قلت ليها من رئتيني الاتنين تاني أتلفت عاينت للدفتر في التربيزة انا شايلة هم انو م أقدر افهم مذكرات أبوي وم اعرف سر الأرقام 317.318 ولا الحروف ف.ت.317😣😣
مفاذ قالت لي في شنو مشيت جبت الصور المكتوب فيها 317.318 عاينت فيهم مسافة لمن جات لصورة الشافع قالت لي دي انتي قلت ليها لالا رفعت لي حاجبها قالت لي اها دا منو قلت ليها انا زاتي دايرة اعرف يمكن دا مؤيد قالت لي متأكدة قلت ليها شبهيا قالت لي مثاني انا الحاجات دي كلها لازم اشيلها معاي عاينت ليها في عيونها لقيتها مصرة شديد قلت ليها طيب 😁😁
بعد مسافة قالت لي حتنتقمي من عمك كيف؟!
قلت ليها بعد ندمرو حافتح تاني القضية حقت أبوي مشيت جبت الشريط بتاع الفيديو دخلتو في السي في حضرناهو انا وموئل ومفاذ طوالي مفاذ مسكت موئل وقعدت تبكي قلت ليها طبعا انا حاليا عايزة اكسب القضية دي لازمني محامي يكون شاطر قالت لي بعد م ندمر الشركة انا بعرف لي محامي قلت ليها طيب قمنا نحنا التلاتة مشينا اتوضينا صلينا المغرب
تاني قمنا قعدنا موئل سألت مفاذ قالت ليها انتي مرتبطة مفاذ قالت ليها لا
مفاذ عاينت لي قالت لي وانتي قلت ليها كمان لا تاني مفاذ قالت لي طيب انتي ي مثاني م عندك أهل في الخرطوم غير ناس عمك قلت ليها والله عندي حبوبتي ام أبوي وجدي أبو أبوي هم قطعوا علاقتهم مع عمي من زمن أتزوج مرتو الاسمها سكينة الفقر دي سكينة تطعنها في نص بطنها 😒😒
مفاذ ضحكت قالت لي طيب وانتي علاقتك معاهم كيف قلت ليها هم بحبوني شديد لأني حفيدتهم الوحيدة م كانو عارفين عن مؤيد شيء بعد م ضاع قالت لي تفتكري بعد م وصلهم خبر انكم كلكم متوا حيكون حصل ليهم شنو سكت قالت لي في يوم حاولي امشي ليهم قلت ليها حيستدعوهم للمحكمة ويشوفوني لانو يمكن عمي يعرف قالت لي فكرة برضو موئل قالت لينا انا عطشت مشيت جبت ليهم موية فتحت التلفزيون حضرنا لكنه لي بعد م انتهت العشاء اذن مشينا صلينا 💜🎶🎼
تلفون مفاذ اتصل كان دا وائل قالت لينا بعد كدا انا ماشة وائل منتظرني برة قلت ليها تمام مشيت طلعت ليها عباية وطرحة وانا كمان لبست عباية واديت موئل نزلنا تحت لقيناهو قاعد في النجيلة سلم علينا قال لي مفاذ مثاني وين مفاذ عاينت لي بمعنى ردي ليهو قلت ليهو انت دايرها ليه ؟! عيانة هي قال لي سلامتها والله قلت ليهو الله يسلمك قال لي انتي صحبتها ولا بتبقي ليها ؟!
قلت ليهو أيوة طلع لي أوراق قال لي بعدين اديهم ليها خليها توقعهم دي أوراق المنافسة شلتهم منو قلت ليهو قلم قال لي دايراهو لشنو قلت ليهو ااااااا هي م عندها قلم طلع ليهو قلم وقعت ليهو على الأوراق كلها قال لي هسي موقعة عليها مالك ؟!😠
طوالي انا ومفاذ وموئل فكيناها ضحكة وهو م عارف نحنا بنضحك لشنو ضحكنا فيهو جنس ضحك بعد م انتهينا قال لينا خلصتو ضحك زاتو البضحك شنو هسي 😒😒.......
قال لينا خلصتو ضحك هسي زاتو البضحك شنو هسي بسببك إلا امشي أطلع أوراق تانية 😒😒
مفاذ قالت ليهو دي ياها مثاني عاين لي من فوق لي تحت قال ليها اول حاجة مثاني عيونها م عسلية سوداء وشعرها م بني اسود + البت دي م بتشبهها اصلا قلت ليهو طيب انا عيوني م عسلية سوداء لأني كنت مركبة عدسات واصلا شعري بني لكن كنت مركبة مستعار وبما انكم كلكم لاحظتو للفرق فيبقى دا الدايراهو انا عشان عمي م يعرفني عاين لي مسافة وهو مندهش قال لي صراحة م اقتنعت لكن يمكن اقتنعت فكيناها ضحكة انا والبنات قال لي لا بالجد كدا انتي مثاني قلت ليهو والله دي انا 😀
قال لي م مصدق ابدا بحقق معاك بكرة في شركة عمك قلت ليهو تمام ودعنا مفاذ ومشينا على اتجاه الكافتيريا قلت لي موئل عايزة شنو قالت لي شاورما مشيت اشتريت اتنين شاورما وموية صحة مشينا فوق كان عندي فيلم هندي اسمو Singham حضرناهو للساعة واحدة موئل قالت لي ي بت بكرة مستنينا شغل قلت ليها اي والله قفلت التلفزيون ونمنا 💜🎼🎶😴
صحيت الساعة خمسة مشيت اتوضيت وصليت وقعدت قريت قرآن لمن الساعة ستة جات مشيت حاولت اصحي موئل بقت تقول لي ي امي م عايزة البس البامبرز ضحكت فيها مشيت جبت تلفوني وصورتها فيديو تاني صحيتها قالت لي والله ي ماما م ببول ف السرير انا م شافعة ع فكرة ضحكت فيها وختيت تلفوني جبت كباية موية باردة وشووووو كشحتها فيها قامت ناطة من السرير قالت لي والله ي ماما م بلت قعدت اضحك فيها عاينت لي مسافة قالت لي انتي ي متخلفة جات ناطة فيني من السرير طوالي انا وقعت وهي وقعت معاي قعدنا نضحك 😂😂
بعداك قلت ليها امشي صلي جبت ليك فرشة ومعجون قالت لي طيب مشيت اشتريت لي بسكويت زيزو وكيك السيسي وكان في ست شاي تحت جبت منها كبايتين لبن مشيت فوق لي موئل لقيت موئل صلت ختيت الشاي وقعدت موئل جات قلت ليها جبت ليك بسكويت زيزو قالت لي الله الله العشق والله 😋😋
طولت م اشتريتو وانتي طبعا كالعادة بتاكلي في كيك السيسي قلت ليها اصلا هو م حلو بالشاي انا مرات بشتري بسكويت سمور بشرب بيهو الشاي والكيكة باكلها ساي قالت لي الله الله شربنا شايين قالت لي طبعا حتديني من ملابسك قلت ليها انتي طلعي وطلعي لي معاك قالت لي واااااي ي مثاني البسي الفستان دا قلت ليها طيب .......
#نتلاقىى💜🎼🎶
#Mathoo💜🎼🎶
