مدامك تقدر الدوس على المواجع وتسير على طريق
عارف نهايته تمشي عالجمر مادامك اصيل وكلمتك ماترجع عنها تريس والتريس بكلمتها
الوعد تاج ثقيل والحق ينقال يامن تريس تعبتها الوعود
........
1985م
كل يوم من حياتي كان بالنسبة لي جديد
نلعب مع خواتي وبنات الجيران
نتفلح بقريناتي ونجري اليوم بطوله لي وين الضمني امي في فراشي تتنهد مخنوق صوتها وهي تمسح علي راسي وتبوس جبيني
يماا تعرفي شن دارت مسعودة
قالت علي قريناتي كيف قرينات الجدي
يماا قريناتي مش كيف الجدي ولا
لا لا قريناتك سمحة يابنيتي
معاش الدوري كلام مسعودة
انتي وليتي كبيرة وهي قاعدة عايلة
لالامنيش توا نخبر حنينة باش تاخد طريحة
معاش اتنابش فيا
عيب يما تنقلي الدوة مش هكي ربيتك حرام يناري
تاكل طريحة قد اختك يماا معاش تخلي في قلبك علي حد وغدوة بري صالحيها باش قليبك السموح
يرتاح معاش تزعلي باهي
باهي، يماا
همممم
نحبك يماا حضينك دافي نبي نرقد فيه ديما
من عيني يكبيدتي يلاا ارقدي سادك هدرزة
بس انقولك...
لا لا هيا ارقدي سلم بنيتي
.......
كل طفولتي كانت بين جدي وحناي وعرايك بنت عمي مسعودة وزويتينات سيدي
مانعلم غير اني النوض الصبح علي صوت امي ونفطر مع حناي ونجري وارا سيدي يسقي في الزيتون ونغرس معاه
ونديرو فزاعات للزرع ونقيل وني نلعب ونتعارك عما مسعودة وفي العاشية نرعي الشعير عما حناي
ومي تخبز في التنور
وفليل يجمعنا جدي يلاعبنا ويهدرز علينا
وبعدها تلمني امي فحضينها ودفيني
تحكيلي علي عرب زمان لما كانت صغيرة
مانعلم بروحي غير علي صوت امي الصبح الضبح
(تنادي) عليا
ش
ديوا بنيتي نوضي صلي وتعالي افطري عما حناك نوضي
يماتربحي ناعسني النوم نبي نرقد
سادك يلا نوضي صلي صبح
يماااااا وراصك ياحنه
لا يامينه نوضي سقديني خير لك ماعندي جهد عنادك نمشي نضبح علي سيدك يتفاهم معاك
نايضة خلاص معاش نبي نرقد ليش لقواداء
نهارك احرف اني قوادة اصبريلي توا نوريك
يماا وربي معاش نعاود سامحيني
كليت طريحة مليحة من امي بين تسقم مزاجي ومعاش عندي خاطر في العب ولا العرايك
مقعمزة قدام الحطب وسيدي يقطع فيه لما سمعت دوشه من روشن دار جدي الي في جنان
قال سيدي
شدى صبي دبشك تلبز طين ياباتي
دبشي تغبر كله حي عليا امي
توا تعاركني وتهزبني
وقعدت نضرب علي خدودي لين عيط عليا سيدي
تسكتي تحشمي بري لمك تفاهمي معاها معاش تزني وترني فوق راس وبري تفاهمي مع امك
ولزني بوي طول خشيت الحوش نسمع نساوين يهدرزن وحناي تضحك ومرات عمي نزغرط
حي عرس بنديرو عرس الدنيا ماوسعتني
في عقلي كل زغر وطة عقايها فرح
.....
بس لا هادي الزغروطة كان عقابها
حزن يوسعه عقل ولايضمه قلب
......
زغاريت ونساون ايدربكن شاهي العالة والضيافة
وخمس ايام كنت فرحانة رغم امي حابستن في دارها ماتخليني نضهر ولا حد يجيني وبنات
عمامي يهيجن ويركصن وني مكسور خاطري انشوف العروسة وفي الاخير طلعت انا العروس
مالقيت غير نساوين خشو عليا ولفلفوني في اردي وملايا بيضة ورفعوني وقلوني بعيد عن هللي
ياما بكيت علي امي مالقيتها وياما ندهت وترجيت والكل ايسكت فيا
لين تعبت وكرهت كل شي
الحوش الي خدوني فيه عزوز كبيرة يقولولها
شيخة مانعرف اسمها ومرة نديدة امي
اسماهاسدينة وقالولي هادي حماتك شن ماتقولك
ديري وما تثنى كلمتها
تفكرو من تزوجت البنت ربي عالم
انا نسحاب العرس زي ماقالت امي لما عيلة تاخد بنت عيلة تانية يسموها البنت عروس ويديرولها عرس
ماكن يخطرلي ان راجل خداني واني تزوجت
عشت اشهور عند عيلة الشيخ
مرن زي ايامي الي فاتن بس فقدت حضن امي وبستان سيدي والعب عما البنات وعرايك مسعودة
كانو يعاملوني زي بناتهم
بس
وين ايجيهم ضيوف حماتي تشد معاي وتقمطني
من فوق لي لوطة باش الطير العين
وين يجي صغارها الدخلني الدار وتسكر الباب وتقول حسك نسمع ضهارة من هني فاهما
ونقعد محبوسة نطلع كان للحمام وغداي وعشاي وفطوري كلهم في الدار مانضهر وولا كانو
الكبير قيس والي بعده الهادي والصغير سعد وهادا هوا راجلي زي ماقالت الشيخة
عزوزة حماتي
وحماواتي كانو تنين حدود ورحمة
وكل يوم يمر زي التاني مافيش اجديد غير انهم كانو شادين معاي دبشي ورجلي ماتعتب برا الحوش وليا سنة ماريت هلي وعمري توا كيف طقيت الثناعشر سنة
وين تشجعت وكلمت حماتي قالتلي
يوم حنتك بنرفعك لي هلك
سالتها امتي قالتلي وين تبلغي
وتولي مرة
ماعطتني جواب يريح قلبي الي طايرب علي فراق هلي وخوتي وامي وسيدي وحناي
دعموني فضلا وليس امرا الروايا حقيقة 100✓
أنت تقرأ
ســيــــد الــقـــمـــر
No Ficciónماذا لو نعطفت بكى الحياة في عمر الورود إلى طريق مليئ بالشوك والنار ماذا لو تغيرت المعتقدات وتوفنا عن قول يجوز ولا يجوز ماذا لو ااندثر كل حائل وستسلم الفؤاد للقلب العاشق الملهوف عندما يصبح القسم والعهد والكبرياء ستارا نبرر به خوفنا من الحياة ننجرف نح...
