أم عزباء ( روايات ليبية )

حلقة 5🔥

أم_عزباء5 (حقيقيه)

هشام:انا مش فاهم انتي كيف تسلمي ولدك بكل سهوله؟
شيماء:انا مبعتش ولدي لي عيله غريبه عليه
وبعدين انا مش ماشيه مربيه لي ولدي بس
هشام:شويه بس تقدري تشرحيلي انتي شنو في بينك وبين هالعيله؟
شيماء:ضحكت بهدوء...وشافت لجهة التانيه بعيون مدمعات...هههه طمع 😄
هشام:قاطع صوته تفكيره رنة الرساله ....قام تلفونه وشاف
شيماء:انا أموري تمام استنا مني مكالمه
هشام:لو نعرف بس لشنو تخططي ...وخر سيارته وطلع

شيماء:ماسكه طه وتبوس فيه...حبيبي سامحيني مش قصدي نخليك
(طبعا الحلقه الي فاتت تلخبطت وكتبت هدى
هبة:سكرت الباب وخشت...حكيت مع محمد وهوا توا راجع للحوش
اطلعي بنفسك خير م يصير شي مش راح يعجبك
شيماء:تجاهلت كلامها لانه مكانتش مركزه فيها ورجعت تبوس في طه بشكل رهيب وحطاته ع سرير
هبة:تشوف لي شيماء بحقد...يعني انتي مش واح تطلعي من هنايا
شيماء:حبيبتي انزلي للعيله وقبل م ننسا وانتي نازله حاولي تقنعي نفسك انك انتي مش ام طه ولا عمرك راح تحملي اصلا
هبة:ليش خنتي العهد الي بينا انتي طلبتي فلوس وحنا وفرناهم ليش جيتي توا وتبي ادمرينا
شيماء:ههه لانه الي قعد يصير اكبر منك ومن مشاعرك
ي روحي ي طه ممممواااح
هبه:انا نازله لكن راح تندمي لانك فكرتي تجي لحوشي
شيماء:شافتلها وهيا تضحك بهزوه ...خلينا نشوفو محمد شنو يقدر يدير
هبه:نزلت وهيا مش عارفه كيف تتخلص من المصيبة الي طاحت فيها💔

شيماء:وهيا حاضنه طه...واخيرا وصلت ليك وبدون مً نتعب بس الأيام هادي راح نقعد قريبه منك بدون مً نفكر في شي تاني 🥺

____________________________

دانا:تحط في الصحون ع طاوله ....غريبه رنيم لتوا مجتش
معقوله غايره من سماح ومسره ؟ لالا لو كانت هكي راهو مكانتش نضفت معانا الحوش
وفاء:حطت صحون السلاطه....نادي عليهم يتعشو وهما يشوفونا كأنه نازلين من الفضاء
دانا:هه خيرك وخيتي شن تحسي؟
وفاء:حاسه بالقرف والعار من العيله النحس هادي
دانا:هه حلوو لما تكذبي الكدبه وتقتنعي انها صح
وفاء:شافت بصدمه لي دانا وهيا منزله رأسها وترتب في صحون
تفكرت
رنيم:اختك دانا كأنه شايفه شي كلامها هالفتره كله تلميح
دانا:هيا بنات لعشاء جاهز
سماح:واخيرا لانه كنت شويه ويغمى عليا
المهديه:ان شاءالله يعجبكم لعشاء
سميه:صحيتي مكانش في داعي
رويده:عيب عاد شن درنا الا الواجب
سماح:في خاطرها(واااو ع كمية الوهم الي عندهم كأنه مش نفسهم الي لزونا
مسره:سبحان الله كيف تغيرو بلكيً عندنا ورثه ومنعلموش
دانا:شنو تحبو بنات ؟بيبسي وله شاني؟
مسره:سامحيني نشرب فيهم الاتنين
سماح:😳
دانا:هه ولا يهمك طالعه لبنت عمك
مسره:😋

___________________________

شيماء:واقفه في بالكوني تتفرج ....لن سمعت صوت الباب نفتح قعدت جامده بدون م تتحرك
محمد:هجم عليها ومسكها من يدها
لشنو تبي توصلي؟
شيماء:بكل برود...نزل يدك بيبي
محمد:ضغط ع يدها بقوه...فهميني لشنو تبي توصلي؟
شيماء:قلبت عيونها بدلع ....انا وصلت خلاص
هبة:خشت ...سيبها امك في دارها ومرات تسمع الهرجه
محمد:عندك لصبح بس تاخدي اغراضك وتطلعي من هنايا
شيماء:ههه وشنو المقابل؟
محمد:دفها بقوه ...لو متطلعيش من هني راح نتصل بالأمن يطلعوك
شيماء:ههههههههه
هبة:تبكي....انتي وعدتينا انك مش راح ترجعي هنايا صح ليش كدبتي بس؟
شيماء:قعمزت ع سرير...نصيحه تطلعي وتاخدي راجلك معاك
محمد:مسك يد هبه ...معاش تبكي نوعدك انها راح تطلع غصبا عنها
شيماء:صدقي كلام راجلك واطلعي
محمد:خلي الشي هدا ف راسك انتي الصبح راح تطلعي من هنايا
شيماء:تشوفله...به لحضه قبل م تتطلعو
خدت تلفونها وفتحت ع صور ....تعالو تفرجو مع بعض