شلت لي بينسة من شعري حركت بيها القفل من جوة الدولاب اتقفل سامعة صوت تلاتة رجال دخلو استغرقو ربع ساعة اظن كانو بفتشو في الاوضة واحد منهم قال ليهم يلا نفتش الدولاب طبعا انا هنا هبطت بقيت بس بقرا في الاية البتقول "وجعلنا من بين ايديهم سدا ومن خلفهم سدا فاغشيناهم فهم لا يبصرون " واحد تاني من الرجال قال ليهو ي زول انت متخلف ولا شنو تفتكر الدولاب حيشيل المنقبة المعاهو دي ولا حيتقفل براهو يلا نوري ال buss انو م لقيناها سمعت رجولهم بتبتعد من الغرفة💔 لمن سمعت أصواتهم وهم طالعين من الشقة انتظرت ربع ساعة كدا تاني شلت بينستي هبشت بيها في الباب والبابا طوالي اتفتح طلعت من الدولاب أخدت نفس عمييق وحمدت ربنا الف مرة تاني قلت انا مكاني دا بقى مكشوف م ممكن تاني اقعد فيهو طلعت الصالة لقيت تلفون مؤيد قاعد شلتو لقيت الرجال عملو إلغاء لتتبع الموقع غلبت التلفون سماء وأرض م لقيت فيهو حاجة آخر حاجة دخلت الرسائل النصية لقيت مؤيد مرسل لعمي انو داير موقع الشركة وعمي رسل ليهو العنوان بشريحة تانية طبعا ياها نفس شركة أبوي قلت انتظرني ي عمي 💔 ....
#نتلاقىى
#Mathoo 👀🔪💜
